Igeldo Herria

• Blog!
• Category: Azaleko Nabarmendua

Blog!

Viewing posts for the category Azaleko Nabarmendua

‘Enarak’ dokumentala ikusgai

Posted by: Igeldo Herria in Azaleko Nabarmendua 3 aste, 6 egun ago

Enarak musika taldea 1967 urtean sortu zen, diktadura frankista betean. Eta lehenengo kontzertua Igeldon eman omen zuten! Orain, musika taldearen istorioa dokumental batean jaso du Beñat Iturriotzek, taldeko abeslariaren semeak, eta dokumentala Igeldon eskainiko da ekainaren 5ean (ostirala) 19:00etan.
Batzorde soziokulturala herriko kultur eskaintza indartu nahian dabil Igeldoko Udalarekin elkarlanean eta dokumental hori izango da hurrengo eskaintza. Aurretik, autodefentsa tailerra, serigrafia, eklipseei buruzko saioa... eta besten hainbat ekintza antolatu dira.

Agiti bidea konpontzeko lanak berehala hasiko dira

Posted by: Igeldo Herria in Azaleko Nabarmendua 3 aste, 6 egun ago

Momentu honetan, proiektu desberdinak aurrera eraman nahian dabil Igeldoko Udala. Eskolan hainbat hobekuntza egitea da horietako bat eta Aste Santuan zehar aritu dira horretan. Agiti bidea konpontzea da beste proiektuetako bat eta berehala hasiko direla jakinarazi du Udalak. Lizi­tazio prozesuan dago orain. Bi enpresa aurkeztu dira eta maiatzerako erabakiko dute zeini esleituko zaion lana. Lanak buru­tzeko 12 egun aurreikusten dituzte eta ekainaren 20rako bukatuta egotea da asmoa. Agiti baserri ingurutik behe­raino asfaltatuko dute bidea. 20 urtetik gora dira bide hori egin zela eta egoera oso txarrean eta arriskutsuan dagoela azaldu du Udalak. 112.000 euro inguruko kostua izatea aurreikusi da. Dena dela, Foru Aldundiaren diru laguntza jasoko du Igeldok lan hauek burutzeko: 35.000 euro.
Beste proiektu bat Itsas Aurren igogailua jartzea da. Kasu honetan, lizitazio prozesua hastera doa. 

PARTE HARTZE PROZESUA - Hiru fase, Plaza hobetzeko

Posted by: Igeldo Herria in Azaleko Nabarmendua 3 aste, 6 egun ago

Partehartze prozesuan ateratako ondorioak bildu ditu Igeldoko Udalak eta hiru fasetan aurreikusten ditu plaza hobetzeko ekintzak egitea. Plaza irisgarri jartzea, oinezkoek lehentasuna izatea eta gune berriak aktibatzea da helburua.

S28 TRAFIKO SEINALE IKUSEZINA ETA TAKTIKA

Posted by: Igeldo Herria in Azaleko Nabarmendua 3 aste, 6 egun ago

Itxura guztien arabera inor gutxik daki Igeldon Eliz-ondo etxe paretik errepide nagusiko bideguru­tzera iritsi arte oinezkoak lasai asko ibili daitezkeela errepidetik, baita jolasean aritu edota kirola egin ere. Gehieneko abiadura mugatuta dago: 20 kilometro orduko, eta abiadura muga hau 10 kilometro ordukora ere jaitsi daiteke.
S28 trafiko seinalean oinezko bat, kotxe bat, haur bat baloiarekin jolasean eta etxebizitza ikus daitezke. Seinaleak adierazten digu etxeak dauden ingurune batera sartzera goazela, oinezkoek lehentasuna dutela, haurrak jolasean ibili daitezkeela, hori bai kotxeei alferrikako trabarik egin gabe, eta kotxeek oso poliki joan behar dutela. Trafiko seinale hori pandemia eta gero jarri zen arren, seinalea baino apaingarria dirudi, kasu zipitzik ez diogu egiten eta. Beraz, seinale horri ikusgarritasun handiagoa eman beharko li­tzaioke hasteko eta errepidea margotu.
Igeldoko Tokiko Entitate Txikia proiektu bat lantzen aritu da plaza eta ingurua oinezkoentzat seguru eta irisgarriak izan daitezen. Herria igarotzen duen kalean oinezkoek lehentasuna izan dezaten HIRIGINTZA TAKTIKOA egitea proposatu dute hiri-altzariak, jardinerak eta bestelako elementuak jarriz, besteak beste. Badenak ipintzea ere aurreikusi da, ikaste­txearen irteeran esaterako, eta kotxeentzako aparkalekuak mu­rriz­tea ere bai. Neurri horiek baztertu gabe, herrira sartu aurretik abiaduraren araberako semaforoa jartzea izan daiteke beste neurrietako bat: hau da, 20 kilometro orduko abiadura baino handiagoan doan kotxeari semaforo gorria piztea. Antzekoa egin daiteke Pilotegitik datozenekin.
Bestalde, HEZIKETA TAKTIKA gehi­tzea proposatzen dut. Horre­ta­rako Igeldoko haurrak erdigunera ekarri eta ariketa praktikoa egitea da ideia Igeldoko herri ikaste­txeko komunitatea eredu bihurtuz eta bertako ikasleak, gurasoak, irakasleak eta langileak inplikatuz: Igeldoko kale nagusia ez erabil­tzea, haurrak eskolara ekartzean plaza azpiko aparkalekuan uztea eta kotxeak aparkaleku horretan aparkatzea. Horrekin batera, herritarrak informatu eta sentsibilizatu, batez ere herrian eta babes ofizialeko etxeetan bizi direnak, eta herriko talde eta eragileekin konpromisoak adostea eragingarria izan daiteke: Itsas-Aurre kultur etxeko erabiltzaileekin esaterako.
Neurri horiekin bakarrik, ziur naiz errepideko eguneroko joan-etorriak asko murriztuko direla, zirkulazioa lasaituko dela eta plaza ingurua erakargarriagoa izango dela.

MADDI AGUIRRE DORRONSORO: «Jaso dudan Beka honek berriro piztu dit dantzan sakontzeko gogoa»

Posted by: Igeldo Herria in Azaleko Nabarmendua 3 aste, 6 egun ago

Maddi Aguirre Dorronsorok (2005) bi domina eskuratu berri ditu dantza garaikidean, Espainiako ORBE dantza txapelketan. Bakarkakoan lehenengo postua lortu zuen eta oso berezia izan da beretzat: «Nik sortutako koreografia batekin aurkeztu
nintzelako eta Burgoseko Kontserbatoriorako Beka bat eman didatelako».

• 1Page 93of
• ←
• 1
• 2
• 3
• 4
• 5
• 6
• 7
• 8
• 9
• 10
• →