Blog! | Igeldo Herriko webgunea Skip to content
  • Blog!
    • Category: Azaleko Nabarmendua

    Blog!

    Viewing posts for the category Azaleko Nabarmendua

    Maiatza eta ekainean ere ez dira geldirik egon Jubilatuak

    Posted by: Igeldo Herria in Azaleko Nabarmendua 5 hilabete, 3 aste ago

    Udako deskantsuaren aurretik, hainbat ekintza egin zituzten Jubilatuek maiatza eta ekainean zehar. Honakoak egin dituzte, besteak beste: eskursioa egin zuten Chillida lantegira eta Mirandaola burdinolara, oinarrizko emozioei buruzko hitzaldia antolatu zuten eta San Isidro egunean Mikel Laboaren inguruko saio musikatua eskaini zuten “Non dago Mikel Laboa?”.
    Irailetik aurrera berriz izango dira martxan ohiko dinamikarekin. Ikastaro eta ekintza mordoa antolatuko dituzte ikasturte berriarekin.

    read more / 0 comments

    Eskolako jaialdiarekin agurtu zuten ikasturtea

    Posted by: Igeldo Herria in Azaleko Nabarmendua 5 hilabete, 3 aste ago

    Eskolako azken eguna ekainaren 20an izan zen, baina aurretik eskolako jaialdia ospatu zuen eskolako komunitate osoak ikasturtea agur­tzeko.
    Ekainaren 14an izan zen jaialdia, frontoian. Haur Hezkuntzako ikasleek dantza emanaldia eskaini zuten, eta Lehen Hezkuntzako ikasleek antzezlan bat.
    Ondoren bi bideo jarri zituzten denek ikusteko: ikasturtearen laburpen-bideoa eta aurten eskola utzi duten 6. mailako ikasleentzako agur-bideoa. Hain zuzen, Maddi, Nora, Mara, Luhr, Haritz, Haitz eta Arotz agurtu zituzten. Agur gehiago ere izan ziren. Alde batetik, Mertxe Diez irakaslea agurtu zuten, azken urteetan Igeldoko eskolako erreferente garrantzitsua izan dena. Eta bestetik, Anartz Zuazua aktorea, antzerki saioak gidatu dituena.
    Eguna bukatzeko Guraso Elkar­teak bazkari goxoa antolatu zuen eskolako komunitate guztiarentzat.

    read more / 0 comments

    BIXI TALDEA: Aurkezteko, antzerki eta jolasak

    Posted by: Igeldo Herria in Azaleko Nabarmendua 5 hilabete, 3 aste ago

    Ekainaren 6an Bixi Taldearen aurkezpena egin zuten plazan. Antzerki bidez adierazi zuten Bixi dena, euskara eta aisia lantzeko helburua duen taldea. «Bixik, ekimen desberdinen bidez aisia eta euskara lotuz, haurren arteko hizkuntza harremana euskara izan dadin indarra egiteko asmoa du», azaldu zuten. Ondoren, jolasak eta pizza razioak izan zituzten umeek.

    read more / 0 comments

    UDABERRI JAIA: Maiatza ekintzaz beteta

    Posted by: Igeldo Herria in Azaleko Nabarmendua 5 hilabete, 3 aste ago

    Aurtengo Udaberri Festa besteetan baino zabalagoa izan da eta maiatza osoan izan ziren ekin­tzak: poltsiko antzerkia, Mikel Laboaren inguruko saio musikatua, San Isidro eguneko afaria, sendabelar tailerra, hockey saioa, magoa, kontzertua, kantujira, ardo dastaketa, motozerra taila, antzerkia... Denetarik izan zen eta herritarrek gustora hartu zuten eskaintza zabala.

    read more / 0 comments

    IGELDO-ERNIO: A ze kuadrila!

    Posted by: Igeldo Herria in Azaleko Nabarmendua 5 hilabete, 3 aste ago

    Maiatzaren 1arekin egin zuten aurten Igeldo-Ernio mendi martxa eta aspaldiko arrakastatsuena izan zen. Azken urteetan bezala, bi hitzordu jarri zituzten: bata Igeldotik joateko eta bestea Iturriotzetik. Igeldo­tik abiatuta, ibilbide osoa egin zutenak 20 herritar izan ziren. Ondoren, 46 gehiago elkartu zitzaizkien, ume eta heldu. Oso giro ederrean pasa zuten eguna. Dato­rren urtean errepikatzeko modukoa!

    read more / 0 comments

    Recent Posts

    Archive

    2025
    2024
    2023
    2022
    2021
    2020
    2019
    2018
    2017

    Categories

    Tags

    Authors

    Feeds

    RSS / Atom