Igeldo Herria

• Blog!
• maiatza, 2023

Blog!

Hurrengo epealdiko postak ikusten: maiatza, 2023

JABIER IRAOLA GABILONDO: «Altxor bat egitea lortu dugu»

Nork argitaratua: Igeldo Herria Kategoriak: Azaleko Nabarmendua urte 1, 4 hilabete atzera

Igeldoko historia eta istorioak biltzen dituen argazki liburua osatu du Jabier Iraola Gabilondok hainbat herritarren laguntzarekin. Bertan bildu dituzte orain dela 50 urte arteko baserri eta familien bizipen eta argazkiak. Nondik gatozen ezagutzeko igeldoar guztiok etxean eduki beharreko liburua, dudarik gabe. Urtetako lanak udan ikusiko du argia. Edizio bakarrekoa izango da eta maiatzaren 16ra arte erdi prezioan eskuratzeko aukera dago.

Hainbat deialdi Guraso Elkartetik

Nork argitaratua: Igeldo Herria urte 1, 4 hilabete atzera

Ikasturte bukaera iristen ari da eta hainbat hitzorduren berri eman dute Guraso elkartetik. Alde batetik, ekainaren 11n Eskola Txikien Festa izango dela gogorarazi dute. Lizartzan izango da oraingoan eta egun osoko festa ederraz gozatzeko aukera izango da. Herritar guztiei dei egiten diete Lizartzara gerturatzeko eta parte hartzeko.
Bestetik, ekainaren 17an Eskolako jaialdia izango da. Kasu honetan ere, egun osoko festa izango dute, ikasle, irakasle, langile eta gurasoek ikasturtea agurtzeko.

Frantziako Tourra Igeldotik pasako da

Nork argitaratua: Igeldo Herria urte 1, 4 hilabete atzera

Uztailaren 1etik 23ra Frantziako Tourra txirrindulari lasterketa jokatuko da eta lasterketako hirugarren etapa Igeldotik pasako da. Uztailaren 3an izango da, astelehena, eta errepidea itxita egongo da hainbat orduz. Hirugarren etapa horretan Amorebieta-Etxanotik abiatuko dira txirrindulariak eta Euskal Herriko kosta zeharkatuz Baionan izango dute helmuga. Bezperako etapa, bigarrena, Donostian bukatuko da eta Igeldoko errepidea irekita egon arren, baliteke Antigua eta inguruan eragina izatea. Informazio zehatza izatean, Herri Kontseiluak zabalduko du ohiko bideetatik.
Tourrarekin lotuta, asfaltatze lanak egin ditu Udalak Igeldoko errepide nagusian. Hainbat zati konpondu dituzte.

«Igeldon ere komunitate energetikoa martxan dago; animatu!»

Nork argitaratua: Igeldo Herria Kategoriak: Azaleko Nabarmendua urte 1, 4 hilabete atzera

Azken urte hauetan, gizartean asko zabaltzen ari da bizitzen ari garen larrialdi klimatikoari aurre egin behar diogunaren kontzien­tzia. Energiaren garestitzearen ondorioz, betiko enpresa energetikoek izan dituzten izugarrizko mozkinak ikusita, zenbait sektoreetan energiaren ekoizpena maila lokaletik kudeatzen hasi behar dugunaren ideia ere indarra hartzen joan da. Honi, Europatik bideratzen ari diren dirulaguntzak ere transizio energetikoa azeleratzeko eta, komunitate energetiko herritarren bidez, energiaren kudeaketa demokratikoago bat lortzeko helburuarekin garatzen ari diren proiektu asko martxan jartzen ari direla eransten badiogu, batzuei bururatu zaigun galdera hauxe izan da: Igeldon ere saiakera egingo al dugu, bertako baliabideak kontuan hartuz komunitate energetiko bat sortzeko? Eta, orain arte egin ditugun bi bileren emaitza ikusita, erantzuna baietz da, merezi duela eta egingo dugula!
Dagoeneko denok garbi daukagu energiaren deskarbonizazioa lortzeko, teknologia berriak gara­tzeaz aparte gizartearen eta ingurumenaren aldeko ereduak bultzatu behar direla, gaur egun dugun dependentzia energetiko handia murriztu behar dugula (GFAko datuen arabera Gipuzkoako energiaren %8a bakarrik da berriztagarria!) eta herrietako komunitate energetikoak irteera bat izan daitezkeela arazo horiek guztiak konpondu eta beste eredu energetiko batzuk eraikitzeko bidean, komunitate energetiko baten helburuak onura ekonomikoak, sozialak eta ingurumenekoak eskaintzen dituelako komunitate osoari.
Beraz, eraginkortasun neurriak hartuz energia-faktura murrizteko, herriko gizarte-kohesio handiagoa sustatzeko eta betiko energia enpresa handietatik aparte energia berriztagarriak erabiliz klima aldaketaren aurka egiteko gogoz bazaude, oraintxe duzu aukera Igeldon bertan. Animatu eta parte hartu!

Eguzki plakak jarri ditu Udalak Eskolan

Nork argitaratua: Igeldo Herria Kategoriak: Azaleko Nabarmendua urte 1, 4 hilabete atzera

Aste Santuan, autokontsumorako eguzki-instalazio fotovoltaikoa jarri du Donos­tiako Udalak Igeldoko eskolan. Energia berriztagarrien erabilera bultzatzeko programaren barruan, Europako diru lagun­tzaren bidez egin da. Aurrekontua: 32.724,45 €. Bertatik ateratzen den energiaren kontsumoa honela banatuko da: Eskola %40, Igeldoko bonbak % 35 eta kultur etxea %25.

• 1. orrialdea 3-(e)tik
• ←
• 1
• 2
• 3
• →