Igeldo Herria

• Blog!
• Category: Azaleko Nabarmendua

Blog!

Viewing posts for the category Azaleko Nabarmendua

INAUTERIAK: Euriak ez zuen zapuztu festa

Posted by: Igeldo Herria in Azaleko Nabarmendua 7 hilabete, 2 aste ago

Otsailaren 14an Inauteriak ospatu ziren eta azken urteetako jendetsuenak izan ziren. Euriak eta eguraldi petralak ez zuten zapuztu festa. Paella lehiaketak saltsa jarri zuen. 5 taldek hartu zuten parte eta Jon eta Harri izan ziren irabazle. 85 lagun elkartu ziren bazkaltzen eta herriko jubilatuz mozorrotutako gazteek sekulako giroa jarri zuten. Disko festarekin ere gozatu zuten ume eta gazteek. Eta bukatzeko, Pelaxek kon­tzertua eskaini zuen. 

Santa Ageda koplak kantari

Posted by: Igeldo Herria in Azaleko Nabarmendua 7 hilabete, 2 aste ago

Azken urteetan egin bezala, Santa Ageda bezperan koplak kantari ibili ziren hainbat herritar jubilatuek bultzatuta. Dindinen bazkaldu ondoren, Eskolara joan ziren bertako umeekin batera abestera eta arratsaldean zehar, kaxkoa girotu zuten.

Meteorologikora bisita

Posted by: Igeldo Herria in Azaleko Nabarmendua 7 hilabete, 2 aste ago

Urtarrilaren 21ean hitzaldia eman zuen Euskadin gaur egun AEMETeko ordezkaria den José Luis Camacho kataluniarrak. 20-25 lagun inguru bildu ziren Behatokiak beheko solairuan duen gelatxoan. Inguruan, apalek apaindutako hormak, eskuz jositako liburu zaharrez beteta; apaletan nahikoa tokirik ez eta lurrean zeuden aintzineko neurgailu arraroak; metro luze eskaseko pantailan, Behatokiaren historia agertu zen irudietan eta Camachok anekdotaz beteta hitza jarri zien datu eta irudiei; klimari buruz ere aritu zen eta gurearen ezaugarri nagusiak errepasatzeaz gain, izaten dituen aldaketak azaldu zituen; bukatzeko, Behatokiaren gaur egungo egoera azaldu zuen, hau da, bere lanpostua zeinek beteko duen ez dakiela ez eta zenbat behatzaile eta nortzuk etorriko diren Igeldora.
Hori bai, animatu zituen igeldoarrak AEMETek zabalduko dituen lanpostuetara aurkezteko; informatikan, makinetan, aeronautikan, fisikan… gradurik duenarentzat egokiak.

Pilota jolasak, Bixiren eskutik

Posted by: Igeldo Herria in Azaleko Nabarmendua 7 hilabete, 2 aste ago

Neguko lehen hilabeteak iparraldeko itsaso hotzean igaro eta gero, udaberri usainari jarraituz, gure kostaldera gerturatu zaigu Bixi, gure balea. Eta oraingoan, Bixik pelota jolasak egitea proposatzen digu. Bide batez, auzolanaren bitartez, garai bateko arkupetako frontoia berreskuratuz, adierazi dute.
Hori horrela, otsailaren 27an (ostirala) adin tarte guztientzako pilota jolasak antolatu ditu Bixi taldeak 17:00etatik aurrera izango da. Animatzeko dei egin dute.
Bestalde, gogorarazi nahi dute Bixik euskara eta jolasa bultzatu nahi dituela haurren artean, eta bide horretan, gurasoen jarrerak euskararen erabilerarekiko berebiziko garrantzia duela.

Kontuak esan, idatzi eta gozatu

Posted by: Igeldo Herria in Azaleko Nabarmendua 7 hilabete, 2 aste ago

Ieltxok antolatutako idazketa tailerra kultur etxean izan zen, larunbat goizez. Bost ikasle eta irakasle bat –Nerea Loiola-, liburuak zituen mahai baten bueltan. Ikasleek idatzi zituzten irakasleak planteatutako bost ariketak. Kontakizun bera ikuspuntu desberdinetatik kontatzen ikasi zuten, adibidez.
Nerearen motxilatik atera naute eta mahaiaren gainean jarri. Liburu gaztea naiz baina mahaia hotz dago. Niri buruz aritu dira, idazketari buruz hitz egiten dudala, irakurtzeko erraza naizela… Oso ondo, baina, pena eman dit motxila uztea: sekulako gaileta usaina zegoen bertan!
“Esistitzen ez den zerbaiten usaina zerrendatu” esan zigunan Nereak; “bost minutu dituzue”. Ai ama! Hantxe hasi gintunan “amorruaren usaina, gosearena, oporrena…” “Eta orain mansio huts eta zahar bat zarete, eta norbait sartu zaizue; eman aginduak. Beste 5 min.” Eta gu berriz “piztu tximinia eta erre bertan lotsa”, “astindu nire oholak, dantza eginez”… “Eta orain zerrendatu honen amaiera: ez nekien…”. Nik ez nekien… hainbesteko irudimena geninanik!
Ongi irabazitako atsedena izan zuten, noski. Elkartera jaitsi ziren eta lagun artean kontu-kontari ibili ziren. Idaztea kontuak esatea baita. Asmatuek zein bene-benetakoek: denek omen dute neuronen artean trabatuta geratu diren oroi-tzapenetatik zerbait. Gailetak gorriak, marroiak, zuriak, politak eta mundialak: gozatu egin zituzten ikasle prestuek, ikastaroa bezainbeste.

• 7Page 95of
• ←
• 2
• 3
• 4
• 5
• 6
• 7
• 8
• 9
• 10
• 11
• →