Blog! | Igeldo Herriko webgunea Skip to content
  • Blog!
    • Category: Azaleko Nabarmendua

    Blog!

    Viewing posts for the category Azaleko Nabarmendua

    IRAILEKO POXA: Uda giroa luzatu nahian

    Posted by: Igeldo Herria in Azaleko Nabarmendua 2 hilabete, aste 1 ago

    Iraila gogor xamarra egiten zaie batzuei, udako oporrak atzean utzi, eta errutinarako buelta izaten delako. Lanera buelta, umeak eskolara, udaren amaiera...
    Animo horiek igotzeko eta irailari bizipoz pixka bat emateko, "Iraileko poxa" antolatzea erabaki zuen Igeldoko Udalak Batzorde soziokulturalarekin elkarlanean. Horren baitan antolatu ziren ekintzak iraileko bi ostiraletan. Irailaren 5ean uretako puzgarrik eta zinea plazan eskaini ziren. Irailaren 12an, berriz, Arima Soul taldearen kontzertua izan zen eta ondoren, DJ Makalaren saioa. Afaldu bitartean, kon­tzertuaz gozatzeko aukera izan zen Goxoa food truckari esker. Oso giro polita sortu zen.
    Antolatzaileak gustora geratu ziren lortutako emai­tzarekin eta berriz errepika­tzeko gogoz. Iraileko poxak ere izango duela jarraipena azaldu dute.

    read more / 0 comments

    BIXI TALDEA: Berriz bueltan

    Posted by: Igeldo Herria in Azaleko Nabarmendua 2 hilabete, aste 1 ago

    Irailaren 19an herriko umeentzako jolasak antolatu zituen Bixi euskara eta aisia taldeak.  «Oporretatik bueltan gaude eta Bixitik garrantzitsua ikusten dugu haurrak euskaraz harremantzeko dinamika sustatzea. Horretarako, alde batetik, dinamikekin hasteko asmoa dugu, eta bestetik, gurasoei laguntza eskatu nahi dizuegu euskara era positiboan sustatzeko!», adierazi zuten orduan. Euren asmoa da hilabetean behin, gutxi gorabehera, ekintzaren bat edo beste antolatzea.

    read more / 0 comments

    Gau giro ederrak protagonista

    Posted by: Igeldo Herria in Azaleko Nabarmendua 5 hilabete, 3 aste ago

    Euri aitzakiarik ez da izan behintzat aurtengo San Pedroekin gozatzeko. Majo portatu zaigu! Egunez bero egin du, baina iluntze eta gau giro ederrak izan ditugu. Ekainaren 21ean hasi eta uztailaren 2ra bitarte, ekintza desberdinak egon dira eta oso giro onean joan dira. Azpimarratzekoa da San Pedro eguneko parranda. Bide Batez taldearekin, gogotik gozatu zuten herriko gazteek!

    read more / 0 comments

    Beharrak jasota geratu dira

    Posted by: Igeldo Herria in Azaleko Nabarmendua 5 hilabete, 3 aste ago

    Kaxkoa hobetzeko beharrak eta ideiak biltzeko bi ibilalditxo egin ziren maiatza eta ekainean. Bertan elkartutako herritarrek proposamenak adierazi zizkieten Hiritik At-eko kideei. Horrez gain, herriko eragileen eta Eskolako ikasleen proposamenak ere jaso dituzte. Orain, jasotakoak diagnostiko txosten batean bilduko dituzte eta irailean talde motorrarekin hurrengo fasea zehaztuko dute. Berri gehiago izatean, zabalduko diete herritarrei.

    read more / 0 comments

    Herritarrei eskerrak

    Posted by: Igeldo Herria in Azaleko Nabarmendua 5 hilabete, 3 aste ago

    Azken urteetan egin bezala, herritarrei eskerrak emateko afari-merienda txiki bat eskaini zuen Herri Kontsei­luak uztailaren 10ean. Festak aurrera eramateko herritarrek emandako lagun­tza sekulakoa izan da beste behin ere. Juntadizora 40 lagun inguru elkartu baziren ere, festetan lanean eta lagun­tzen aritutakoak ehundik gora izan direla jakinarazi du Herri Kon­tseiluak. Eskerrik asko denoi!

    read more / 0 comments

    Recent Posts

    Archive

    2025
    2024
    2023
    2022
    2021
    2020
    2019
    2018
    2017

    Categories

    Tags

    Authors

    Feeds

    RSS / Atom