Blog! | Igeldo Herriko webgunea Skip to content
  • Blog!
    • Category: Azaleko Nabarmendua

    Blog!

    Viewing posts for the category Azaleko Nabarmendua

    Irteerak eta antzerkia, Eskolako berriak

    Posted by: Igeldo Herria in Azaleko Nabarmendua 4 hilabete, aste 1 ago

    Hiruhileko honetan, hainbat egun seinalatu ospatu dituzte Eskolan. San Sebastianekin hasi ziren eta Santa Ageda iritsi zen ondoren. Bertsolaritzako saioetan, koplak prestatu zituzten ikasleek. Herriko jubilatuei ere abestu zizkieten eta ondoren elkarrekin aritu ziren koplak kantari. Azkenik, inauteriak ospatu dituzte. Jarritako gaia: Lanbideak.

    read more / 0 comments

    INAUTERIAK: Euriak ez zuen zapuztu festa

    Posted by: Igeldo Herria in Azaleko Nabarmendua 4 hilabete, aste 1 ago

    Otsailaren 14an Inauteriak ospatu ziren eta azken urteetako jendetsuenak izan ziren. Euriak eta eguraldi petralak ez zuten zapuztu festa. Paella lehiaketak saltsa jarri zuen. 5 taldek hartu zuten parte eta Jon eta Harri izan ziren irabazle. 85 lagun elkartu ziren bazkaltzen eta herriko jubilatuz mozorrotutako gazteek sekulako giroa jarri zuten. Disko festarekin ere gozatu zuten ume eta gazteek. Eta bukatzeko, Pelaxek kon­tzertua eskaini zuen. 

    read more / 0 comments

    Santa Ageda koplak kantari

    Posted by: Igeldo Herria in Azaleko Nabarmendua 4 hilabete, aste 1 ago

    Azken urteetan egin bezala, Santa Ageda bezperan koplak kantari ibili ziren hainbat herritar jubilatuek bultzatuta. Dindinen bazkaldu ondoren, Eskolara joan ziren bertako umeekin batera abestera eta arratsaldean zehar, kaxkoa girotu zuten.

    read more / 0 comments

    Meteorologikora bisita

    Posted by: Igeldo Herria in Azaleko Nabarmendua 4 hilabete, aste 1 ago

    Urtarrilaren 21ean hitzaldia eman zuen Euskadin gaur egun AEMETeko ordezkaria den José Luis Camacho kataluniarrak. 20-25 lagun inguru bildu ziren Behatokiak beheko solairuan duen gelatxoan. Inguruan, apalek apaindutako hormak, eskuz jositako liburu zaharrez beteta; apaletan nahikoa tokirik ez eta lurrean zeuden aintzineko neurgailu arraroak; metro luze eskaseko pantailan, Behatokiaren historia agertu zen irudietan eta Camachok anekdotaz beteta hitza jarri zien datu eta irudiei; klimari buruz ere aritu zen eta gurearen ezaugarri nagusiak errepasatzeaz gain, izaten dituen aldaketak azaldu zituen; bukatzeko, Behatokiaren gaur egungo egoera azaldu zuen, hau da, bere lanpostua zeinek beteko duen ez dakiela ez eta zenbat behatzaile eta nortzuk etorriko diren Igeldora.
    Hori bai, animatu zituen igeldoarrak AEMETek zabalduko dituen lanpostuetara aurkezteko; informatikan, makinetan, aeronautikan, fisikan… gradurik duenarentzat egokiak.

    read more / 0 comments

    Pilota jolasak, Bixiren eskutik

    Posted by: Igeldo Herria in Azaleko Nabarmendua 4 hilabete, aste 1 ago

    Neguko lehen hilabeteak iparraldeko itsaso hotzean igaro eta gero, udaberri usainari jarraituz, gure kostaldera gerturatu zaigu Bixi, gure balea. Eta oraingoan, Bixik pelota jolasak egitea proposatzen digu. Bide batez, auzolanaren bitartez, garai bateko arkupetako frontoia berreskuratuz, adierazi dute.
    Hori horrela, otsailaren 27an (ostirala) adin tarte guztientzako pilota jolasak antolatu ditu Bixi taldeak 17:00etatik aurrera izango da. Animatzeko dei egin dute.
    Bestalde, gogorarazi nahi dute Bixik euskara eta jolasa bultzatu nahi dituela haurren artean, eta bide horretan, gurasoen jarrerak euskararen erabilerarekiko berebiziko garrantzia duela.

    read more / 0 comments

    Recent Posts

    Archive

    2026
    2025
    2024
    2023
    2022
    2021
    2020
    2019
    2018
    2017

    Categories

    Tags

    Authors

    Feeds

    RSS / Atom