Blog! | Igeldo Herriko webgunea Skip to content

Blog!

Viewing posts for the category Azaleko Nabarmendua

2026ko Aurrekontuak erakusketa publikoan daude

2025eko abenduaren 18an Igeldoko Toki Entitate Txikiaren auzo batzarra egin zen (udalbatza). Bertan hartutako erabakietako bat izan zen 2026ko aurrekontuei behin behineko onarpena ematea.

Idazketa tailerra, urtarrilean

Urtarrilaren 17an Idazketa tailerra antolatu du Igeldoko Udalak Herri Kontseiluarekin batera. 16 urtetik gorako herritarrei zuzendua izango da. Nerea Loiolak gidatuko du saioa eta honakoa adierazi du edukiari buruz: «izena ematen duen jendearen nahi eta beharretara egokituko naiz. Hala ere, normalean, halako tailerrek asko izaten dute idazketa sortzailetik, norberaren barruko aho­tsa askatu, material laburrak sortzeko ariketa eta baliabideak eman, entzutea landu (gure testuena eta besteena), bibliografia interesgarria ezagutu eta konpartitu...
Egun bateko saioa izango da 9:30etatik 13:00etara, Itsas Aurren.

Kaxkoa hobetzeko, proposamenak zehazten

Igeldoko Udalaren eskariz, Kaxkoa edo plaza ingurua hobetzeko parte hartze prozesu bat ari da eramaten aurrera Hiritik At Kooperatiba.
Herritarren iritziak eta proposamenak biltzeko hainbat saio egin ostean, diagnostikoa prestatu dute eta orain, ekintza zehatzak definitzen ari dira. Proposatutako hobekuntzen artean daude plaza irisgarri jartzea, oztopoak kentzea, espazio irekiagoak egitea, orain arte erabiltzen ez diren guneei erabilgarritasuna ematea, Lizardi txukuntzea eta osatzea, peatonalizazioa bultzatzea...

Hobekuntza txiki batzuk egin ditu Udalak

Obrak edo konponketak nahi baino motelago doazela azaldu du Igeldoko Udalak, baina zenbait hobekuntza txiki egin dituztela azken astean. Horien artean daude Itsas Aurre kanpoko konponketak: Din-din kanpoko zuloak konpondu dituzte, Itsas Aurre atariko arbustoa kendu eta pareta egin dute espazioa txukunduz, eta aterpeko itoteari konponbidea eman diote.

Neguko Pala Txapelketak ekin dio edizio berriari

Azken urteetan egin bezala, aurten ere Neguko Pala Txapelketa mar­txan da azaroaz geroztik. Hain zuzen, azaroaren 28an hasi zen 7. edizio hau. Ordutik, ostiral eta larunbatetan ari dira partiduak jokatzen. Hain zuzen, ostiraletan 18:30etatik aurrera, 3 partidu jokatzen dituzte eta larunbatetan 9:00etatik aurrera, beste 4 partidu.
Final zortzirenak, laurdenak eta final erdiak urtarrila bukaera eta otsailean zehar jokatuko dituzte eta finalak martxoa hasieran izango dira.

Recent Posts

Archive

2025
2024
2023
2022
2021
2020
2019
2018
2017

Categories

Tags

Authors

Feeds

RSS / Atom