Blog! | Igeldo Herriko webgunea Skip to content
  • Blog!

    Blog!

    Entitate Txikiaren sorrera atzeratuta

    Nork argitaratua: Igeldo Herria Kategoriak: Azaleko Nabarmendua 9 hilabete, aste 1 atzera

    Apirilaren 14an egin zen Tokiko Entitate Txikiaren inguruko herri galdeketa Igeldon. Emaitza aldekoa izanik, Donostiako Udalak Foru Aldundira bidali zuen espedientea apirilaren 19an beronek eraketaren inguruko erabakia hartu zezan. Ekainaren 4an, ordea, Igeldoko TETa eratzeko espedientea osatzeko errekerimendua jaso zuen Donostiako Udalak, hainbat zehaztapen falta zirela eta. Ordutik, Donostiako Udal teknikariak zeregin horretan dabiltza, ahalik eta azkarren osatu eta Foru Aldundira bidaltzeko berriz espedientea.
    Honek guztiak atzeratu egingo du TETa sortzea eta ez dago argi noiz izango den.

    osorik irakurri / 0 iruzkin

    Ehundik gora herritarrei eskerrak

    Nork argitaratua: Igeldo Herria Kategoriak: Azaleko Nabarmendua 9 hilabete, aste 1 atzera

    Uztailaren 11n afari-me­rien­da txiki bat eskaini zuen Herri Kontseiluak festetan lagun­tza emandako herritarrei eskerrak emateko. 40 lagun inguru elkartu ziren plazan. Dena dela, aurten ere, festetan lanean eta lagun­tzen aritutakoak ehundik gora izan direla jakinarazi du Herri Kotseiluak eta oso eskertuta azaldu da. «Festak primeran eta giro onean joan dira eta zuei eskerrak izan da!».

    osorik irakurri / 0 iruzkin

    Eskolako jaialdia eskainita, oporrak iritsi dira

    Nork argitaratua: Igeldo Herria 9 hilabete, aste 1 atzera

    Eskolako umeek ekainaren 21ean agurtu zuten ikasturtea eta aurretik, eskolako jaialdia ospatu zuen eskolako komunitate osoak.
    Ekainaren 8an izan zen jaialdia, frontoian. Haur Hezkuntzako ikasleek "Munduko dantzak" izeneko abesti batekin dantza emanaldi bikaina eskaini zuten, eta Lehen Hezkuntzako ikasleek Olinpiada berezi batzuk antolatu zituzten. Ikuskizun paregabea izan zen eta asko gozatu zuten denek. Emanaldiko argazkiak ikusgai jarri dituzte eskolako web orrian, "Ikasleen Argazkiak" atalean.
    Ondoren bi bideo jarri ziren denek ikusteko: ikasturtearen laburpen-bideoa eta aurten eskola utzi duten 6. mailako ikasleentzako agur-bideoa. Hain zuzen, Pagoa, Amaiur, Irati, Aiert, Unai eta Adur agurtu zituzten. Bideo horiek ere ikusgai jarri dituzte.
    Eguna bukatzeko Guraso Elkarteak bazkari goxoa antolatu zuen eskolako komunitate guztiarentzat. Primerako eguna pasa zutela adierazi dute. Orain, datorren ikasturterako pilak kargatzeko, oporrekin gozatzeko garaia iritsi da!

    osorik irakurri / 0 iruzkin

    ESKOLA TXIKIEN FESTA: 60 lagun Igeldotik Adunara

    Nork argitaratua: Igeldo Herria Kategoriak: Azaleko Nabarmendua 9 hilabete, aste 1 atzera

    Oraingo honetan, Adunan ospatu zen Eskola Txikien eguna ekainaren 16an. Igeldotik autobusez joan ziren gehienak eta egun paregabea pasa zutela azaldu dute Guraso Elkartetik: «Herria zoragarria eta antolaketa bikaina, ezin gehiago eskatu. Igeldotik 60 pertsona elkartu ginen bazkaltzeko eta antolakuntzatik esan zutenez, talderik haundienenetakoa ginen. Beraz eskerrik asko denoi zuen parte hartzeagatik!!! Hurrengo urtean Ezkio Itxaso izango da antolatzailea eta bertan ikusiko geralakoan, ondo pasa oporrak!!!».

    osorik irakurri / 0 iruzkin

    AMEZTIKO FESTAK: Denek gozatzen duten festa

    Nork argitaratua: Igeldo Herria Kategoriak: Azaleko Nabarmendua 9 hilabete, aste 1 atzera

    Ameztiko Festak apirilaren 25ean ospatu ziren, aurten, bigarren aldiz. Jaia Buenavistan hasi zen eta hasiera emateko bertso bat eta hitz batzuk eskaini zizkieten Buenavistako familiari, oroitzapen ahaztezinak utzi eta denon etxea izan dela eskertuz.
    Ondoren ibilbideari ekin zioten trikitixak lagunduta: Amezti zarren barrenea eta haur jolasak, Amezti baserrian toka, Itsaso etxean altxorraren bila eta harrobi zarren aperitiboa eta kontzertua Alvaro Modregoren eskutik.
    Ibilbidea Buenavistan bukatu zen eta bertan bazkari ederra egin zuten.
    Arratsaldean plastiko erraldoi batekin eta urarekin jaitsiera egin zuten eta gozatu ederrak hartu zituzten haurrek... baita heldu ba­tzuek ere!
    Bitartean, zelaiko eszenatokian, Sweat Sara & ps Kahuna izan zituzten eguna borobiltzeko.
    Ateratako dirua Jai Batzordeari eman zioten herriko festak bultzatzeko.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom