Blog! | Igeldo Herriko webgunea Skip to content
  • Blog!

    Blog!

    Lumarik ez, Igeldon

    Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

    Hori du helburu, Gipuzkoako Foru Aldundiak (GFA). Luma edo Panpa Lezka landare bat da, inbaditzailea eta Igeldo kolonizatuta dauka, geroz eta gehiago; Tximistarri ingurua, nagusiki.
    Latinez Cortaderia selloana dei­tzen da, izen ezin aproposagoa bere hosto luzeek, estuek eta la­tzek erraz ebakitzen digutelako azala. Loreek berriz, ezin leunagoak, luma zuri ederrak ematen baitute. Hazi ugari botatzen dute eta alergikoentzat ez dira onak. Buena Vistatik hasi eta Leku Ederreraino ikusiko dituzue, itsasora begiratuz gero. 30 hektarea baino gehiago hartu dituzte, GFAren arabera.
    Habitat naturalen oreka meha­txatzen duten espezieetako bat da eta, ondorioz, debekatuta dago, adibidez, horiek landatzea. Are gehiago, legez, EAI bat –Espezie Arrotz Inbaditzailea- duten lursailetako jabeak behartuta daude neurriak hartzera espezie horiek kontrolatzeko eta ezabatzeko. Luma­ren kasuan, neurri horiek dira landarea indarrez ipurditik ateratzea. Kimikoki ere tratatu daiteke, baina hori egiteko baimen berezia behar da, produktuaren toxikotasuna dela-eta.
    GFA, baina, Panpa Lezka ezabatzeko Europako proiektu batean hartzen du parte. Helburua du Lisboatik (Portugal) Arroxelaraino (Frantzia) Kantauri isurialdean dauden Luma guztiak desagerraraztea. Eta Mendizorrotz pare-parean suertatu zaie.

    osorik irakurri / 0 iruzkin

    Gazteekin lanketa, kultur etxeko espazioa erabiltzeko

    Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

    Gazteek, asteburuetan, kultur etxeko espazioa erabiltzeko aukera izatea da asmoa. Prozesu bat jarri da martxan Hezten aisialdi taldearen bidez.

    osorik irakurri / 0 iruzkin

    Pelota saioak astearteetan

    Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

    Gainerakoek bezala, Pelota Eskolak ere hasi du ikasturte berria. Irailaren 24an izan zuten lehenengo saioa herriko umeek eta hemendik aurrera asteartero izango dute hitzordua frontoian. Arratsaldeko 17:30etatik 18:30etara txikienak aritzen dira. Momentuz LH 3. mailako (8 urte) umeak dabiltza, baina LH 1. mailatik aurrera edozein umek dauka aukera apuntatzeko. 18:30etatik 19:00etara, berriz, pelotan urteak daramatzaten bi gaztetxok jarraitzen dute.
    Pelota elkarteko arduradunek dei egiten diete gogoa duten ume guztiei azaltzeko frontoira astearteetan.

    osorik irakurri / 0 iruzkin

    Ekintzaz beterik hasi dute udazkena Jubilatuek

    Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

    Ikasturte berria indarrean hasi dute herriko jubilatuek. Alde batetik, ikastaro edo tailerrak dauzkate. Denera, bost dira:
    - Pilates. Urte osoa, astearte eta ostiraletan, 9:45etatik 10:45etara.
    - Mantentze gimnasia. Urte osoa, astearte eta ostiraletan, 11etatik 12etara.
    - Memoria lantzeko tailerra. Urte osoa, ostegunetan, 11etatik 12:30etara.
    - Musikoterapia tailerra. Urte osoa, astelehenetan goizeko 9:30etatik 10:30etara.
    - Gorputzaren zaintza eta masajea. Urriatik abendura (12sesio), asteartetan 18:00tatik 19:00etara.

    osorik irakurri / 0 iruzkin

    Eskola Kirola berritasunekin

    Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

    Guraso Elkartea burubelarri hasi da lanean ikasturte berriarekin. Beste hainbat konturen artean, Eskola Kirola antolatu dute 2. eta 3. zikloko ikasleentzat. Oraingo honetan, bi metodo desberdinekin ariko dira. Alde batetik, 3. ziklokoek orain arteko metodoarekin jarraituko dute eta 2. ziklokoek E2 sistema erabiliko dute. Adierazi dutenez, sistema berritzailea da, besteak beste, berdintasunera begira.
    3. ziklokoek bi kirol egingo dituzte: eskubaloia eta saskibaloia. 2. ziklokoek berriz, 5 kirol: eskubaloia, futbola, errugbia, saskibaloia eta hockeya. Horiez gain, bi taldeek, saio bereziak izango dituzte beste kirol batzuekin. Dagoeneko hasi dira entrenatzen eta urriaren 19an jokatuko dituzte lehenego partiduak.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom