Blog! | Igeldo Herriko webgunea Skip to content
  • Blog!

    Blog!

    Eskolan egindako lana erakusgai jarri dute oporrak hartu aurretik

    Nork argitaratua: Igeldo Herria 5 hilabete, 3 aste atzera

    Hiruhileko honetan zehar, ingurua eta mundua arakatzen ibili dira Eskolan, eta orain, ikasitakoa zabal­tzeko ordua iritsi zaie. Eskolako guraso zein igeldotar guztiei erakutsi nahi diete landutakoa.
    HH 4-5 mailako ikasleek itsasoaren zaintzaz ikasitakoa eta material birziklatuarekin sortutakoa erakutsi diete beren gurasoei abenduak 4 eta 5ean Itsas Aurren. Horretarako, erakusketa gidatu bat osatu zuten eta ikasleak izan ziren guasoen gidari. Amaitzeko, elkarrekin meriendatu zuten etxeko bizkotxoekin.
    1. zikloko ikasleek, gure ingurua nola garbi eduki landu dute. Igeldon zehar zenbait kartel zintzilikatu dituzte, herria garbi mantendu ahal izateko. Horretaz gain, Orri Informatiboarekin batera, jarraibide bat jasoko dute herritar guztiek.
    2. zikloko ikasleek, sites bat argitaratu dute landutako gauza guztiekin: datuak, grafikak, bideoak... Buru belarri aritu dira unibertsoa, eguraldia, klima... ikasten. Hemen QR-a.

    osorik irakurri / 0 iruzkin

    EUSKARAREN EGUNA: Euskara erabiliz, gozatu!

    Nork argitaratua: Igeldo Herria Kategoriak: Azaleko Nabarmendua 5 hilabete, 3 aste atzera

    Abenduaren 3an Euskararen Eguna izan zen eta urtero bezala, ekintza desberdinak antolatu ziren egunaren bueltan.
    Azaroaren 29an umeentzeko pelikulak egon ziren ikusgai eta biharamunean, Gozaldia Egunarekin bat eginez, eskain­tza zabala izan zen: sexologia gaztetxoentzat, "Txuri-beltza da ta..." emanaldia familientzat eta Dana D´Caprichoren kontzertua mokadu eta guzti. Igandearekin eman zitzaion bukaera egitarauari kantujira eta III. Euskaldun Peto lehiaketarekin. Herriko lau talde aritu ziren lehian. Lehia estua izan zen eta gazteak fin ibili ziren, baina azkenean helduak izan ziren nagusi. Beste behin ere, argi geratu da euskara erabiliz gozatu egiten dela!

    osorik irakurri / 0 iruzkin

    GAU BELTZA: Beldurrarekin jolastuz

    Nork argitaratua: Igeldo Herria Kategoriak: Azaleko Nabarmendua 5 hilabete, 3 aste atzera

    Aurten ere Gau Beltza ospatuz agurtu zuten ume eta gaztetxoek urria. Beldurrarekin jolastuz, hainbat ekintza egin zituzten arratsaldean zehar. Lehenik, mozorrotu eta aurpegiak margotzeko tartea izan zen. Ondoren, HH mailako umeentzat ipuin kontaketa egon zen eta LHkoentzat pista jolasak. Herriko gaztetxoek laguntza handia eman zuten ekintzak aurrera eramaten. Luntx batekin eman zioten bukaera festari.

    osorik irakurri / 0 iruzkin

    UDAZKEN FESTA: 'Mikra' ikuskizunak sekulako arrakasta

    Nork argitaratua: Igeldo Herria Kategoriak: Azaleko Nabarmendua 5 hilabete, 3 aste atzera

    Urriaren 26 eta 27an Udazken Festa ospatu zen. Aurten, berritasun moduan, Mikra akrobazia ikuskizuna ekarri zen Lugaritzen lagun­tzari esker, eta sekulako arrakasta izan zuen. Bertako eta kanpoko ia 200 lagun elkartu ziren frontoian. Eta benetan merezi izan zuela adierazi zuten ikuskizunaz gozatzera gerturatu zirenek.
    Larunbat iluntzean izan zen hori, eta igandean, ohiko egitarauari jarraitu zitzaion. Goizean azoka izan zen eta oso giro polita egon zen beste behin. Denetariko postuak izan ziren bertan: barazkiak, txerrikia, esnekiak, gozoa, zukuak, mermeladak, loreak, belarrak, pol­tsak, bitxiak eta apaingarriak, eskuz egindako larruzko oinetakoak...
    Azoka girotzeko, kantujiran ere ibili ziren jubilatuen eskutik. Ondo­ren, bazkaria egin zen herriko jubilatuak omenduz. Omenaldi berezia ere jaso zuten aurten 85 urte betetakoek. Hain zuzen, hiru izan dira: Ramoni Arrillaga, Ruperto Ortega eta Alfonso Zayaz. Denera 149 heldu eta 8 ume elkartu ziren bazkarian. Jubilatuak 111 izan ziren.
    Bukatzeko, talo goxo-goxoak egin zituzten urteko usadioari hu­tsik egin gabe!

    osorik irakurri / 0 iruzkin

    Autobus zerbitzu duina eskatuz, protesta egin dute hainbat herritarrek

    Nork argitaratua: Igeldo Herria Kategoriak: Azaleko Nabarmendua 6 hilabete, 4 aste atzera

    Igeldoko autobus zerbitzuaren inguruan prentsa oharra kaleratu du Herri Kontseiluak. Azaroaren 15ean protesta egin zuten hainbat herritarrek autobus zerbitzu duina eskatuz.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom