Blog! | Igeldo Herriko webgunea Skip to content
  • Blog!

    Blog!

    Ingurua eta planeta nola zaindu?

    Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

    Irailaren 9an ekin zioten ikasturte berriari Eskolan. Ikasturte honetan, 8 ume hasi dira HH 2n eta 2 irakasle berri ere badira: Aloña eta Olatz Mujika.
    Ikasturtea hastearekin, gelako izenak ere zehaztu dituzte: Karramarroak (HH 2-3); HH 4-5 Itsaso garbia eta Itsaso zabala; 1 zikloa: Hamsterrak; 2. zikloa: Espiak; 3. zikloa: Igeldosaurus.
    Bestalde, hiruhileko honetako proiketua honakoa izango da: Gure ingurua eta planeta nola zaindu dezakegu? Jakinarazi dutenez, eskolako ateak zabalik egongo dira adituentzako.

    osorik irakurri / 0 iruzkin

    Autobusarekin konponbiderik ez

    Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

    Igeldoko autobus zerbitzua hobetzeko asmoz, azken urtean hainbat bilera egin ditu Herri Kontseiluak DBuseko arduradunekin. Baita Olatz Yarza Mugikortasuneko zinegotziarekin ere. «Herri Kontseiluak behin eta berriz adierazi zien ezarrita duten zerbitzua betetzea nahi dugula, hau da, 30 minututan helmugara iristea eta puntual ibiltzea», adierazi dute.
    «Hori konpontzeko, herritik ikusten zen aukera bakarra, ibilbide zuzena egitea zela nabarmendu zitzaien, ez delako posible egungo ibilbidea 30 minututan egitea. Zuzena jar­tzeko, ordea, autobus bakarra eta ordubeteko maiztasuna izango genukeela adierazi zuten. Horren aurrean, alternatibak bilatzekotan lanketa bat abiatu zen, egungo egoera hobetzea helburu izanik. DBusen proposamena izan zen egungo zerbitzua lanzadera modura jartzea Igeldo-Antiguo konektatuz. Aukera hori herritarrekin aztertu eta lantzeko asmoa zuen Herri Kontseiluak, baina azken hilabeteetan ez dute aukera horren bermerik adierazi ez DBusetik ez Udaletik», gaineratu dute.
    Herri Kontseiluarentzat «denbora galtzea eta adarjotzea izan da orain arteko guztia eta argi geratu da lehendik ere pentsatuta dutena egingo dutela, nahi dutenean eta nahi duten modura, herritarren beharrak eta iritzia kontuan hartu gabe».

    osorik irakurri / 0 iruzkin

    Bulegoak eta aterpea prest

    Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

    Igeldoko Tokiko Entitate Txikia sortzen denerako, kultur etxeko eraikina egokitu behar dela onar­tu zuen iaz Donostiako Udalak eta aurrera eraman ditu horretarako lanak. Ondo­rioz, Itsas Aurren aterpea egin da, sarrerako koskak kendu dira, harrera gunea jarri da eta goiko pisuan bulegoak egokitu dira. TETaren egoitza izango dena egin bitartean (Eskola Zaharra), Itsas Aurre izango da TETaren gunea. Etorkizuneko lau langileak ere bertan ariko dira lanean.

    osorik irakurri / 0 iruzkin

    Pinotxorekin ikasten

    Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

    Azken urteetan egin bezala, zinea plazan eskaini zen irailaren 13an. Guillermo del Tororen Pinotxo ikusteko aukera izan zen; Pinotxo ipuin klasikoaren bertsio berria. Pinotxorekin batera, hainbat kontu ikasteko aukera izan zuten bertaratu zirenek. 

    osorik irakurri / 0 iruzkin

    Beste behin ere, kategorikoa!

    Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

    Oraingoan ere Garagardo Azokaz gozatzeko aukera izan da Igeldon. Uztailaren 19-21eko asteburuan izan zen eta beste behin ere, kate­goriko produktuekin, kategoriko giroa izan zen nagusi. Aurten gainera, musika eskain­tzak ere lagundu zuen. Antolatzaileek azaldu dutenez, boluntarioen partehartzea ere sekulakoa izan zen eta eskerrak eman nahi dizkiete denei. Lortutako dirua IKOra bideratuko da. 

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom