Blog! | Igeldo Herriko webgunea Skip to content
  • Blog!
    • Kategoria: Azaleko Nabarmendua

    Blog!

    Hurrengo kategoria duten postak ikusten: Azaleko Nabarmendua

    Jubilatuen Elkartea 2022ko egitaraua prestatzen ari da

    Nork argitaratua: Igeldo Herria Kategoriak: Azaleko Nabarmendua 3 urte, 4 hilabete atzera

    Datorren urteko ekintzak antolatu aurretik, bazkideen iritziak jaso nahi dituzte eta galdeketa orri bat bidaliko diete etxeetara.

    osorik irakurri / 0 iruzkin

    Hasi da Igeldoko Tokiko Entitate Txikia sortzeko negoziaketa fasea

    Nork argitaratua: Igeldo Herria Kategoriak: Azaleko Nabarmendua 3 urte, 4 hilabete atzera

    Espero baino dexente gehiago atzeratu bada ere, abenduarekin batera hasi da Igeldoko Tokiko Entitate Txikia sortzeko negoziaketa fasea. Siadeco enpresa justifikazio txostena prestatzen ari da eta Igeldoko batzordeko kideekin bildu zen abenduaren 2an. Tokiko Enti­tate Txikia sortzeko dagoen beharra azaltzea da igeldotarron etxeko lana orain: Igeldoren berezitasunak zehaztu, Donostiako Udalak ze zerbitzu eskaintzen dituen zerrendatu, zeintzuk ez, ze azpiegitura dauzkagun, ze gabezia...
    Bestalde, prozesu osoan herritarren partehartzea beharrezkoa izango da eta partaidetza dinamika hori nolakoa izango den ere zehaztu beharko da orain. Beraz, TET batzordeko kideek dei egiten diete herritarrei aktibo egon daitezen, «denon artean erabaki behar baitugu nolako TET nahi dugun».

    osorik irakurri / 0 iruzkin

    EHBilduko herriko taldea sortu da

    Nork argitaratua: Igeldo Herria Kategoriak: Azaleko Nabarmendua 3 urte, 4 hilabete atzera

    Duela aste batzuk herriko EHBilduko taldea sortu zen. Baina zertarako eta zein helbururekin? Nortzuk osatzen dute taldea? Ondorengo herrikideek: Nekane Urruzmendi, Eneritz Ota­men­di, Jabier Iraola, Aratz Urruz­men­di, Imanol Gomez eta Joxi Oiarbidek.
    Azaldu dutenez, «EHBilduko azken kongresuan EHBildu alderdi politikoa baino gehiago dela erabaki zen. Hau da, instituzioa eta kalea uztartuko dituen alderdi/mugimendua eratzeko bidean urratsak egitea erabaki zen. Horrela, herriz-herri EHBilduko taldeak sortzen ari dira eta Igeldon ere sortu dugu ekipo ederra».
    EHBilduk nazio mailan egiten dituen proposamen eta dinamikak lurreratu (herrian landu) eta herrira begirako programa bat lantzea dira taldearen helburuak. Proposamenak lurreratzeari dagokionez, EHBilduk hezkuntza lege berri baterako egin duen proposamena bereziki interesgarria iruditzen zaiela gaineratu dute eta aurrerago herrian lantzeko asmoa dute. Herrira begirako programari dagokionez, arlo ezberdinetan proposamenak egitea dute as­moa: «hala nola, energia, hezkuntza edota bestelako arloetan EHBilduk herriari egiten dion proposamena. Noski, horretarako parte hartzeko espazioak eskainiko dira, EHbildu komunitate zabala baita eta guztion artean eztabaidatu eta aberastuz osatuko baitugu herri honen beharrei erantzungo dien programa».

    osorik irakurri / 0 iruzkin

    500 eurotan baloratutako saskia zozketatuko da

    Nork argitaratua: Igeldo Herria Kategoriak: Azaleko Nabarmendua 3 urte, 4 hilabete atzera

    Aurreko urteetan bezala, aurten ere bertako produktuen saski eder bat zozketatuko da urtarrilaren 6an El Niñoko loteriarekin. Hain zuzen, 500 eurotan baloratutako saskia izango da. Herriko eragile desberdinek elkarlanean antolatu dute zozketa eta dirua herrigintzarako izango da. Aurten, Kooperatibako parkina egiteko eta San Pedroetarako erabiliko da.

    osorik irakurri / 0 iruzkin

    Hurrengo urteko jaiak «bereziak eta mundialak» izateko hasi dira lanean

    Nork argitaratua: Igeldo Herria Kategoriak: Azaleko Nabarmendua 3 urte, 4 hilabete atzera

    Badira hilabete batzuk Jai Batzordea lanean hasi zela datorren urteko San Pedroak antola­tzen. Bereziak eta mundialak izatea nahi dute, «izan ere, badira bi urte Covid-aren ondorioz, jaiak muga askorekin egin behar izan ditugula». Egitarau oparo bat antolatzeko, ordea, dirua ezinbestekoa dela nabarmendu dute eta hori dela eta, urtean zehar ekintza puntualak egingo dituzte dirua lortu asmoz.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom