Blog! | Igeldo Herriko webgunea Skip to content
  • Blog!
    • Egilea: Karmele Garmendia

    Blog!

    Hurrengo egilearen postak ikusten: Karmele Garmendia

    «Hau ez da Itsas Aurrek jarritako azken helegitearen erantzuna»

    Nork argitaratua: Karmele Garmendia 7 urte, hilabete 1 atzera

    Azken egunotan, komunikabideek Igeldoren inguruko aipamenak egin dituzte, Espainiako Auzitegi Gorenak emandako epaia dela eta ("Gorenak bertan behera utzi du Diputazioaren akordioa, Igeldoren desanexioaren inguruko galdeketa bideratu zuena" eta antzekoak). Zabaldu den informazioa nahasgarri xamarra suertatu dela iruditzen zaio Itsas Aurre elkarteari eta honen inguruko azalpenak emateko eta informazio hori argitzeko, ohar bat prestatu du. Datozen egunetan etxeetara banatuko dute.

    osorik irakurri / 0 iruzkin

    Itzulia Igeldotik pasako da apirilaren 2an

    Nork argitaratua: Karmele Garmendia 7 urte, hilabete 1 atzera

    Euskal Herriko Itzulia apirilaren 2an hasiko da (astelehena) eta 1go etapa honetan, Igeldotik pasako dira txirrindulariak. Hori horrela, errepide nagusia itxita egongo da, bai igotzeko bai jaisteko, 14:00etatik 16:00etara. Horrez gain, Mendizorrotzetik Oriorako bidea ere itxita egongo da 12:00etatik aurrera. Kasu honetan ere, bi norabideetan. Antolatzaileek azaldu dutenez, ordu tarte horiek aldaketak izan ditzakete lasterketaren gorabeheren eraginez. Donostiatik sartuko dira txirrindulariak Igeldora (Donostian ere trafiko mozketak izango dira) eta Oriorako bidea hartuko dute ondoren. Informazio gehiago nahi izanez gero: www.itzulia.eus eta www.donostia.eus.

    osorik irakurri / 0 iruzkin

    "Angula ustelak" hitzaldia, bihar

    Nork argitaratua: Karmele Garmendia 7 urte, hilabete 1 atzera

    Erraustegiaren proiektuaren atzean zer dagoen jakiteko aukera izango da bihar Igeldon. "Angula ustelak" elkartasun biraren barruan, hitzaldia emango dute Ainhoa Intxaurrandietak eta Igor Melchorrek eta honako galderen inguruko azalpenak emango dituzte: Nolakoa da Euskal Erregimenaren politika eta zer gertatzen da aurre egiten diozunean? Hain zuzen, antolatzaileek azaldu dutenez, bertan erakutsiko dute erraustegiaren proiektuaren atzean dauden interesak eta diru publikoa betikoen esku pribatuetara pasatzeko egiten dituzten trikimailuak. Hitzaldia arratsaldeko 19:30etan izango da Itsas Aurre kultur etxean.

    osorik irakurri / 0 iruzkin

    Asteburu pasa antolatu dute Asteasura, maiatzean

    Nork argitaratua: Karmele Garmendia 7 urte, hilabete 1 atzera

    Asteasura asteburu pasa antolatu du Guraso Elkarteak. Bi gauko irteera izango da, maiatzaren 18tik 20ra, eta edozein igeldotarrek hartu dezake parte. Ostiralean Igeldotik atera eta Asteasuko Otabardi baserrira joango dira. Larunbatean eta igandean, egun osoko mendi-irteerak egingo dituzte; haurrek egiteko modukoak.

    osorik irakurri / 0 iruzkin

    Olioa eta kontserbak eskatzeko azken eguna, bihar

    Nork argitaratua: Karmele Garmendia 7 urte, hilabete 1 atzera

    Errigorako oliba-olio birjina estra eta kontserba-sortak (piperrak, zainzuriak, orburuak, potxak...) eskatzeko aukera dago Igeldon eta bihar bukatzen da epea (martxoak 20). Interesa izanez gero, ondoko bi herritarrei idatzi: igo.unanue@hotmail.com edo nekaneurruzmendi@gmail.com.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom