Blog! | Igeldo Herriko webgunea Skip to content
  • Blog!

    Blog!

    Azken egunak, Pala Txapelketan apuntatzeko

    Nork argitaratua: Karmele Garmendia 5 urte, 6 hilabete atzera

    Bigarren urtez, Neguko Pala Txapelketa jokatuko da azaroaren 22an hasi eta apirilaren 3ra bitarte eta izena emateko, azaroaren 8an bukatuko da epea (ostirala). Parte hartzeko, bikote bakoitzak 20 euro ordaindu behar ditu. Emakumezkoak teniseko pelotarekin ariko dira eta pelota mazizarekin bi maila izango dira. Izena emateko, telefono honetara idatzi behar da: 648268216. Datuak Whatsappez bidaltzeko eskatu dute.

    osorik irakurri / 0 iruzkin

    Kontzertua eskainiko du Lezkarrik azaroan, agurtu aurretik

    Nork argitaratua: Karmele Garmendia 5 urte, 6 hilabete atzera

    Lezkarri abesbatzak ikasturte berriari ekin dio eta dagoeneko kontzertu bat eskaintzekotan dabiltza. Hain zuzen, azaroaren 16an izango da, 19:30etan Eskolan. Zumaiako Beheko Plaza abesbatzarekin ariko dira.

    osorik irakurri / 0 iruzkin

    ATZERA BEGIRA: 60 urte Zapatari Berri baserria lur-jauzi batek irentsi zuela

    Nork argitaratua: Karmele Garmendia Kategoriak: Azaleko Nabarmendua 5 urte, 6 hilabete atzera

    1959 urteko irailaren 25ean izan zen. Uholdeak eta eguraldi oso kaxkarra izan zen inguruetan. Donostian bertan ere uholdeak izan ziren zenbait auzoetan eta Estatu mailan ere elurte izugarriak izan ziren. Igeldoko errepide nagusian, Zapatari Berri baserriaren parean, lur-jauzi handi bat izan zen eta baserria osorik irentsi zuen. Goizeko 10:30ak inguruan izan omen zen eta bertakoek zerbait bazetorrela atzeman eta baserritik garaiz ateratzeko aukera izan zuten, baita ganadua eta ahal zuten guztia ateratzeko ere. Isidro 55 urteko gizonak 8 urte zeramatzan ohean gaixorik eta Mikaela emazteak ahalegin guztiak eginaz senarra ohetik altxatzea lortu eta bizirik irten ziren biak. Hauen alaba, semea eta honen emaztea ere bertan bizi ziren. Suhiltzaileen laguntza ere izan omen zuten eta senarra berehala ospitalera eraman zuten. Ondorengo egunetan ikusmin handia sortu zuen gertaerak eta laguntzeko asmotan, herriko gazte koadrila bat etxez etxe ibili zen Zapatari Berri baserriko familiaren alde dirua biltzen.

    osorik irakurri / 0 iruzkin

    Igeldon ere, Gau Beltza ospatuko da gaur

    Nork argitaratua: Karmele Garmendia 5 urte, 6 hilabete atzera
    Aurten ere, Gau Beltza ospatzeko asmotan dira herriko hainbat guraso eta ume. Hori dela eta, tailerrak egongo dira Itsas Aurren 18:00etatik aurrera. Aurpegiak margotuko dituzte, aurpegirako izarak egin, donuts beldurgarriak prestatu... Ondoren, kaxkoan zehar, atez ate, goxoki eske ibiliko dira haurrak. Amaitzeko, afaritxoa egingo dute. Arroz beltza egongo da helduentzat eta pizza txikientzat (afarirako izena eman behar zen aurrez).

    osorik irakurri / 0 iruzkin

    Jubilatu elkartea, itxura hartzen

    Nork argitaratua: Karmele Garmendia Kategoriak: Azaleko Nabarmendua 5 urte, 6 hilabete atzera

    Azken aldian herrian jubilatu elkartea osatzeko lanean ari dira zenbait herritar eta adierazi dutenaren arabera, pixkanaka itxura hartzen ari da.
    Legalizazio prozesua martxan jartzeko dokumentazio guztiak uztaila bukaeran aurkeztu zituzten, baina zuzendu beharreko zenbait akats zituztela erantzun zieten iraila erdialdean eta berriz ere akatsak zuzenduta, beharrezko dokumentazio guztia aurkeztu berri dute.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom