Blog! | Igeldo Herriko webgunea Skip to content
  • Blog!

    Blog!

    Azken lanak, apirilean ateak irekitzeko

    Nork argitaratua: Karmele Garmendia Kategoriak: Azaleko Nabarmendua 5 urte, 2 hilabete atzera

    Igeldoko Kooperatiba azken lanetan murgilduta dabil buru-belarri, apirilean irekiko baita salmenta gunea. Bertan, eskaintza zabala izango dela aurreratu dute Koope­ratibako kideek, eta etxeko erosketa gehienak bertan egiteko aukera izango dela. Horrez gain, bertako eta gertuko produktuak lehenetsiko dituztela nabarmendu dute.

    osorik irakurri / 0 iruzkin

    Eskola Zaharreko proiektua, ekainean aurkeztu nahi da Udalean

    Nork argitaratua: Karmele Garmendia Kategoriak: Azaleko Nabarmendua 5 urte, 2 hilabete atzera

    Eskola Zaharrean zer egin erabakitzeko bilerak aurrera doaz. Apirilean proiektua idatzita egotea da asmoa eta ekainean Udalean aurkeztea. Maiatza herritarrekin proiektua parteka­tzeko probestuko da. Une honetan proposamen ezberdinak egin dituzten eragile edo sektoreak proiektu proposamena idazten ari dira: Jubilatuak, gazteak… Horrela proiektu definitiboa sektore ezberdinek eginiko proposamen batura bat izango da.

    osorik irakurri / 0 iruzkin

    Autobus zerbitzua hobetzeko proposamenak egin dira

    Nork argitaratua: Karmele Garmendia Kategoriak: Azaleko Nabarmendua 5 urte, 2 hilabete atzera

    Igeldon autobus zerbitzua hobe­tzeko beharra ikusten du Herri Kontseiluak, behin baino gehiagotan halaxe adierazi diotelako herritarrek. Alde batetik, DBus 16 linea hobetzeko beharra dago; eta bes­tetik, landa eremuko herritarren­tzako zerbitzuren bat jartzeko beharra. Horixe adierazi zien Donostiako Alkateari eta Auzoetako zinegotziari (baita oposizioko ordezkariei ere) abenduan egindako bileran, eta proposamen zehatzak eta eskariaren inguruko datuak bidaltzeko eskatu zuten udal gobernuko ordezkariek.
    Behar erreal horiek identifikatu eta horiei erantzun egokia emateko asmoz, herritarren artean galdezka aritu da Herri Kontseilua. Adin ezberdinetako herritarrekin jarri da harremanetan eta azaldutako beharrak kontuan hartuz, proposamen sorta prestatu du.
    Alde batetik, DBus 16 lineari lotuta: ibilbide zuzena egitea Igeldotik zentrora (eta alderan-tziz); goizeko 07:00etan hastea autobusa Igeldotik; ostiral, larunbat eta jai egun bezperatan 00:00etan eta 02:00etan autobusak izatea Igeldora igotzeko; bizikletak sartzeko ordutegia kentzea; DBus 5 linearekin (beste lineekin bezala) transbordoak egin ahal izatea. Eta bestetik, landa eremuko herritarrei begira, Behemen­diren taxi-bus zerbitzua ezartzea.

    osorik irakurri / 0 iruzkin

    Batzorde bat osatu da Mendizorrotzeko plana aurrera eramateko

    Nork argitaratua: Karmele Garmendia Kategoriak: Azaleko Nabarmendua 5 urte, 2 hilabete atzera

    Batzordean arlo ezberdinetako ordezkariak egongo dira: Ingurumena, Ondarea, Babes Zibila, Partaidetza, Herri Kontseilua eta abeltzainak.

    osorik irakurri / 0 iruzkin

    Martxoaren 7an Emakume Afaria!

    Nork argitaratua: Karmele Garmendia 5 urte, 2 hilabete atzera

    Aurten ere, urteroko ohitura galdu gabe, Emakume Afaria izango da Martxoaren 7an. Aurtengoan Etxe Nagusi jatetxean elkartuko dira herriko adin ezberdinetako emakumeak eta afari goxoa dastatzeaz gain, giro ederrik ez da faltako. Afarira apuntatzeko azken eguna, Martxoak 3 (asteartea) izango da. Apuntatzeko, Txapela tabernan dagoen zerrendan eman behar da izena, edota 617 57 32 11 telefonora deitu. Afaltzeko ordua 21:00etan izango da. Animatu eta azaltzeko dei egin dute.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom