Blog! | Igeldo Herriko webgunea Skip to content
  • Blog!

    Blog!

    Festetako argazki lehiaketa martxan dago

    Nork argitaratua: Karmele Garmendia 5 urte atzera
    Koronabirusak baldintzatutako egun hauetan, aurtengo jaietako argazki lehiaketa martxan jartzea erabaki du Jai Batzordeak. «Denentzako egoera aldrebesa den arren, printzipioz urtero bezala jaiak antolatzeko asmoa dugu», gaineratu dute.
    Hori horrela, argazki lehiaketan parte hartzeko arauak edo irizpideak gogorarazi dituzte:

    - Gaia: Igeldorekin zerikusia duen argazki, marrazki, montaje edo collage.
    - Argazkiaren tamaina 14,85*21cm-koa izan behar du.
    - Argazkia aurkezteko email honetara bidali: ttonttorro@gmail.com

    osorik irakurri / 0 iruzkin

    Aberri Eguna 2020: Igeldotik ere Euskal Herria batera

    Nork argitaratua: Karmele Garmendia Kategoriak: Azaleko Nabarmendua 5 urte atzera

    osorik irakurri / 0 iruzkin

    Zaintza sarea osatzen

    Nork argitaratua: Karmele Garmendia 5 urte, hilabete 1 atzera

    Koronabirusak sortutako egoeraren aurrean, zaintza sareak sortu dira hainbat herri eta txokotan egoerak eragin ditzakeen zaintza gabeziei aurre egiteko. Ekimen hori Igeldora ere iritsi da. Herri Kontseiluak abian jarri nahi du sarea eta honako deialdia zabaldu du: "Herri gisa erantzuteko egunak dira. Berekoikeria eta lehiaren aurrean modu kolektiboan jarduteko egunak. Zaintza erdigunean jarri eta arduraz jokatzeko unea da. Koronabirusa ez zabaltzeko neurriak hartu behar ditugu eta aldi berean, herritarron beharrak asetu eta ongizatea mantentzea bermatu behar dugu. Horretarako, bolondres sare bat osatzen ari gara behar duenari ahal den neurrian laguntza eskaintzeko. Kontziente gara, hurrengo egunetan behar ezberdinak egongo direla (erosketak egin, adin txikikoen zaintza, medikamentuak, bestelakoak…). Segurtasun neurriak hartuta eta osasun arloko profesionalen irizpideak kontuan hartuta jokatuko dugu. Laguntzeko prest bazaude edo laguntza behar izanez gero jarri gurekin harremanetan". 

    osorik irakurri / 0 iruzkin

    Herri Kontseiluak antolatutako jendarteko ekintzak, bertan behera

    Nork argitaratua: Karmele Garmendia 5 urte, hilabete 1 atzera

    Koronabirusa dela eta, neurriak hartzea erabaki du Herri Kontseiluak. Bihartik aurrera (martxoak 13) aldi baterako bertan behera geratuko dira Mus Txapelketa, Pala Txapelketa eta Ieltxoko ikastaroak.

    osorik irakurri / 0 iruzkin

    ATZERA BEGIRA: Emakumeen sokatira taldea aitzindari

    Nork argitaratua: Karmele Garmendia Kategoriak: Azaleko Nabarmendua 5 urte, hilabete 1 atzera

    Martxoaren 8a aitzaki, Igeldoko emakumeen sokatira taldea aipatu dute azken Orri Informatiboan. Gipuzkoan sortu zen lehendabiziko taldea izan zen Igeldokoa eta nahiz eta ez zen urte askoan izan (3 edo 4 urte), arrakasta handikoa izan zen. 1977 urteko San Pedro jaietan izan zen lehendabiziko tiraldia. Herriko jaietan xaltxa sor­tzeko asmotan 10 emakume 6 gizonen aurka aritu ziren eta nola ez, emakumezkoak izan ziren garaile (Din Dinen dagoen argazkian ikus daiteke orduko koadrila). Ondorenean hasi ziren herri ezberdinetan emakume sokatiralari taldeak sortzen: Orio, Usurbil, Urnieta, Itziar… eta herri ezberdinetan jaialdiak antolatzen hasi ziren. Aipa­garria izan zen 1978 urteko udazkenean Anoetako frontoian egin zen Txapelketa. Bertan hainbat herritako taldeak izan omen ziren eta jaialdiaren helburua Ikastolak sor­tzeko dirua biltzea izan omen zen. Igeldon ere garai hartan ez zen eskolarik eta herriz herri jaialdiak antolatzen ibili ziren herrian eskola martxan jartzeko dirua bilduz.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom