Igeldo Herria

• Blog!
• Kategoria: Azaleko Nabarmendua

Blog!

Hurrengo kategoria duten postak ikusten: Azaleko Nabarmendua

Igeldon ere San Silvestrea!

Nork argitaratua: Karmele Garmendia Kategoriak: Azaleko Nabarmendua 5 urte, 2 hilabete atzera

Igeldon ere urteari agurra emateko guraso talde batek abenduaren 31 goizaldean korrika saio bat egin zuen, herri askotako ohiturarekin bat eginez, Igeldoko San Silvestrea eginez. Korrika saioaren ondoren, plana borobiltzeko, marianitoarekin topa egin zuten.
Aurtengo urte berriari begira, korrikazaleen kopurua bikoiztea jarri zuten helburu. 2019 urtean 8 pertsonak parte hartu zutenez, 2020 urtean gutxienez 16 pertsonako taldeltxoa osatzea alegia. Oraindik goiz da aurrerapenak egiteko, baina Igeldoko San Silvestrea irekia izatea nahi da, beraz inskripziorik gabea. Goizean egitearen arrazoi nagusia, arra­tsaldean Igeldon eskean ateratzen delako da.
Beraz badakizue, urtea hasi berri dugun arren, amaitu ere azkar egiten da eta bukaera hurbildu ahala, berotu motorrak eta parte hartu!!!

Gabonak pasata, irteerari begira

Nork argitaratua: Karmele Garmendia Kategoriak: Azaleko Nabarmendua 5 urte, 2 hilabete atzera

Urtero bezala, urteari amaiera emateko, Kixmi aisialdi taldea eskean atera zen abenduaren 24 eta 31n. Kixmitarrak oso pozik daude bi eskeetan izandako parte hartzeagatik eta eskerrak eman nahi dizkiete bai haur, guraso eta herrikide orori urtero jartzen den gogoagatik. Bertan ateratako diruarekin, urtarrilaren lehengo asteburuan 16 urtetik gorako pertsonekin afaria ospatu zen Etxe Nagusi tabernan, bertan 20 lagun inguru bertaratu zirelarik.

Utzikeria, agerian

Nork argitaratua: Karmele Garmendia Kategoriak: Azaleko Nabarmendua 5 urte, 3 hilabete atzera

Donostiako Udalak Igeldon daukan utzikeria begi bistakoa da: errepide eta herri bideetan zuloak, argirik edo urik gabeko guneak, hondakinak jaso gabe, bide bazterrak garbitu gabe, segurtasunik gabeko guneak…
Zerbait egitea lortzen bada, behin baino gehiagotan abixatu delako izaten da eta Herri Kontseilua nazkatuta dago egoerarekin. Hori horrela, utzikeriaren inguruko txosten bat prestatzea erabaki du. Ondoren, txosten hori Udal Erregistroan aurkeztuko du.

Bost proposamen Eskola Zaharrerako

Nork argitaratua: Karmele Garmendia Kategoriak: Azaleko Nabarmendua 5 urte, 3 hilabete atzera

Duela urte batzuk eskola zaharreko teilatua konpondu zen. Orain, udaletxeari erabilera zehaztuko duen proiektua aurkeztu behar zaio. Proiektua 2021 urteko aurrekontuetarako aurkeztu beharko da (zerbait egin dezaten) eta datorren udaberrirako prest izateko eskatu dute.
Herri Kontseiluak hasieratik, lehentasunezko gai gisa hartu du, herritarren oinarrizko beharrak asetu ditzakeen eraikina baita. Horrela, urria bukaeran bilera ireki bat deitu zen eta bertan jada taldetxo bat osatu zen proiektua ida­tzi eta aurrera eramateko.
Bildutako herritarren artean proposamen ezberdinak egon dira: jubilatuentzat elkartzeko gunea eta eguneko zentroa, gazteek kudeatutako gunea, etxebizitza komunitarioak jartzeko proposamena, Santiago bidekoentzako albergea… proposamenak aztertu eta zein erabilera emango zaion zehaztuko da hurrengo hilabeteetan. Noski prozesu hau herritarrekin batera egiteko baliabideak jarriko ditu taldeak.

Etxebizitza taldea sortu da

Nork argitaratua: Karmele Garmendia Kategoriak: Azaleko Nabarmendua 5 urte, 3 hilabete atzera

Etxebizitzari dagokionez, arazo larria dugula iritzita, herri kon­tseiluaren iniziatibaz herritar talde bat antolatzen hasi da. Azken urteetan, gero eta igeldotar gehiago kanpora bizitzera joan dira. Egoera honi konponbidea jarri eta zerbait egin beharra dagoela iruditzen zaie antolatzen hasi diren herritarrei.
Taldea lehenengo aldiz, hurrengo asteetan bilduko da eta gaia osotasunean lantzeko asmoa dute. Hau da, etxebizitzaren gaiak ertz asko ditu, beraz ez dute modu partzialean landu nahi, arazo estruktural eta orokor gisa baizik. Aipatu dutenez, etxe hutsak, babes ofizialeko etxeak, etxebizitza komunitario/kooperatiboak… lanketan murgilduko dira. Taldean sartu edo gaiaren inguruan laguntzeko prest egonez gero, idatzi edo deitu hona: herrikontseilua@igeldo.eus edo 943313030.

• 59. orrialdea 79-(e)tik
• ←
• 54
• 55
• 56
• 57
• 58
• 59
• 60
• 61
• 62
• 63
• →