Blog! | Igeldo Herriko webgunea Skip to content
  • Blog!
    • Kategoria: Azaleko Nabarmendua

    Blog!

    Hurrengo kategoria duten postak ikusten: Azaleko Nabarmendua

    Autobus zerbitzua hobetzeko proposamenak egin dira

    Nork argitaratua: Karmele Garmendia Kategoriak: Azaleko Nabarmendua 5 urte, hilabete 1 atzera

    Igeldon autobus zerbitzua hobe­tzeko beharra ikusten du Herri Kontseiluak, behin baino gehiagotan halaxe adierazi diotelako herritarrek. Alde batetik, DBus 16 linea hobetzeko beharra dago; eta bes­tetik, landa eremuko herritarren­tzako zerbitzuren bat jartzeko beharra. Horixe adierazi zien Donostiako Alkateari eta Auzoetako zinegotziari (baita oposizioko ordezkariei ere) abenduan egindako bileran, eta proposamen zehatzak eta eskariaren inguruko datuak bidaltzeko eskatu zuten udal gobernuko ordezkariek.
    Behar erreal horiek identifikatu eta horiei erantzun egokia emateko asmoz, herritarren artean galdezka aritu da Herri Kontseilua. Adin ezberdinetako herritarrekin jarri da harremanetan eta azaldutako beharrak kontuan hartuz, proposamen sorta prestatu du.
    Alde batetik, DBus 16 lineari lotuta: ibilbide zuzena egitea Igeldotik zentrora (eta alderan-tziz); goizeko 07:00etan hastea autobusa Igeldotik; ostiral, larunbat eta jai egun bezperatan 00:00etan eta 02:00etan autobusak izatea Igeldora igotzeko; bizikletak sartzeko ordutegia kentzea; DBus 5 linearekin (beste lineekin bezala) transbordoak egin ahal izatea. Eta bestetik, landa eremuko herritarrei begira, Behemen­diren taxi-bus zerbitzua ezartzea.

    osorik irakurri / 0 iruzkin

    Batzorde bat osatu da Mendizorrotzeko plana aurrera eramateko

    Nork argitaratua: Karmele Garmendia Kategoriak: Azaleko Nabarmendua 5 urte, hilabete 1 atzera

    Batzordean arlo ezberdinetako ordezkariak egongo dira: Ingurumena, Ondarea, Babes Zibila, Partaidetza, Herri Kontseilua eta abeltzainak.

    osorik irakurri / 0 iruzkin

    Panel informatiboak berritzen ari dira

    Nork argitaratua: Karmele Garmendia Kategoriak: Azaleko Nabarmendua 5 urte, 2 hilabete atzera

    Aurreko Herri Kontseiluaren lanari jarraipena emanez, panel informatiboak berritzen ari dira azken asteetan. Bi puntu berritan ere jarri dituzte: Gudamendi-Etumen eta Polipason. Beste bi puntu berritan ere jartzeko asmoa dute: Leku-Ederren eta herri sarreran. Horiek kontuan hartuz, 22 panel informatibo egongo dira denera herrian zehar.

    osorik irakurri / 0 iruzkin

    Zilarra lortu du Iraia Albenizek

    Nork argitaratua: Karmele Garmendia Kategoriak: Azaleko Nabarmendua 5 urte, 2 hilabete atzera

    Otsailaren 8-9ko asteburuan, 15. Andoaingo Piano Jaialdia izan zen eta bertan Iraia Albenizek zilarrezko domina lortu zuen. A kategorian hartu zuen parte 9 urteko igeldotarrak (12 urte arte) bakarlari gisa Martha Mier konpositorearen Hamster chase abestia joz. 30etik gora umek hartu zuten parte kategoria horretan. Eta jaialdi osoan, 600 umetik gora aritu ziren. Aurreko edizioetan ere hartu izan dute parte Igeldoko piano ikastaroko umeek (Naiara Egañaren ikasleak) eta baita dominak eskuratu ere. Oraingoan, Albeniz izan da domina Igeldora ekarri duena. Zorionak!!!

    osorik irakurri / 0 iruzkin

    Artea lantzen ari dira Eskolan

    Nork argitaratua: Karmele Garmendia Kategoriak: Azaleko Nabarmendua 5 urte, 2 hilabete atzera

    Bigarren hiruhileko honetan, “Artea nonahi” lan proiektuarekin hasi dira Eskolan eta hainbat ekimen egin dituzte proiektuarekin lotuta.
    Alde batetik, Lehen Hezkuntzako ikasleek Chillida Lekura eta San Telmo museora bisitak egin dituzte. Bestetik, 4-5 urteko gelan txoko berriak antolatu dituzte irudimenari bidea emateko: harrien txokoa, txotxongiloen txokoa, buztin txokoa, egur txokoa, ohol kulunkaria jarri… Eta azkenik, Inauteriak ere artearekin lotuta ospatu dituzte. Artearekin lotutako pertsonaiak izan dira nagusi Inauterietako ostiralean Eskolan: margolariak, musikariak, sukaldariak, pailazoak…

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom