Blog! | Igeldo Herriko webgunea Skip to content
  • Blog!
    • Egilea: Igeldo Herria

    Blog!

    Hurrengo egilearen postak ikusten: Igeldo Herria

    Pozik etorriko dira berriz ere!

    Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

    Benetan, etxean geratzeko moduko eguraldia egin zuen abenduaren 24an, baina euriari aurre egiteko behar ziren aterki, beroki, bota eta pontxoak hartuta, hantxe atera ziren etxez etxe eskean herriko ume, gazte eta gurasoak. Olentzero, Maridomingi eta astoa pozik etorriko dira berriz ere Igeldora halako jarrera ikusita!
    Urte zaharretako eskea ere oso giro onean egin zuten. Hemen dauzkazue Gabonek utzitako irudi batzuk.

    osorik irakurri / 0 iruzkin

    Emakumeen Eguna Igeldon

    Nork argitaratua: Igeldo Herria hilabete 1, 2 aste atzera
    Emakumeen Eguna Igeldon

    osorik irakurri / 0 iruzkin

    Egun bakarrean jokatuko da Lapa Saria

    Nork argitaratua: Igeldo Herria hilabete 1, 2 aste atzera

    Azken urteetan Igeldon musak izan duen gainbehera ikusita, aurten nola asmatu pentsatzen aritu dira antola­tzaileak. Azkenean, egun bakarrean jokatzea erabaki dute eta egun horretan Lapa Saria izatea jokoan. Martxoaren 7an izango da, ostiralean, Itsas Aurren. Txapelketa 22:00etan hasiko da eta 21:45etan izango da izen ematea. Emailez ere eman daiteke: lapasaria@gmail.com. Bikoteko 25€ ordaindu beharko dira.
    Sariak honakoak izango dira: lapa sariak eta bi arkume irabazleentzat, arkumea eta bi sagardo botila bigarrenentzat, lau txuleta eta bi sagardo botila hirugarrenentzat eta bi oilasko eta bi sagardo botila laugarrenentzat.
    Herriko muszaleei animatu eta parte hartzeko dei egiten diete antolatzaileek, ea giro pixka bat jartzea lortzen dugun!

    osorik irakurri / 0 iruzkin

    Ordazkariak izendatu eta batzarra egitea falta da TET martxan jartzeko

    Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

    Abenduaren 20an sortu zen Igeldoko Toki Entitate Txikia. Dena dela, funtzionatzen hasteko, hainbat pauso ematea falta da oraindik. Ordezkariak izendatu behar dituzte alderdi politikoek (EH Bilduk 4 eta EAJ/PNVk 1) eta ondoren lehenengo auzo batzarra egingo da. Izendapenak jasotzean, Foru Aldundiak jarriko du lehenengo batzar hori egiteko eguna. Orri Informatibo hau idazterakoan, oraindik ez zegoen data zehaztuta. Berri gehiago izatean, ohiko bideetatik jakinaraziko da.

    osorik irakurri / 0 iruzkin

    Larunbatean hainbat ekintza izango dira Inauteriak ospatzeko

    Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

    Martxoaren 1ean, larunbatean, Inauteriak ospatuko dira Igeldon. Horretarako, hainbat ekintza antolatu dira. Arratsaldean zehar izango dira ekintzak, 17:00etan hasita, plazan.
    Lehenengo, maskarak egiteko aukera egongo da eta aldi berean, jolasak ere egongo dira: ping pong, dardoak eta toka, hain zuzen. Etxean ping pong-erako sarea edo palak edukiz gero, ekar­tzeko eskaera luzatu dute.
    Antolatzaileek azaldu dute, bi kasu hauetan, 6 urtetik beherako umeek heldu baten laguntza beharko dutela.
    Ondoren, 18:00etan, desfilea egingo da. Taldean edo banaka parte hartzeko aukera izango da nahi den musika eskatuz.
    Ondoren, luntxa eskainiko da ume eta helduentzako Itsas Aurreko aterpean. Eta 19:00etatik aurrera, karaokea eta dantza egiteko aukera egongo da Goaze­nekin, Itsas Aurre barruan. 19:00-21:00 bitartean, barra irekita egongo da.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom