Igeldo Herria

• Blog!
• Egilea: Igeldo Herria

Blog!

Hurrengo egilearen postak ikusten: Igeldo Herria

10 gaztek jasoko dute begirale izateko formakuntza

Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

Orain dela urte batzuk egin zen moduan, Batzorde Soziokultura­leko kideek garrantzitsua ikusi dute egungo gazteei ere aisialdiko begirale izateko formakuntza ematea. Hori horrela, Hezten aisialdi taldearekin harremanetan jarri zen eta formakuntza hori ematea erabaki dute.
Deialdia irekita, 16 urtetik gorako 12 gaztek eman dute izena. Denera 20 orduko formakuntza jasoko dute, lau saiotan banatuta: martxoak 8, apirilak 5, maiatzak 10 eta 17. Goizez izango dira saio horiek, 9:00etatik 14:00etara, Itsas Aurren.
Batzordeko kideek jakinarazi dute, formakuntza jaso izana kontuan hartuko dela Udalekuko begirale izateko.

Ludoteka erabiltzeko ordutegi eta arauak zehaztu dira

Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

Urte berriarekin batera, Ludotekan aldaketak egon dira. Aurreko Orri Informatiboan azaldu bezala, goiko pisuko espaziora aldatu da umeen­tzako gunea. Hain zuzen, pianoa zegoen gela, espazio finko bezala jarri da lehengo Ludotekako materiala bertara pasaz, eta horrez gain, erdiko guneko espazioa ere erabil­tzeko moduan jarri da.
Espazio aldaketarekin, arau eta ordutegiak ere finkatu dira. Batzorde Soziokulturaletik jakinarazi dute, momentuz, ikasturte honetarako dela planteamendua eta egoera eta behar berriak sortu ahala, moldaketak egon daitezkeela.

'Gurea erabil dezakezu'

Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

Pantailek, eta bereziki, mugikorren erabilera goiztiar eta desegokiaren inguruko kezkak sortutako guraso mugimendua da Altxa Burua. Euskal Herriko, herri, auzo, eskola naiz hirietan indar haundia hartu du talde honek. Haur zein helduen artean pantailen erabilera “kontziente, egoki eta osasuntsu” bat sustatzeko helburua du.
Gipuzkoako herri askotan garatzen ari den prokektua da “Gurea erabil dezakezu” kanpaina. Komertzio desberdinetan lelo hori duten pegatinak jarri dira, esan bezala, Gipuzkoako beste hainbat txokotan abiaturikoari jarraipena emanez.
Ideia da, familiei, umeei eta nerabeei esatea, arazoren bat izenez gero eta telefonoaren beharra badute, pegatina daramaten establezimenduetako telefonoa erabili dezaketela. Ekimen honekin zabaldu nahi dena da, ez dela derrigorrezkoa umeei mugikorra erostea behar horri erantzuteko. Gainera, horrela, zaintza komunitarioa ere indartu egiten da.
Gure kasuan, Donostiako udalak, Altxa Buruarekin bat eginez, “gurea erabil dezakezu” pegatinen kanpainarekin bat egin du eta beraz, Donostiako auzoetan eta Igeldon pegatina hauek jarriko dira, komertzioko jabearekin aurrez adostuta.
Igeldo Altxa Buruak, Donostiako kanpainarekin bat egitea erabaki du, Igeldoko gazteek, bertan ikasteaz gain, beren egunerokotasuneko ekintza asko bertan egiten dituztelako. Hori horrela, Igeldon, lau komertziotan jarri dira pegatinak: IKOn, Txapelan, Kultur Etxean eta kanpinean.
Beraz, orain gure lana, gure haur eta gazteei hori helaraztea da eta normaltasun batetan erabiltzeko esatea.

Junta berrituta ekingo diote martxoari Jubilatuek

Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

Orri Informatibo hau bukatzean, herriko Jubilatuek oraindik egin gabe zuten urteko batzar orokorra. Azal­du­takoaren arabera, otsailaren 23an egitekoak ziren batzarra eta bertan junta berri­tzeko hautagaien zerrenda aurkeztu behar zuten batzarrak baiezta­tzeko. Beraz, jun­ta berrituta ekingo diote martxoari.
Horrez gain, 2024ko balan­tze ekonomikoaren berri eman eta egindako aktibitateen balorazioa egiteko asmotan ziren batzarrean. 2025 urterako proposatzen dituzten ekintzen egutegia ere aurkeztu behar zuten. Azkenik, Dindin elkartean hamaiketako batekin buka­tzekotan ziren.

Gorputza ezagutzen ari dira Eskolan

Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

Gabonetatik bueltan, bigarren hiruhilekoan sartu dira Eskolan eta gorputza ezagutzen ari direla azaldu dute. Batez ere LHn, eta HHn txikiak zireneko garaiak gogoratzen eta lantzen ari dira.
Bestalde, otsailaren 14an Taba­ka­­lerara joan ziren 2. ea 3. ziklokoak.

• 3. orrialdea 74-(e)tik
• ←
• 1
• 2
• 3
• 4
• 5
• 6
• 7
• 8
• 9
• 10
• →