Blog! | Igeldo Herriko webgunea Skip to content
  • Blog!
    • Egilea: Igeldo Herria

    Blog!

    Hurrengo egilearen postak ikusten: Igeldo Herria

    HERRI PLANA - PARTE HARTZE PROZESUA: Nolako Igeldo nahi eta behar dugu?

    Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

    Igeldoko Toki Entitate Txikia martxan jartzen denean, Igeldoko egoera hobetzeko erabakiak hartu beharko ditu. Zerbitzuak nola hobetu eta zer indartu, inbertsioak non egin... Erabaki horiek behar bezala hartzeko eta lehentasunak markatzeko, garrantzitsua ikusi da aurretik parte hartze prozesu bat egitea eta Herri Plan bat zehaztea denon artean.

    osorik irakurri / 0 iruzkin

    ‘Eman eta jaso’ izeneko ekimen berria sortu da

    Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

    Sommier indibidual bat soberan dut, norbaiti interesatuko balitzaio...
    Etxe ondoko limoneroa gainezka dago, norbaitek saskitxo bat nahi?
    Ekimen berri bat jarri da mar­txan Eman eta jaso izenekoa, talde irekia da eta herritarren artean objetuak trukatzeko helburuarekin sortu da.
    Ekimenaren inguruko azalpena eman dute bultzatzaileek.

    osorik irakurri / 0 iruzkin

    Festei begira jarrita, proposamenak egiteko garaia da

    Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

    Urruti dagoela badirudi ere, herritar batzuek -edo askok- San Pedro jaiak buruan dituzte jada. Horren erakusle da, besteak beste, Ttonttorro Jai Batzordeak lanean daramatzan hilabeteak.
    Jakina den moduan, Igeldoko Jai Batzordeak lan egiteko modu berezia du; herritar bakoitzak haren nahien eta irriken arabera parte har dezake, nahi duen eremuan lan eginez. Lan egiteko modu hori azken urteetan positiboki baloratua izan dela azaldu dute Jai Batzordeko kideek eta aurten ere funtzionatzeko eta antolatzeko modu horri eustea erabaki dute. Hori horrela, hiru azpi-taldetan egiten dutela lan argitu dute, lan karga banatzeko asmoz: diru zain­tzako eta kudeaketako taldea; administrazio taldea eta koordinazio taldea (ekintzak antolatu, egutegia zehaztu…). Horiek guztiz irekiak direla gogorarazi dute.

    osorik irakurri / 0 iruzkin

    Eskean ateratakoak Lasturrera joango dira asteburu pasa

    Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

    Gabonetan eskean atera ziren ume eta gaztetxoek irteera izango dute martxo bukaeran. Hain zuzen, martxoaren 29tik 30era Las­turrera joango dira gaua pasa­tzera. Antolatzaileek jakinarazi dutenez, 50 bat ume eta gaztetxo apuntatu dira.

    osorik irakurri / 0 iruzkin

    Igeldoko liburua interneten ere eskura egongo da laster

    Nork argitaratua: Igeldo Herria Kategoriak: Azaleko Nabarmendua hilabete 1, 2 aste atzera

    Igeldoko historia eta istorioak liburua 2023an argitaratu zen. Sekulako harrera izan zuen eta ale guztiak saldu eta banatu ziren. Lehenengo helburu hori lortuta, beste helburu bat ere jarri zuten ondorenean liburuaren bultzatzaileek. Bertako edukia interneten denen eskura egotea zen hurrengo pausoa.
    Asmo horrekin, euskal Wikipedia elkarteko kide den Xabier Cañasekin harremanetan jarri ziren eta zer egin zezaketen galdetu zien. Hark bideratuta, Wikibook bat osatzen ari direla jakinarazi diote Orri Informatiboari; hau da, Wikiliburu bat. Liburua Wikipediako eduki bezala ezin zuten sartu, entziklopedia bat delako, baina Wikiliburu moduan bai.
    Liburuko edukia igotzeaz gain, kanpoan geratutako eduki gehiago eta argazkiak igotzeko aukera ere izango dute.
    Oraindik ez dute bukatu, baina emaitzak ikusi daitezke dagoeneko. Bilatzailean baserriren baten izena jarriz gero, liburuko informazioa bertan azaltzen da. Edo Wikibooks Igeldo jarrita, egin duten lan guztia ikusi daiteke.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom