Blog! | Igeldo Herriko webgunea Skip to content
  • Blog!
    • Kategoria: Azaleko Nabarmendua

    Blog!

    Hurrengo kategoria duten postak ikusten: Azaleko Nabarmendua

    Memoria lantzeko ikastaroa, martxan

    Nork argitaratua: Igeldo Herria Kategoriak: Azaleko Nabarmendua 4 urte, hilabete 1 atzera

    Jubilatu elkarteak ikastaro berria jarri du martxan: memoria lantzeko ikastaroa. Martxoaren 4ean hasi ziren eta astean behin izaten da saioa (ostegunetan) goizeko 11:00etatik 12:30etara kultur etxean. 

    osorik irakurri / 0 iruzkin

    Bigarren ebaluazioa ziztu bizian dabil

    Nork argitaratua: Igeldo Herria Kategoriak: Azaleko Nabarmendua 4 urte, hilabete 1 atzera

    Urte berriarekin erronka berriak abiatu dituzte eskolan eta bigarren ebaluazio honetan, gure izateari lotutako gaiak lantzen ari dira. Proiektuari “G-eureka!” izena jarri diote, eta zer garen, nola garen eta nondik gatozen aztertzen ari dira.
    Gela bakoitzeko ikasleak zertan ari diren ere azaldu dute:
    3. zikloko 14 Birusak materia eta energiaren propietateak aztertzen ari dira, eta laster esperimentu desberdinak egiten hasiko dira. 2. Zikloko Surflariak, berriz, izaki bizidunak lantzen ari dira. Horri lotuta, eta azken bi urteetan egin den bezala, eskolara Danio arrainak itzuli dira. Arrain hauen eboluzioa behatuz informazio aberatsa biltzea dute helburu.
    1. zikloko Panterak beraien bizitzaren eboluzioa aztertzen ari dira, jaio zirenetik bizi izan dituzten aldaketak aztertuz, eta etorkizunari begira ere jarri dira, nolakoak izango ote diren hausnartuz. 4 eta 5 urteko Saguzarrak zentzumen desberdinak lantzen aritu dira, jolas desberdinak ardatz harturik, eta oso ongi pasatzen ari direla esan dezakegu. Eta azkenik, 2 eta 3 urteko Suhiltzaileak emozioak lantzen ari dira “Koloretako munstroa” ipuina ardatz hartuta.

    osorik irakurri / 0 iruzkin

    «Errespetatu eta zaindu Igeldo!»

    Nork argitaratua: Igeldo Herria Kategoriak: Azaleko Nabarmendua 4 urte, 2 hilabete atzera
    Herri Kontseiluaren ekimenez, zabor bilketa egin zen atzo (otsailak 21) Igeldon. Denera, 80 bat lagunek egin zuten bat ekimenarekin eta herritarren erantzuna sekulakoa izan zela adierazi du Herri Kontseiluak, denei eskerrak emanez. Ekimenaren inguruan, berriz, honakoa adierazi du: «Azken aldian, konfinamendu perimetralak eta segurtasun neurriak tarteko, jende asko etortzen da Igeldora. Arazoa da horietako batzuk zaborra edonon botatzen dutela eta ingurua penagarri uzten dutela. Herritarrak oso kezkatuta gaude eta horren aurrean, zabor bilketa egitea pentsatu genuen. Ekimenarekin agerian utzi nahi izan dugu Igeldon gertatzen ari dena, hau da, zabor ugari pilatzen ari dela bide baztarretan, zelaietan, arroka inguruetan, kaxkoan...».

    osorik irakurri / 0 iruzkin

    Zenbaki sariduna: 7023

    Nork argitaratua: Igeldo Herria Kategoriak: Azaleko Nabarmendua 4 urte, 3 hilabete atzera

    Gabonetako saskiaren zozketa egin da (urtarrilaren 22ko ONCEko zozketako azken lau zenbakiak). Antolatzaileek jakinarazi dute zenbaki sariduna 7023a izan dela eta saskiak baduela jabea dagoeneko: Aritz Branton donostiarra. 

    osorik irakurri / 0 iruzkin

    Jubilatu guztien partez, eskerrik asko!

    Nork argitaratua: Igeldo Herria Kategoriak: Azaleko Nabarmendua 4 urte, 4 hilabete atzera

    Igeldoko Jubilatuen Elkarteak jubilatu guztien izenean eskerrak eman nahi ditu Zaharren Egunaren harira herriko jubilatu guztiei etxera banatu zitzaien detailetxoagatik. «Urteroko jaia ospatzea ezinezkoa zela ikusia zen baina etxez-etxe jubilatu guztiei oparia banatzea lan ederra izan da eta eskertu beharrekoa», diote.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom