Igeldo Herria

• Blog!

Blog!

Urtarrilaren 8an Bilbora joateko autobusa egongo da

Nork argitaratua: Igeldo Herria 3 urte, 4 hilabete atzera

Urteroko ohiturari jarraiki, Euskal Presoak etxeratzearen aldeko mobilizazio erraldoia izango da Bilbon urtarrilaren 8an. Beti bezala, Igeldotik ere autobusez joateko aukera egongo dela azaldu dute antolatzaileek.

Igeldok OinHerrirekin elkarlana hasi du

Nork argitaratua: Igeldo Herria Kategoriak: Azaleko Nabarmendua 3 urte, 4 hilabete atzera

Herri Kontseiluak OinHerriren berri izan du eta egitasmo interesgarria iruditu zaio. OinHerrik Herri Hezitzaileak garatzea du helburu. Hori horrela, abenduaren 1ean bilera egin zuten Igeldon OinHerriko kideek eta gaiarekin interesa azaldu zuten herritarrek. Bertan, 9 pertsona elkartu ziren eta OinHerriren ideia eta lan ildoak ezagutu ostean, ondorengoa erabaki zen: Egitas­moa­rekin interesa duten kideek OinHerrirekin elkarlana posible den aztertuko dute eta herrian egin beharreko lanketari begira, lehen urratsa herriko beharrak identifikatzea izango da.
Bileran bertan behar batzuk atera ziren: nerabeen parte hartzea nola sustatu eta nola egin herrian presente egoteko, eskola eta herriaren arteko lotura nola estutu, espazio batzuk (eskolako patioa, Lizardi, parkea etab.) nola hobetu eta hezigarriagoak egin… Horrez gain, egiten den herrigintza lan guztiari marko edo txapela orokor bat jarri behar zaiola hitz egin zen. Hau da, OinHerrik aldarrikatzen dituen balio edo ideietan oinarrituta herriari begirako ipar edo norabidea finkatu behar dela.

Jubilatuen Elkartea 2022ko egitaraua prestatzen ari da

Nork argitaratua: Igeldo Herria Kategoriak: Azaleko Nabarmendua 3 urte, 4 hilabete atzera

Datorren urteko ekintzak antolatu aurretik, bazkideen iritziak jaso nahi dituzte eta galdeketa orri bat bidaliko diete etxeetara.

Hasi da Igeldoko Tokiko Entitate Txikia sortzeko negoziaketa fasea

Nork argitaratua: Igeldo Herria Kategoriak: Azaleko Nabarmendua 3 urte, 4 hilabete atzera

Espero baino dexente gehiago atzeratu bada ere, abenduarekin batera hasi da Igeldoko Tokiko Entitate Txikia sortzeko negoziaketa fasea. Siadeco enpresa justifikazio txostena prestatzen ari da eta Igeldoko batzordeko kideekin bildu zen abenduaren 2an. Tokiko Enti­tate Txikia sortzeko dagoen beharra azaltzea da igeldotarron etxeko lana orain: Igeldoren berezitasunak zehaztu, Donostiako Udalak ze zerbitzu eskaintzen dituen zerrendatu, zeintzuk ez, ze azpiegitura dauzkagun, ze gabezia...
Bestalde, prozesu osoan herritarren partehartzea beharrezkoa izango da eta partaidetza dinamika hori nolakoa izango den ere zehaztu beharko da orain. Beraz, TET batzordeko kideek dei egiten diete herritarrei aktibo egon daitezen, «denon artean erabaki behar baitugu nolako TET nahi dugun».

EHBilduko herriko taldea sortu da

Nork argitaratua: Igeldo Herria Kategoriak: Azaleko Nabarmendua 3 urte, 4 hilabete atzera

Duela aste batzuk herriko EHBilduko taldea sortu zen. Baina zertarako eta zein helbururekin? Nortzuk osatzen dute taldea? Ondorengo herrikideek: Nekane Urruzmendi, Eneritz Ota­men­di, Jabier Iraola, Aratz Urruz­men­di, Imanol Gomez eta Joxi Oiarbidek.
Azaldu dutenez, «EHBilduko azken kongresuan EHBildu alderdi politikoa baino gehiago dela erabaki zen. Hau da, instituzioa eta kalea uztartuko dituen alderdi/mugimendua eratzeko bidean urratsak egitea erabaki zen. Horrela, herriz-herri EHBilduko taldeak sortzen ari dira eta Igeldon ere sortu dugu ekipo ederra».
EHBilduk nazio mailan egiten dituen proposamen eta dinamikak lurreratu (herrian landu) eta herrira begirako programa bat lantzea dira taldearen helburuak. Proposamenak lurreratzeari dagokionez, EHBilduk hezkuntza lege berri baterako egin duen proposamena bereziki interesgarria iruditzen zaiela gaineratu dute eta aurrerago herrian lantzeko asmoa dute. Herrira begirako programari dagokionez, arlo ezberdinetan proposamenak egitea dute as­moa: «hala nola, energia, hezkuntza edota bestelako arloetan EHBilduk herriari egiten dion proposamena. Noski, horretarako parte hartzeko espazioak eskainiko dira, EHbildu komunitate zabala baita eta guztion artean eztabaidatu eta aberastuz osatuko baitugu herri honen beharrei erantzungo dien programa».

• 50. orrialdea 129-(e)tik
• ←
• 45
• 46
• 47
• 48
• 49
• 50
• 51
• 52
• 53
• 54
• →