Blog! | Igeldo Herriko webgunea Skip to content
  • Blog!
    • Egilea: Igeldo Herria

    Blog!

    Hurrengo egilearen postak ikusten: Igeldo Herria

    Jaietako datetan hainbat ekintza egin dira

    Nork argitaratua: Igeldo Herria Kategoriak: Azaleko Nabarmendua 4 urte, 9 hilabete atzera

    Jaiak iritsi eta aurten ez da suziri eta danbatekorik izan. Ez eta hainbeste desio genituen bestelako ekintzarik ere. Covid-19ak gizarte osoa hankaz gora jarri du eta jaiak ere erabat baldin­tzatu ditu. Jai Batzordeko kideek maia­tza erdialderako hartu zuten jada jaiak betiko formatuan ez antola­tzeko erabakia.
    Esan bezala, jaietako ekintza esanguratsuenak ez dira egin, baina formatu txikiko ekintza ezberdinak egin dira. Esaterako, eskeko koadrila aurten ez da etxez-etxe kantuan eta dantzan aritu, baina San Juan bezperan eta Santa Ixabel egunean elkartu dira. San juan bezperan, plazan bertsoak bota zituzten eta dantza egin ostean, elkarrekin afaldu zuten. Santa Ixabel egunean aldiz, elkarrekin bazkaldu zuten eta eguraldi txarra zegoenez, frontoian dantzan aritu ziren.

    osorik irakurri / 0 iruzkin

    Guraso eta familiak ez dira geldirik egon

    Nork argitaratua: Igeldo Herria Kategoriak: Azaleko Nabarmendua 4 urte, 9 hilabete atzera

    Covid-19ak sortutako egoerara egokitu egin behar izan dute guraso eta familiek ere, eta saiatu dira ahal ziren ekimenak aurrera eramaten. Ikasturte bukaerako jaialdiari dagokionean, ez dute ohiko agur jaialdirik egin, baina gurasoak ez dira geldirik egon. Agurrak antolatu dituzte gelaka eta ekainaren 18an, 6.mailakoei ere egin zieten jaialdi moduko bat, agurtzeko.

    osorik irakurri / 0 iruzkin

    Ikasturteari ezohiko agurra

    Nork argitaratua: Igeldo Herria Kategoriak: Azaleko Nabarmendua 4 urte, 9 hilabete atzera

    Igeldoko eskolan ekainaren 19arekin bukatu zen ikasturtea. Ezohiko ikasturtea. Eta agurra ere halakoxea izan dela adierazi dute Eskolako kideek: «Normalean, kurtso bukaeran jaialdia eta bazkaria egiten ditugu. Aurten, Covid-19a dela eta, Hezkuntzatik ez digute ezer antolatzen utzi eta gurasoek, eta gelaka, antolatu dituzte agurrak. Beraz, ezberdina izan da».
    Horrez gain, nabarmendu dute azken kurtsokoak behar bezala ezin agurtu izanarekin penatuta daudela: «Pena gehien eman diguna, hainbeste urte gurekin egon eta betiko doazen ikasleak, Lili, Teo, Malen, Iñaki, Luka, Itxaso, Julia eta Aiora, ezin behar bezala agurtu izana».

    osorik irakurri / 0 iruzkin

    Kaxkoko zakur jabeekin bilera, ostegunean

    Nork argitaratua: Igeldo Herria 4 urte, 9 hilabete atzera

    Zakur kakekin Igeldoko kaxkoan dugun arazoa ikusita, Herri Kontseiluak bilera egitea erabaki du bertako zakur jabeekin. Bilera ostegunean izango da (uztailak 23) 19:00etan kultur etxean. Denon onurarako eta elkarbizitza on baterako, zakur kakak bildu egin behar direla adierazi du Herri Kontseiluak.

    osorik irakurri / 0 iruzkin

    Ireki dute denda

    Nork argitaratua: Igeldo Herria Kategoriak: Azaleko Nabarmendua 4 urte, 9 hilabete atzera

    Kooperatibaren salmenta guneak uztailaren 17an ireki zituen ateak. Bertan, denetariko produktuak daude erosgai eta herritar guztiei irekia da.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom