Igeldo Herria

• Blog!
• urria, 2024

Blog!

Hurrengo epealdiko postak ikusten: urria, 2024

Ekintzaz beterik hasi dute udazkena Jubilatuek

Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

Ikasturte berria indarrean hasi dute herriko jubilatuek. Alde batetik, ikastaro edo tailerrak dauzkate. Denera, bost dira:
- Pilates. Urte osoa, astearte eta ostiraletan, 9:45etatik 10:45etara.
- Mantentze gimnasia. Urte osoa, astearte eta ostiraletan, 11etatik 12etara.
- Memoria lantzeko tailerra. Urte osoa, ostegunetan, 11etatik 12:30etara.
- Musikoterapia tailerra. Urte osoa, astelehenetan goizeko 9:30etatik 10:30etara.
- Gorputzaren zaintza eta masajea. Urriatik abendura (12sesio), asteartetan 18:00tatik 19:00etara.

Eskola Kirola berritasunekin

Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

Guraso Elkartea burubelarri hasi da lanean ikasturte berriarekin. Beste hainbat konturen artean, Eskola Kirola antolatu dute 2. eta 3. zikloko ikasleentzat. Oraingo honetan, bi metodo desberdinekin ariko dira. Alde batetik, 3. ziklokoek orain arteko metodoarekin jarraituko dute eta 2. ziklokoek E2 sistema erabiliko dute. Adierazi dutenez, sistema berritzailea da, besteak beste, berdintasunera begira.
3. ziklokoek bi kirol egingo dituzte: eskubaloia eta saskibaloia. 2. ziklokoek berriz, 5 kirol: eskubaloia, futbola, errugbia, saskibaloia eta hockeya. Horiez gain, bi taldeek, saio bereziak izango dituzte beste kirol batzuekin. Dagoeneko hasi dira entrenatzen eta urriaren 19an jokatuko dituzte lehenego partiduak.

Ingurua eta planeta nola zaindu?

Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

Irailaren 9an ekin zioten ikasturte berriari Eskolan. Ikasturte honetan, 8 ume hasi dira HH 2n eta 2 irakasle berri ere badira: Aloña eta Olatz Mujika.
Ikasturtea hastearekin, gelako izenak ere zehaztu dituzte: Karramarroak (HH 2-3); HH 4-5 Itsaso garbia eta Itsaso zabala; 1 zikloa: Hamsterrak; 2. zikloa: Espiak; 3. zikloa: Igeldosaurus.
Bestalde, hiruhileko honetako proiketua honakoa izango da: Gure ingurua eta planeta nola zaindu dezakegu? Jakinarazi dutenez, eskolako ateak zabalik egongo dira adituentzako.

Autobusarekin konponbiderik ez

Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

Igeldoko autobus zerbitzua hobetzeko asmoz, azken urtean hainbat bilera egin ditu Herri Kontseiluak DBuseko arduradunekin. Baita Olatz Yarza Mugikortasuneko zinegotziarekin ere. «Herri Kontseiluak behin eta berriz adierazi zien ezarrita duten zerbitzua betetzea nahi dugula, hau da, 30 minututan helmugara iristea eta puntual ibiltzea», adierazi dute.
«Hori konpontzeko, herritik ikusten zen aukera bakarra, ibilbide zuzena egitea zela nabarmendu zitzaien, ez delako posible egungo ibilbidea 30 minututan egitea. Zuzena jar­tzeko, ordea, autobus bakarra eta ordubeteko maiztasuna izango genukeela adierazi zuten. Horren aurrean, alternatibak bilatzekotan lanketa bat abiatu zen, egungo egoera hobetzea helburu izanik. DBusen proposamena izan zen egungo zerbitzua lanzadera modura jartzea Igeldo-Antiguo konektatuz. Aukera hori herritarrekin aztertu eta lantzeko asmoa zuen Herri Kontseiluak, baina azken hilabeteetan ez dute aukera horren bermerik adierazi ez DBusetik ez Udaletik», gaineratu dute.
Herri Kontseiluarentzat «denbora galtzea eta adarjotzea izan da orain arteko guztia eta argi geratu da lehendik ere pentsatuta dutena egingo dutela, nahi dutenean eta nahi duten modura, herritarren beharrak eta iritzia kontuan hartu gabe».

Bulegoak eta aterpea prest

Nork argitaratua: Igeldo Herria Kategoriak: Azaleko Nabarmendua 6 hilabete, aste 1 atzera

Igeldoko Tokiko Entitate Txikia sortzen denerako, kultur etxeko eraikina egokitu behar dela onar­tu zuen iaz Donostiako Udalak eta aurrera eraman ditu horretarako lanak. Ondo­rioz, Itsas Aurren aterpea egin da, sarrerako koskak kendu dira, harrera gunea jarri da eta goiko pisuan bulegoak egokitu dira. TETaren egoitza izango dena egin bitartean (Eskola Zaharra), Itsas Aurre izango da TETaren gunea. Etorkizuneko lau langileak ere bertan ariko dira lanean.

• 2. orrialdea 3-(e)tik
• ←
• 1
• 2
• 3
• →