Blog!

Hurrengo egilearen postak ikusten: Karmele Garmendia

Komunak ezinduentzat egokituko dituzte Din Dinen

Nork argitaratua: Karmele Garmendia Kategoriak: Azaleko Nabarmendua 4 urte, 9 hilabete atzera

Din Dinek egin zuen azken batzarrean onartu bezala, elkarteko komunak ezinduentzat egokitzeko asmoa dago. Oraingoz presupuestoak eskatzen ari dira eta epe motz batean obra egiteko asmoa dute. Oraingo 2 komunak batean bihurtuko lirateke egokitzapen honen arabera. Obrak martxan hasteko asmoa dagoenean, bazkideei informatuko zaie honen berri.

osorik irakurri / 0 iruzkin

Mintzalagun taldearen kurtso bukaerako agurra, bazkari batekin

Nork argitaratua: Karmele Garmendia Kategoriak: Azaleko Nabarmendua 4 urte, 9 hilabete atzera

Argazkian Mikel falta da, ezin izan zuelako etorri, baina ikasturte osoan mintzakide izan dugu. Dozena bat urtez Ana Arratibel aritu ondoren, azken ikasturte honetan Nekane Urruzmendi aritu da gurekin, euskaraz jardun dezagun eta besteekin erabili dezagun, konplexurik gabe.
Datorren ikasturtean jarraituko dugu, eta euskaraz hitz egiteko interesa izan dezakeen edonor animatu nahi dugu, gurekin aritu nahi badu. Astean behin elkartzen gara, ordubetez, eta saioak atseginak eta entretenigarriak izaten dira.

osorik irakurri / 0 iruzkin

Igeldorentzako ze proposamen daukaten galdetu diote berriz Goiari

Nork argitaratua: Karmele Garmendia Kategoriak: Azaleko Nabarmendua 4 urte, 9 hilabete atzera

Jarduneko Herri Kontseiluak idatzi bat erregistratu zuen Donostiako udaletxean maiatzean, hauteskundeen atarian. Eneko Goia alkateari eta udal gobernuari exijiitu diote mahai gainean jarri dezatela Igeldorentzat daukaten proposamena: «benetan proposamenik baldin badute. Eta aldiz, bide hori jorratzeko asmorik ez badute, argi adierazi dezatela». Herri Kontseilua aspertuta dago «hitz eta promesa hutsalekin». Abenduaren 18an bilera egin zuten eta bertan zenbait erabaki adostu zituztela gogorarazten die idatzian, baina «oraingoan ere» ez dutela ezer egin. «Hilabeteak igaro dira bilera hau burutu zenetik, tartean Igeldoko desanexio prozesuaren inguruko epaia eman delarik. Epaiaren harira, Alkate jaunak, berriro luzatu ditu prentsan Igeldo Toki Entitate bihurtzearen aldeko adierazpenak. Igeldoko Herri Kontseiluak, ordea, ez du honen inguruko proposamenik jaso. Gaia gurekin lantzeko konpromisoa hartu zuen bilera hartan, baina ez digu bilera deialdirik egin ez dokumenturik pasa», salatu dute.
Abenduko bileran, Alkateak Igeldorentzat soluzio bakarra eman zuela azaldu dute: Toki Entitate Txikia bihurtzea. Eta azken lau urteetan horren inguruko proposamenik zergatik ez duen egin galdetuta, honakoa erantzun omen zuen: uste zuela Herri Kontseiluaren jarrera bide horren kontrakoa zela. «Herri Kontseilutik garbi adierazi genion Igeldoren afera konpontzeko beharrezkoa dela Igeldoko herritarren borondatea errespetatzea. Hala ere, Igeldotik beti azaldu gara prest gure herriko zein herritarren egoera hobetzeko baliagarri izan daitezkeen proposamenak aztertzeko. Aldiz, Donostiako Udala izan da beti bide horiek proposatu ondoren, azalpenik eman gabe bukaera eman diena», azpimarratu dute.

osorik irakurri / 0 iruzkin