Blog! | Igeldo Herriko webgunea Skip to content
  • Blog!
    • Etiketa: martxoak 8

    Blog!

    Hurrrengo etiketa duten postak ikusten: martxoak 8

    Bingo eta guzti aurtengo Emakume Afarian

    Nork argitaratua: Karmele Garmendia 5 urte, 6 hilabete atzera

    Emakumeen Egunaren bueltan, Emakume Afaria egin zen larunbatean Igeldon (martxoak 10). Ohi bezala, Igeldoko emakume baserritarrek antolatu zuten afaria. Aurtengoan, herriko 55 emakume elkartu ziren eta betiko moduan, giro ederrean ibili ziren. Igeldoko Iturrieta Berri jatetxean (kanpinean) izan zen afaria eta tripa ederki bete ostean, oparien banaketari ekin zioten. Eta oraingoan, ohiko zozketa bidez izan beharrean, bingoan jokatuz aukeratu zituzten saridunak. Alde batetik, linea aurrena kantatu zuenak urdaiazpikoa eta sorpresa txiki bat eraman zituen; Amaia Errazkinek, hain zuzen. Eta bestetik, bingoa kantatu zuenak saski mundiala eta sorpresa txiki bat irabazi zituen. Kasu honetan, Larraitz Zubeldia izan zen sariduna. Beretzat izan ziren Igeldoko baserrietako barazkiak, arrautzak, behi esnea eta ardi esnea, gazta, txerrikia, masaje saioa, lore bat… Gustora hartu zen bingoarena eta saltsa polita sortu zuen!

    osorik irakurri / 0 iruzkin

    Tuper-bazkaria eta kafe-tertulia, Emakumeen Egunaren bueltan

    Nork argitaratua: Karmele Garmendia 5 urte, 6 hilabete atzera
    Ostegunean, Emakumeen Egunaren bueltan, Igeldon hainbat ekintza antolatu ditu herriko emakume talde batek. Eta Greba Feministaren deialdiarekin bat eginez, Igeldoko emakumeei ere dei egiten diete egun horretan planto egiteko: «Gu gelditzen bagara, mundua gelditzen delako!».

    Goizeko 11:30etan jarri dute lehenengo hitzordua. Plazan elkartu, besoko moreak banatu, kartelak jarri eta bertan erabakitzen dena egingo dute. Ondoren, 13:00ak aldera, tuper-bazkaria egingo dute (norberak etxetik eramanda) eta bazkalostean, kafe-tertulia ederra.

    osorik irakurri / 0 iruzkin

    Emakume afaria, larunbatean

    Nork argitaratua: Karmele Garmendia 5 urte, 6 hilabete atzera

    Aurten ere, urtero bezala, Martxoaren 8ko Emakume Eguna ospatzeko emakume afaria izango Igeldon. Martxoaren 10ean, hain zuzen. Aurtengoan Iturrieta Berri jatetxean (kanpinean) izango da. 20:30tan jarri dute elkartzeko ordua, kanpineko tabernan bertan eta 21:00tan afaria. Ondorenean, afalostea girotzeko izango da nahiko “xaltxa”.

    osorik irakurri / 0 iruzkin

    Emakumeei deia, M8ko greba prestatzeko

    Nork argitaratua: Karmele Garmendia 5 urte, 7 hilabete atzera

    Igeldoko emakume talde bat asteartean bildu zen (otsailak 27), martxoaren 8ko Greba Feministaren harira. Eta gonbidapena zabaltzen diote grebaren prestaketan parte hartu nahi duten Igeldoko emakume guztiei gaur, ostirala (martxoak 2), plazara gerturatzeko. Arratsaldeko 17:00etatik aurrera elkartuko dira eta informazioa zabaltzeko, besoko moreak banatzeko eta herria apaintzeko asmoa dute. «Beraz, animatu eta lagundu adin guztietako igeldotar emakumeei deialdi hau zabaltzen», azaldu dute.

    osorik irakurri / 0 iruzkin

    Azken postak

    Artxibategia

    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom