Blog! | Igeldo Herriko webgunea Skip to content
  • Blog!

    Blog!

    Hurrengo epealdiko postak ikusten: uztaila, 2018

    Donostiako Klasikoa Igeldotik pasako da abuztuaren 4an

    Nork argitaratua: Karmele Garmendia 4 urte, 7 hilabete atzera

    Abuztuaren 4an Donostiako Klasikoa txirrindularitza lasterketa izango da eta ohi bezala, Igeldotik pasako da. Ondorioz, errepide nagusia itxita egongo da denbora tarte batez. Donostiako Udaletik jakinarazi dutenez, arratsaldeko 16:00etatik erratz-autoa pasatzen den arte egongo da itxita, hau da, 18:00ak ingurura arte. Bi norabideetan egongo da errepidea itxita; ezingo da ez gora igo ez behera jaitsi. Murgil bidetik barrena igoko dira txirrindulariak eta errepide nagusitik jaitsiko dira Donostiara. Beraz, Igeldoko kanpinetik hasita Donostiara bitarte itxita egongo da eta baita Murgil bidea ere. Horrez gain, Pilotegi eta Bordako bideetatik ere ezingo da errepide nagusira sartu. Ordu tarte horrek aldaketak izan ditzake, lasterketako gorabeheren eraginez.

    osorik irakurri / 0 iruzkin

    «Sinetsita gaude gauzak beste modu batera egin daitezkeela»

    Nork argitaratua: Karmele Garmendia Kategoriak: Azaleko Nabarmendua 4 urte, 7 hilabete atzera

    2019ko Foru Hauteskundeei begira, Juan Karlos Izagirre izango da EH Bilduren hautagaia Gipuzkoako Diputatu Nagusi izateko. Gogotsu dagoela azaldu dio Orri Informatiboari eta helburuen berri ere eman dio.

    osorik irakurri / 0 iruzkin

    Lezkarrik etapa berria zain

    Nork argitaratua: Karmele Garmendia Kategoriak: Azaleko Nabarmendua 4 urte, 7 hilabete atzera

    Lezkarri abesbatzak ere agurtu berri du aurtengo ikasturtea eta jakinarazi duenez, datorren ikasturtean etapa berri bati ekingo diote. Izan ere, Nice Cresporen ordez, Laida Otaduy hasiko da zuzendaritza lanetan. Beraien jarduerarekin aurrera jarraitzeko, kanta­tzeko gogoa duen jendearen beharra dutela azpimarratu dute eta dei egiten diete kantatzea gustoko duten herritarrei animatzeko.

    osorik irakurri / 0 iruzkin

    Pilotegi bidean zabalgune zehatza egiteko eskaera

    Nork argitaratua: Karmele Garmendia Kategoriak: Azaleko Nabarmendua 4 urte, 7 hilabete atzera

    Herri Batzarrean eta aurreko Orri Informatiboan aipatu bezala, Pilotegi bideko goiko zatia asfaltatu egingo du Udalak. Kotxeak gurutzatzeko pare bat zabalgune egingo zirela azaldu zion Udal teknikariak Herri Kontseiluari, baina ez zuen zehaztu non. Herri Kontseilutik eskaera egin zaio goi goiko zatian gu­txienez, bat egiteko, harrizko horma dagoen inguruan. Leku zehatza adierazi zaio eta kontuan izango dutela erantzun dute.

    Proiektua, bulegoan
    Bestalde, Udal teknikariari hainbatetan eskaera egin ostean, Herri Kontseiluak lortu du lan horren inguruko proiektua pasatzea. Norbaitek interesa izanez gero, Itsas Aurreko bulegoan dago eta dinamiza­tzailearekin harremanetan jarri.

    Diputazioak onartua
    Herri Kontseiluak jakin duenez, Foru Aldundiak onartu du Udalak aurkeztutako proiektua eta 37.000 euroko diru laguntza emango du. Gainerako 40.000 euroak Udalak jarriko ditu eta 2019ko aurrekontuetan onartu beharko dira. Lanak datorren urtean egingo lirateke.

    osorik irakurri / 0 iruzkin

    Igeldon ere, 11 egun euskaraz

    Nork argitaratua: Karmele Garmendia Kategoriak: Azaleko Nabarmendua 4 urte, 8 hilabete atzera

    Euskaraldia denon ahotan dabilen kontua da azken aldian eta Igeldora ere iristekoa da. Ikasturte berriarekin batera, irailean helduko zaio ekimenari behar bezala.

    osorik irakurri / 0 iruzkin

    Azken postak

    Artxibategia

    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom