Igeldo Herria

• Blog!

Blog!

Suge gorriak, Igeldon

Posted by: Igeldo Herria in Azaleko Nabarmendua 2 weeks, 3 days ago

Uztaileko lehen astean argazki bana bidali didate bi igeldoarrek. Suge bana ikusten da argazki bakoitzean. Bi suge-espezie, bi toki, bi argazkilari eta sugearen patua bakarra: bietan sugea hilik.
Izan ere, “sugeek beldurra eragiten dute, eta horregatik hiltzea hobe, badaezpada ere”. Horixe argazkilarietako baten aitormena. Eta egia da, beldurra eragiten dute. Eta beldurra, jakina, sentimendu irrazionala da, eta menderatzeko zaila. Oso aintzinetik gure geneetan dugun beldurra da, nonbait, jaiotzetik bertatik jaso eta handitu ahala gainditzen ez duguna; horren aurrean, hobe arriskurik ez hartu: alde egin!
Igeldon eta Euskal Herrian, pozoitsuak diren suge bakarrak suge gorriak dira; hau da, minik ematekotan, berak emango liguke. Baditugu beste animalia eta landare pozoitsuak ere (erleak, liztorrak, hagina..). Pozoitsu izateak ez du esan nahi, ordea, gu hiltzeko deseatzen daudenik. Ahal duten guztietan, ihes egingo dute. Izan ere, haiek ere geneetan txertatuta dute nonbait, gizakiarekiko beldurra.
Sugea ikusita, nola jakin suge gorria den ala ez den? begi-nini bertikalak dituzten bakarrak dira. Erronbo formako burua dute gainera (suge biperikarak (Natrix maura) badu erronbo formako burua ere, baina begi nini borobilak ditu, ez da pozoitsua. Uraren inguruan agertu ohi da azken hori).

Martxan da herriko whatsapp taldea

Posted by: Igeldo Herria in Azaleko Nabarmendua 2 weeks, 3 days ago

Maiatzaz geroztik, martxan da herriko whatsapp taldea. Herri Kontseiluak sortutako taldea da herriko zerbitzu eta eskaintzen informazioa zabaltzeko helburuarekin; herritarrak ahalik eta informatuen edukitzeko. Talde horretan ezin du inork idatzi, informazioa jasotzeko besterik ez da. Momentuz, 276 herritar daude taldean. Norbaitek interesa izango balu eta taldean sartu nahiko balu, Herri Kontseiluarekin harremanetan jartzeko eskatu dute: herrikontseilua@igeldo.eus edo 943313030/606311734.

Bukatu da Neguko Pala Txapelketa

Posted by: Igeldo Herria in Azaleko Nabarmendua 3 weeks, 2 days ago

II. Neguko Pala Txapelketa amaitu da. Egoerak hala baldintzatuta, aurreikusi baino dezente beranduago bukatu da. Uztailaren 11n, larunbatean, ondorengo bikoteek jokatu zituzten finalak eta emai­tzak hauexek izan ziren:
1go maila: Loidi-Eskudero 30/ Aizpuru-Zabala 21.
2. maila: Endika-Josu 30/Arregi-Urreaga 26.
Neskak: Izagirre-Garate 25/Osa-Gonzalez 10.
Txapelketa arrakastatsua izan dela azpimarratu dute antolatzaileek. Orotara 42 bikotek jokatu dute. Lehenengo mailan 6 bikote aritu dira, bigarren mailan 26 eta nesketan 10.

HAUTESKUNDEAK: Igeldoko emaitzak

Posted by: Igeldo Herria in Azaleko Nabarmendua 3 weeks, 2 days ago

   

Jaietako datetan hainbat ekintza egin dira

Posted by: Igeldo Herria in Azaleko Nabarmendua 3 weeks, 2 days ago

Jaiak iritsi eta aurten ez da suziri eta danbatekorik izan. Ez eta hainbeste desio genituen bestelako ekintzarik ere. Covid-19ak gizarte osoa hankaz gora jarri du eta jaiak ere erabat baldin­tzatu ditu. Jai Batzordeko kideek maia­tza erdialderako hartu zuten jada jaiak betiko formatuan ez antola­tzeko erabakia.
Esan bezala, jaietako ekintza esanguratsuenak ez dira egin, baina formatu txikiko ekintza ezberdinak egin dira. Esaterako, eskeko koadrila aurten ez da etxez-etxe kantuan eta dantzan aritu, baina San Juan bezperan eta Santa Ixabel egunean elkartu dira. San juan bezperan, plazan bertsoak bota zituzten eta dantza egin ostean, elkarrekin afaldu zuten. Santa Ixabel egunean aldiz, elkarrekin bazkaldu zuten eta eguraldi txarra zegoenez, frontoian dantzan aritu ziren.

• 1Page 58of
• ←
• 1
• 2
• 3
• 4
• 5
• 6
• 7
• 8
• 9
• 10
• →