Blog! | Igeldo Herriko webgunea Skip to content
  • Blog!

    Blog!

    Viewing posts from October, 2019

    Igeldon ere, Gau Beltza ospatuko da gaur

    Posted by: Karmele Garmendia 3 months, 2 weeks ago
    Aurten ere, Gau Beltza ospatzeko asmotan dira herriko hainbat guraso eta ume. Hori dela eta, tailerrak egongo dira Itsas Aurren 18:00etatik aurrera. Aurpegiak margotuko dituzte, aurpegirako izarak egin, donuts beldurgarriak prestatu... Ondoren, kaxkoan zehar, atez ate, goxoki eske ibiliko dira haurrak. Amaitzeko, afaritxoa egingo dute. Arroz beltza egongo da helduentzat eta pizza txikientzat (afarirako izena eman behar zen aurrez).

    read more / 0 comments

    Jubilatu elkartea, itxura hartzen

    Posted by: Karmele Garmendia in Azaleko Nabarmendua 3 months, 2 weeks ago

    Azken aldian herrian jubilatu elkartea osatzeko lanean ari dira zenbait herritar eta adierazi dutenaren arabera, pixkanaka itxura hartzen ari da.
    Legalizazio prozesua martxan jartzeko dokumentazio guztiak uztaila bukaeran aurkeztu zituzten, baina zuzendu beharreko zenbait akats zituztela erantzun zieten iraila erdialdean eta berriz ere akatsak zuzenduta, beharrezko dokumentazio guztia aurkeztu berri dute.

    read more / 0 comments

    «Sariak ez, baino sektorea hil ala biziko egoeratik aterako duten politikak behar ditugu baserritarrok»

    Posted by: Karmele Garmendia in Azaleko Nabarmendua 3 months, 2 weeks ago

    Ondasarte baserriak Gipuzkoako esne ustiategi onenaren saria jaso berri du. Ondorioz, 1.000 euroko saria jaso du, hain zuzen. Ondasartekoek gustora hartu dute saria, ez zuten espero gainera, baina kritiko ere badira halako ekimenen aurrean: «Sariak ez, baino sektorea hil ala biziko egoeratik aterako duten politikak eta erabakiak behar ditugu baserritarrok. Herri hau elikatzen jarraitu nahi dugu!», adierazi du Eneritz Otamendik.
    Urriaren 7an izan zen sari banaketa Gernikan. Gipuzkoa, Bizkaia eta Araba mailako sariak banatu ziren eta baita Erkidegokoak ere. Maila bakoitzean launa sari izaten dira: esne, haragi, ardi eta forraje onenaren sariak. Hiru lurraldeetako Foru Aldundiek eta Eusko Jaurlaritzak antolatzen dute urtero sari banaketa.

    read more / 0 comments

    Ikuilu onenaren saria Zendoiarentzat

    Posted by: Karmele Garmendia in Azaleko Nabarmendua 3 months, 2 weeks ago

    Lea-Artibaiko 36. Urriko Azoka Nagusia ospatu zu­ten urriaren 12an Markinan. Bertan, Euskadiko 24. Blonda Txapelketa jokatu zen eta Joxe Angel Zen­doiak hainbat sari eskuratu zituen. Azpi­ma­rra­garriena, Ikuilu onenaren saria jaso izana, Orioko Longa baserrian duen ikuiluagatik, hain zuzen.
    Sailka banatutako sariak ere izan ziren eta honakoak eskuratu zituen igeldotarrak: 6. saila (30-36 hilabete bitarteko bigak): Longa baserriko Nahia. 10. saila (4-5 urte bitarteko behiak txekorrik gabe): Longa baserriko Jai. 11. saila (5-7 urte bitarteko behiak txekorrarekin): Longa baserriko Igeldo. Eta 13. saila (7 urtetik gorako behiak txekorrarekin): Longa baserriko Greta.

    read more / 0 comments

    Mekanografia, frantsesa eta joskintza jarri dira aurten martxan, ohiko ikastaroez gain

    Posted by: Karmele Garmendia in Azaleko Nabarmendua 3 months, 3 weeks ago

    Ikastaroak antolatzeaz arduratzen den taldea oso pozik dago ikastaroek izan duten erantzunarekin. Iazko 10 ikastaroak aurrera atera­tzeaz gain, beste hiru berri ere martxan jarri dira aurten. Hain zuzen, mekanografia, frantsesa eta joskintza dira ikastaro berri horiek. Eta denera 107 ikasle dabiltza, haur zein heldu.

    read more / 0 comments

    Recent Posts

    Archive

    2020
    2019
    2018
    2017

    Categories

    Tags

    Authors

    Feeds

    RSS / Atom