Blog! | Igeldo Herriko webgunea Skip to content
  • Blog!

    Blog!

    Hurrengo epealdiko postak ikusten: urria, 2019

    Igeldon ere, Gau Beltza ospatuko da gaur

    Nork argitaratua: Karmele Garmendia 4 urte, 5 hilabete atzera
    Aurten ere, Gau Beltza ospatzeko asmotan dira herriko hainbat guraso eta ume. Hori dela eta, tailerrak egongo dira Itsas Aurren 18:00etatik aurrera. Aurpegiak margotuko dituzte, aurpegirako izarak egin, donuts beldurgarriak prestatu... Ondoren, kaxkoan zehar, atez ate, goxoki eske ibiliko dira haurrak. Amaitzeko, afaritxoa egingo dute. Arroz beltza egongo da helduentzat eta pizza txikientzat (afarirako izena eman behar zen aurrez).

    osorik irakurri / 0 iruzkin

    Jubilatu elkartea, itxura hartzen

    Nork argitaratua: Karmele Garmendia Kategoriak: Azaleko Nabarmendua 4 urte, 5 hilabete atzera

    Azken aldian herrian jubilatu elkartea osatzeko lanean ari dira zenbait herritar eta adierazi dutenaren arabera, pixkanaka itxura hartzen ari da.
    Legalizazio prozesua martxan jartzeko dokumentazio guztiak uztaila bukaeran aurkeztu zituzten, baina zuzendu beharreko zenbait akats zituztela erantzun zieten iraila erdialdean eta berriz ere akatsak zuzenduta, beharrezko dokumentazio guztia aurkeztu berri dute.

    osorik irakurri / 0 iruzkin

    «Sariak ez, baino sektorea hil ala biziko egoeratik aterako duten politikak behar ditugu baserritarrok»

    Nork argitaratua: Karmele Garmendia Kategoriak: Azaleko Nabarmendua 4 urte, 5 hilabete atzera

    Ondasarte baserriak Gipuzkoako esne ustiategi onenaren saria jaso berri du. Ondorioz, 1.000 euroko saria jaso du, hain zuzen. Ondasartekoek gustora hartu dute saria, ez zuten espero gainera, baina kritiko ere badira halako ekimenen aurrean: «Sariak ez, baino sektorea hil ala biziko egoeratik aterako duten politikak eta erabakiak behar ditugu baserritarrok. Herri hau elikatzen jarraitu nahi dugu!», adierazi du Eneritz Otamendik.
    Urriaren 7an izan zen sari banaketa Gernikan. Gipuzkoa, Bizkaia eta Araba mailako sariak banatu ziren eta baita Erkidegokoak ere. Maila bakoitzean launa sari izaten dira: esne, haragi, ardi eta forraje onenaren sariak. Hiru lurraldeetako Foru Aldundiek eta Eusko Jaurlaritzak antolatzen dute urtero sari banaketa.

    osorik irakurri / 0 iruzkin

    Ikuilu onenaren saria Zendoiarentzat

    Nork argitaratua: Karmele Garmendia Kategoriak: Azaleko Nabarmendua 4 urte, 5 hilabete atzera

    Lea-Artibaiko 36. Urriko Azoka Nagusia ospatu zu­ten urriaren 12an Markinan. Bertan, Euskadiko 24. Blonda Txapelketa jokatu zen eta Joxe Angel Zen­doiak hainbat sari eskuratu zituen. Azpi­ma­rra­garriena, Ikuilu onenaren saria jaso izana, Orioko Longa baserrian duen ikuiluagatik, hain zuzen.
    Sailka banatutako sariak ere izan ziren eta honakoak eskuratu zituen igeldotarrak: 6. saila (30-36 hilabete bitarteko bigak): Longa baserriko Nahia. 10. saila (4-5 urte bitarteko behiak txekorrik gabe): Longa baserriko Jai. 11. saila (5-7 urte bitarteko behiak txekorrarekin): Longa baserriko Igeldo. Eta 13. saila (7 urtetik gorako behiak txekorrarekin): Longa baserriko Greta.

    osorik irakurri / 0 iruzkin

    Mekanografia, frantsesa eta joskintza jarri dira aurten martxan, ohiko ikastaroez gain

    Nork argitaratua: Karmele Garmendia Kategoriak: Azaleko Nabarmendua 4 urte, 5 hilabete atzera

    Ikastaroak antolatzeaz arduratzen den taldea oso pozik dago ikastaroek izan duten erantzunarekin. Iazko 10 ikastaroak aurrera atera­tzeaz gain, beste hiru berri ere martxan jarri dira aurten. Hain zuzen, mekanografia, frantsesa eta joskintza dira ikastaro berri horiek. Eta denera 107 ikasle dabiltza, haur zein heldu.

    osorik irakurri / 0 iruzkin

    Azken postak

    Artxibategia

    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom