Blog! | Igeldo Herriko webgunea Skip to content
  • Blog!
    • Etiketa: Pilotegi bidea

    Blog!

    Hurrrengo etiketa duten postak ikusten: Pilotegi bidea

    Pilotegiko goiko zati osoa asfaltatuko dute

    Nork argitaratua: Karmele Garmendia Kategoriak: Azaleko Nabarmendua 4 urte, 10 hilabete atzera

    Herri Kontseiluaren eta herritarren eskaria kontuan hartuz (idatzi eta bilera desberdinen ostean), Pilotegi bideko goiko zatia asfaltatu egingo dutela jakinarazi du Donostiako Udaleko Mantenimendu saileko teknikariak. Prestatu duten proiektuan honakoa bildu dute: goitik hasi eta Ganbo Berriraino bidea asfaltatzea. Horrez gain, pare bat zabalgune egitea (kotxeak gurutzatzeko) eta hasierako zatian segurtasunerako barrera bat jartzea “quitamiedos” modukoa.
    Aurrekontuari dagokionez, 77.000 eurokoa da. Diputazioak 37.000 euroko diru laguntza emango du eta Donostiako Udalak 40.000 euro jarriko ditu. Eskatu zezaketen gehiena eskatu dutela azaldu du teknikariak.
    Proiektua oraindik ofizialki onartu gabe dago eta ez dute zehaztu noiz onartuko duten. Beraz, emandako hitza beteko duten jakiteko, itxaron egin beharko da proiektua eskuartean izan arte. Esandakoaren arabera, lanak aurten hasiko lirateke.

    osorik irakurri / 0 iruzkin

    Pilotegi bideko zatia asfaltatuko dute asteazkenean

    Nork argitaratua: Karmele Garmendia 5 urte atzera

    Pilotegi bideko obrak bukatzeko, Aristondo eta Aristegieta arteko zatia asfaltatzea falta da. Obrako arduradunek jakinarazi dutenez, asteazkenean hasiko dira asfaltatzen eta bidea itxita egongo da. Pare bat eguneko kontua izango dela azaldu dute. Tarte horretan, Aristondotik gorakoek kaxkotik barrena ibili beharko dute eta Aristegietatik beherakoek, Igaratik. 

    osorik irakurri / 0 iruzkin

    Pilotegiko lanak bukatzeko, zati bat asfaltatzea falta da

    Nork argitaratua: Karmele Garmendia 5 urte atzera

    Abendu erdialdera hasi ziren Pilotegi bideko obrak eta urtarrilerako bukatzea aurrikusten bazen ere, oraindik zati bat asfaltatzea falta da. Hain zuzen, Aristondo eta Aristegieta arteko zatia asfaltatuko dute eta horretarako, eguraldi ona beharrezkoa dela azaldu diote Udal  teknikariek Herri Kontseiluari. Beraz, oraindik ez dute zehaztu noiz bukatuko duten.
    Asfaltua bota eta lurra ondo sekatzeko, lau bat egun beharko dituztela adierazi dute. Lan horiekin hasten direnean, bidea itxita egongo da. Aristondotik gorakoek Kaxkotik barrena ibili beharko dute eta Aristegietatik beherakoek, Igaratik.

    osorik irakurri / Iruzkin 1

    Pilotegi bidea itxita egongo da bihar

    Nork argitaratua: Karmele Garmendia 5 urte, 2 hilabete atzera

    Pilotegi bideko lanekin jarraituko dute datorren astean eta bihar bidea itxita egongo da. Asteartean zabaltzea espero dute. Seinalizatua egongo da.

    osorik irakurri / 0 iruzkin

    Pilotegi irekia, astelehenetik aurrera

    Nork argitaratua: Karmele Garmendia 5 urte, 3 hilabete atzera

    Pilotegi bideko lanak martxa onean doaz eta aste honetan, Zelai-Eder inguruko zatia konpontzen bukatuko dute. Egun batzuk hormigoia sekatzeko beharko dira eta azaldu dutenez, astelehenetik aurrera bidea irekia egongo da.

    osorik irakurri / 0 iruzkin

    Azken postak

    Artxibategia

    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom