Blog! | Igeldo Herriko webgunea Skip to content

Blog!

Hurrengo kategoria duten postak ikusten: Azaleko Nabarmendua

San Pedrotako argazki lehiaketa

San Pedrotako argazki lehiaketa

Ameztiko festak ospatuko dira berriz

Ameztiko festak ospatuko dira bigarren urtez. Antolatzaileek bere garaian adierazi zuten bezala, bi urte eta gero berriz girotuko dute Amezti. Maiatzaren 18an jarri dute hitzordua.
Buenavistan hasiko da festa pregoia, zinta mozketa eta abestiarekin. Ondoren, Ameztiko etxeetan zehar ibilbidea egingo dute. Geldialdi bakoitzean ekimen bat egingo da: altxorraren bila, kon­tzertua, barrenea... Furgobarra egongo da eta horrez gain, pintxo edo vermutha hartzeko aukera izango da geldialdiko etxeetan. Bazkaria ere antolatuko dute Buenavistako zelaian parrila, txotx eta kontzertuarekin. Arratsalde pasa ederra antolatu dute. Haurrentzako jolasak izango dira.

Festak, Udalekuak eta beste hainbat kontu gurasoen eskutik

Umeen egunean laguntzeko gazteak behar dituzte eta Udalekuetarako begiraleak ere bai. Eskola Txikietako festarako autobusa jarriko dute.

Tokiko Entitate Txikia lainopean

Apirilak 14, iritsi zen eguna, TET eratu ala ez igeldoarron esku zegoen. Itsas Aurreko ateak ireki bezain pronto agertu ziren komunikabideak eta politikariak: EAJko Eneko Goia Donostiako alkatea eta Maria Jesus Idoeta auzoetako zinegotzia etorri ziren lehenbizi; handik gutxira heldu ziren EH Bilduko ordezkariak: Nerea Kortajarena, Maialen Iriarte eta Juan Karlos Izagirre.
Goiza eguzkitsua zen eta 11:00etarako nahikoa jende ikus zitekeen plazan. Komunikabideak aurrera eta atzera, jendeari galdezka etengabe, eta albistegietan Igeldo protagonista. Iluntzeko 20:00ak jo zutenean oso jende gutxi zegoen boto kontaketaren zain. Emaitza jakin orduko -botoen %85 TET-en aldekoak- Itsas Aurren bildutako kazetariak adierazpenak jaso­tzeko prest ziren, jendartearen algara eta poza erakusteko irrikaz, xanpain botilen kortxoak gora eta behera ikusi nahian… Itsas Aurre atarian baina, ez zegoen ez xanpainik, ez festarik…
Hura zen tristura, hura axolagabetasuna. EITBk zuzenean emandako albistegietan ere irudiak tristeak ziren oso, kazetaria lanbro artean azaltzen baitzen, bakarrik.
Hori ikusita, Artzeren olerkiaren hasiera etorri zitzaidan burura: “Maite ditut maite gure bazterrak lanbroak ezkutatzen dizkidanean, zer ezkutatzen duen ez didanean ikusten uzten....”
Laino/lanbro azpian Herri Kontseiluko kideen bakardadea agerian geratu zen: Ia 4 urtez egindako lan eskergak ez zuen herritarron esker onik izan (dihoakiela hemendik nire aitortza).
Goizean ez bezala, jenderik ez zen bildu! Igeldo ziklo politiko berri batean sartzera zihoan unean plaza hutsik zegoen. Ez argazkirik, ez barrikoterik, ez ospakizunik! TET izango dugula ospatzeak norbaiti mesede edo kalte egingo ziolakoan… Hori da hori politika hizki txikiz idaztea!

IHK: «Onura batzuk nabarituko ditugu, baina erabatekoa izateko denbora beharko dugu»

Igeldoko Toki Entitate Txikiaren inguruan herri galdeketa egin zen apirilaren 14an. 462 herritarrek eman zuten botoa eta %85a aldekoa izan zen. Hori horrela, Donostiako Udalak Foru Aldundiaren esku utzi du espedientea beronek erabakia hartu dezan. Ahalik eta azkarren izatea espero da. Herri Kontseiluko kideekin elkartu da Orri Informatiboa gaiaren inguruan hitz egiteko. Herri Batzarra deituko dute laister.

Azken postak

Artxibategia

2024
2023
2022
2021
2020
2019
2018
2017

Kategoriak

Etiketak

Egileak

Web-jarioak

RSS / Atom