Blog! | Igeldo Herriko webgunea Skip to content
  • Blog!

    Blog!

    Urtarrilaren 7an hitzordua Bilbon

    Nork argitaratua: Igeldo Herria 9 hilabete atzera

    Urtarrilaren 7an izango da presoen aldeko manifestazioa Bilbon Sarek antolatuta eta igeldotarrei dei egiten diete bertaratzeko (oraindik ez dute zehaztu autobusa egongo den). Manifestazioa 17:00etan abiatuko da La Casillatik eta Zabalbururako bidea egingo du “Etxera bidea gertu” lemapean. 

    osorik irakurri / 0 iruzkin

    AITOR ETXEBERRIA: «Atletismoak eman didan gauzarik onena, ezagutu dudan jende guztia da»

    Nork argitaratua: Igeldo Herria Kategoriak: Azaleko Nabarmendua 9 hilabete atzera

    Aitor Etxeberriak 9 bat urte egin ditu atletismoan punta-puntan lehiatzen. Ibilbide ederra egin du urte hauetan zehar; Igeldoko Igoeran errekor berria jarrita errematatu du, besteak beste. Lortutakoarekin pozik, etapa bat amaitutzat eman du.

    osorik irakurri / 0 iruzkin

    500 euroko saskia eskuratu nahi al duzu?

    Nork argitaratua: Igeldo Herria 9 hilabete, aste 1 atzera

    Aurten ere, 500 eurotan baloratutako saski eder bat zozketatuko da. Bertako produktuekin osatutako saskia izango da eta zozketa urtarrilaren 20an egingo da, ONCE-CUPONAZOko zozketarekin. Bertatik lortutako dirua herrigintzarako izango da. Iaz Kooperatibako parkina egiteko eta San Pedroetarako erabili zen.
    Herritarren laguntza beharrezkoa izango dela azaldu dute antolatzaileek. Bi modu izango dira laguntzeko:
    - Tako bat hartu. Tako bakoitzean 25 boleto daude (50€). Animatuz gero, jarri harremanetan: 615764389 (Iraitz).
    - Boleto sueltoak erosi. Kultur etxean eta IKOn egongo dira salgai 2 euroan.

    osorik irakurri / 0 iruzkin

    Babes Ofizialeko Etxebizitza bat saltzeko zozketa egingo da

    Nork argitaratua: Igeldo Herria 9 hilabete, aste 1 atzera

    Herri Kontseiluak jakinarazi du Igel­doko Babes Ofizialeko Etxe­bizitza bat salgai jarriko dela eta zozketa bidez erabakiko dela nori saldu. Etxebizitza horiek kooperatiba baten bidez eraiki ziren eta horien banaketa zozketa bidez egin zen bere garaian, igeldotarrek lehentasuna izanik. Orain, etxebizitza horren jabeek hasierako baldintza berdinak errespetatuz egin nahi dute salerosketa. Behin zozketa egindakoan, Do­nos­tiako Udalak eta Etxebidek BOErako ezarritako baldintzak bete beharko ditu erosleak. Alde honen erabakimena ez da IHK-ren ardura izango.
    Bost talde osatuko dira, lehentasunen arabera banatuta, eta talde bakoitzaren barruko lehentasuna zozketa bidez ezarriko da.

    osorik irakurri / 0 iruzkin

    45 bikote lehian, hasi berri den Pala Txapelketan

    Nork argitaratua: Igeldo Herria Kategoriak: Azaleko Nabarmendua 9 hilabete, aste 1 atzera

    Hasi berri da IV. Neguko Pala Txapelketa. Abenduaren 14an jokatu zen lehenengo partidua. Aurten denera, 45 bikote ariko dira lehian: 2. mailan gizonezkoetan 30 bikote, nesketan teniseko pilotarekin 10 bikote eta 1. mailan gizonezkoetan 5 bikote.
    Iaz egin bezala, astean zehar jokatuko dira ligaxkako partiduak: asteazken, ostegun, ostiral eta larunbat goizetan. Ondorengo partiduak ostiral eta larunbatetan izango dira. Final laurdenak eta finalerdiak martxoak 10, martxoak 17 eta martxoak 24 jokatuko dira. Finala, berriz, martxoaren 31n jokatuko da.

    osorik irakurri / 0 iruzkin

    Azken postak

    Artxibategia

    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom