Blog! | Igeldo Herriko webgunea Skip to content
  • Blog!

    Blog!

    Hurrengo epealdiko postak ikusten: martxoa, 2024

    Laister aparkaleku txukuna izango du IKOk

    Nork argitaratua: Igeldo Herria Kategoriak: Azaleko Nabarmendua 10 hilabete, 3 aste atzera

    Azken urteetan be­za­la, Gabonetako bo­le­­toak atera dira herri­an. Oraingo ho­ne­tan, Igeldoko Koo­pe­rati­bak hartu du ardura eta bertatik ateratako dirua IKOko aparkalekua txukuntzeko izango da. Denera, 4.300 euro atera di­re­la jakinarazi dute eta eskerrak eman dizkiete parte hartu du­ten guztiei: «De­non indarrari esker IKOk laister aparkaleku txukuna izango du».
    Bestalde, Gabo­ne­tako boletoen ga­rra­ntzia azpimarratu nahi izan dute: «Oraingoan IKOk baliatu du Gabone­ta­ko zozketa, baina herriko ekimen bat da eta behar duenak erabiltzeko dago. Eutsi diezaiogun!».

    osorik irakurri / 0 iruzkin

    Ondazarteko gazten probaketa egin zen ardoak lagunduta

    Nork argitaratua: Igeldo Herria Kategoriak: Azaleko Nabarmendua 10 hilabete, 3 aste atzera

    Hogeita hamar lagun inguru bildu ziren pasa den abenduaren 22an Din-Din elkartean egin zen gazta eta ardo dastaketan. Dastaketa hau IKO eta Ondazarte baserria partaide izan dituen proiektu baten baitako ekintza gisa antolatu zen.
    Ondazarte baserrikoek eta Gipuzkoako beste bi baserritarrek etorkizun laburrean gaztak egiten hasteko asmoa dute eta proiektuaren xedea gazta errezeta ezberdinak bilatu eta jendearen iritziak biltzea izan da. Horretarako Markinako Leartiker Esneki Zentroa izan dute bidelagun. Bertara Ondazarteko esnea eraman eta gazta ezberdinak egin dituzte eta gazta hauek dastatu ahal izan zituzten Din-Dinera hurbildu ziren igeldoarrek.
    Gazta mota ezberdinak eskaini zituzten, bakoitza ardo ezberdin batekin lagunduta. Ardoak IKOko hornitzailea den Azkuek prestatu zi­tuen, Akelarreko sommelierrak proposatutako uztartze edo maridaje batekin. Gaztak, esan bezala Onda­zarteko esnearekin Learti­ke­rren eginak ziren: gazta xamurra, biguna, laktikoa, ondua eta urdina. Gazten inguruko azalpenak Malen Sarasua Leartikerreko gazta adituak eskaini zituen eta dastaketaren bu­kaeran asko eskertu zioten Onda­zar­teko kideek bere laguntza eta jakituria.

    osorik irakurri / 0 iruzkin

    Haurrek badituzte baliabide psikiko egokiak pantailen aurrean aritzeko?

    Nork argitaratua: Igeldo Herria Kategoriak: Azaleko Nabarmendua 10 hilabete, 3 aste atzera

    Igeldoko eskolan Alvaro Beñaran Pedagogo eta Psikomotristaren bisita izan genuen. Beñaranek pantailek haurren lehen urteetan (0-6 urte), helduen eta haurren arteko harremanetan duten eragina izan zuen mintzagai.

    osorik irakurri / 0 iruzkin

    Zuzendaritza aldaketa ere egin da

    Nork argitaratua: Igeldo Herria Kategoriak: Azaleko Nabarmendua 10 hilabete, 3 aste atzera

    Urtea bukatzearekin, Guraso Elkarteko zuzendaritza ba­tzordeko karguak berritzea tokatzen zen eta aldaketa egin dutela jakinarazi dute. Nagore Garin, Nerea Zendoia eta Izaskun Urteaga atera dira eta egungo kideak bost izango dira: Gurutze Obineta, Intza Etxeberria, Lizar Sarasola, Mirari Etxezarreta eta Nora Cenzano. 

    osorik irakurri / 0 iruzkin

    Jubilatuekin ekintza ugari eta Santa Ageda bezperan kantari

    Nork argitaratua: Igeldo Herria Kategoriak: Azaleko Nabarmendua 10 hilabete, 3 aste atzera

    Igeldoko Jubilatuen Elkarteak jakinarazi duenez, joan den urtean antolatutako ekintzen egitaraua funtsean mantenduko dute 2024an. Hori horrela, ikastaro hauekin jarraituko dute: pilates eta aulkiko pilates, eta memoria lan­tzeko tailerra.
    Horrez gain: Igeldo eta inguruko bideetan hileroko ibilaldiak, Kantujirako taldearen kantaldiak herrian, Igeldoko Obserbatoriora eta Donostiako museo batzuetara bisitak, egun osoko bi eskurtsio, bat udaberrian eta bestea udazkenean.
    Bestalde, Musikoterapia tailerra aurten lehen aldiz antolatu dute eta hiru hilabeteko iraupena izango du. Ekimen honetan, musikaren bidez, psikomotrizitatea, memoria, mugimenduak eta sentimenduak taldean lantzen ari dira. Hasieratik ikastaro hau oso arrakastatsua izan dela azpimarratu dute

    osorik irakurri / 0 iruzkin

    Azken postak

    Artxibategia

    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom