Blog! | Igeldo Herriko webgunea Skip to content
  • Blog!

    Blog!

    Hurrengo epealdiko postak ikusten: martxoa, 2023

    Loiolako Hipikak Igeldon izango du jarraipena

    Nork argitaratua: Igeldo Herria Kategoriak: Azaleko Nabarmendua 2 urte, hilabete 1 atzera

    Prentsan azaldutako albistearen ostean, Herri Kontseilua Loiolako Hipikarekin jarri zen harremanetan. Bertako arduradunek jakinarazi diotenez, Hipikak Igeldon izango du jarraipena. Muntozabal ondoan lortu dituzte lurrak, Gudamendi bidearen ondoan, eta leku aldatze lanetan ari dira orain. Beraien asmoa da lehenbailehen jarduera baimena lortzea udaletxean eta martxan jartzea: «Lizentzia eskaera aurkezteko lanean ari gara». Momentuz, kontsulta egin dutela eta zaldiak edukitzeko, ikuiluak jartzeko (desmontagarriak) eta pistako hondarra botatzeko ez dutela baimenik behar adierazi diote Herri Kontseiluari.
    Loiolako kuartelen salerosketak eraginda, Hipikak Loiola utzi behar izan du. Hipikako instalazioak militarren lurretan zeuden eta orain militarrek lur horiek erabili nahi dituzte kuartel txiki bat eraikitzeko.

    osorik irakurri / 0 iruzkin

    «Jabeei eskatzen diegu modu berean egiteko salerosketa»

    Nork argitaratua: Igeldo Herria Kategoriak: Azaleko Nabarmendua 2 urte, hilabete 1 atzera

    Herri Kontseiluak gutun bana bidali die BOE etxeetako jabeei eta etorkizunean etxea saltzeko asmoa izanez gero, orain egin den modu berean egiteko eta harremanetan jartzeko eskatzen die: «Gogoratu behar da etxe horiek Kooperatiba baten bidez sortu zirela eta irizpide batzuk jarraituz egin zela etxeen banaketa, igeldotarrek lehentasuna izanik, besteak beste. Eta Kooperatibarekin batera, Herri Kontseiluaren papera funtsezkoa izan zen prozesu horretan. Orain, bide bat ireki da berriz hasierako printzipio horiek mantentzeko».
    Gainera, lana egina dagoela eta beharra ere badagoela nabarmendu dute: «Igeldokoak diren edo Igeldorekin lotura duten eta Igeldon bizi nahi duten 27 lagun aurkeztu dira, hain zuzen».

    osorik irakurri / 0 iruzkin

    Zozketaz aukeratu da BOE etxearen eroslea

    Nork argitaratua: Igeldo Herria Kategoriak: Azaleko Nabarmendua 2 urte, hilabete 1 atzera

    Urtarrilaren 27an zozketa egin zuen Herri Kontseiluak Igel­doko Babes Ofizialeko Etxe­bizitza baten eroslea aukeratzeko. Zozketan parte hartzeko 27 herritar apuntatu ziren (lehentasun talde desberdinetan banatuta) eta zozketa bidez erabaki zen lehentasun hurrenkera. Orain, zozketan aukeratutako pertsonak BOE etxe bat erosteko baldintzak beteko ez balitu, zerrendako hurrengoarengana joko luke etxearen jabeak.
    Zozketaren arrazoia gogorarazi du Herri Kontseiluak: «Etxebizitza horiek Kooperatiba baten bidez eraiki ziren eta horien banaketa zozketa bidez egin zen bere garaian, igeldotarrek lehentasuna izanik. Orain, etxebizitza horren jabeek hasierako baldintza berdinak errespetatuz egin nahi izan dute salerosketa Herri Kontseiluari horretarako duen zilegitasuna emanez».

    osorik irakurri / 0 iruzkin

    Hainbat ekintza antolatu dira Emakumeen Egunaren bueltan

    Nork argitaratua: Igeldo Herria 2 urte, hilabete 1 atzera

    Martxoaren 8a iristear da eta egunaren bueltan hainbat ekintza antolatu dira herrian. Bezperan, martxoaren 7an herria apaintzeko hitzordua jarri dute 18:00etan. Martxoaren 8an manifestazioa egingo da Donostian eta bertara elkarrekin joateko deialdia egin dute. Oinez joateko 17:00etan abiatuko dira plazatik eta bestela, Ezeiza hotelean elkartuko dira 18:15etan. Manifestazioa 18:30etan abiatuko da Antiguako tuneletik. Martxoaren 10ean, ibilaldia eta korto emanaldia antolatu dituzte. Larunbata, berriz, martxoak 11, egun handia izango da; urteroko emakume afaria egingo dute Calongen (35€). 

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom