Blog! | Igeldo Herriko webgunea Skip to content
  • Blog!

    Blog!

    Hurrengo epealdiko postak ikusten: uztaila, 2019

    Igeldorentzako ze proposamen daukaten galdetu diote berriz Goiari

    Nork argitaratua: Karmele Garmendia Kategoriak: Azaleko Nabarmendua 5 urte, 9 hilabete atzera

    Jarduneko Herri Kontseiluak idatzi bat erregistratu zuen Donostiako udale­txean maiatzean, hauteskundeen atarian. Eneko Goia alkateari eta udal gobernuari exijiitu diote mahai gainean jarri dezatela Igeldo­rentzat daukaten proposamena: «benetan proposamenik baldin badu­te. Eta aldiz, bide hori jorratzeko asmorik ez badute, argi adierazi dezatela». Herri Kon­tseilua aspertuta dago «hitz eta promesa hutsalekin». Abenduaren 18an bilera egin zuten eta bertan zenbait erabaki adostu zituztela gogorarazten die idatzian, baina «oraingoan ere» ez dutela ezer egin. «Hilabeteak igaro dira bilera hau burutu zenetik, tartean Igeldoko desanexio prozesuaren in­guruko epaia eman delarik. Epaiaren harira, Alkate jaunak, berriro luzatu ditu prentsan Igeldo Toki Entitate bihurtzearen aldeko adierazpenak. Igeldoko Herri Kontseiluak, ordea, ez du honen inguruko proposamenik jaso. Gaia gurekin lantzeko konpromisoa hartu zuen bilera hartan, baina ez digu bilera deialdirik egin ez dokumenturik pasa», salatu dute.
    Abenduko bileran, Alkateak Igel­do­rentzat soluzio bakarra eman zuela azaldu dute: Toki Entitate Txikia bihurtzea. Eta azken lau urteetan ho­rren inguruko proposamenik zergatik ez duen egin galdetuta, honakoa eran­tzun omen zuen: uste zuela Herri Kontseiluaren jarrera bide horren kontrakoa zela. «Herri Kontseilutik garbi adierazi genion Igeldoren afera konpontzeko beharrezkoa dela Igel­doko herritarren borondatea errespetatzea. Hala ere, Igeldotik beti azaldu gara prest gure herriko zein herritarren egoera hobetzeko baliagarri izan daitezkeen proposamenak aztertzeko. Aldiz, Donos­tia­ko Udala izan da beti bide horiek proposatu ondoren, azalpenik eman gabe bukaera eman diena», azpimarratu dute.

    osorik irakurri / 0 iruzkin

    Konponketa lanak lehenbailehen egiteko eskatu zaio udalari

    Nork argitaratua: Karmele Garmendia Kategoriak: Azaleko Nabarmendua 5 urte, 9 hilabete atzera

    Udaletik adierazi dute iraila-urria izango dela errepidea konpontzerako.

    osorik irakurri / 0 iruzkin

    Irailean hasiko da buru-belarri lanean Herri Kontseilu berria

    Nork argitaratua: Karmele Garmendia Kategoriak: Azaleko Nabarmendua 5 urte, 9 hilabete atzera

    Ia %33ko babesa lortu zuen taldeak maiatzean egindako hauteskundeetan.

    osorik irakurri / 0 iruzkin

    Jubilatu guztiei deia, elkarteko kide izateko

    Nork argitaratua: Karmele Garmendia Kategoriak: Azaleko Nabarmendua 5 urte, 9 hilabete atzera

    Igeldoko Jubilatuen Elkartea mar­txan da berriz eta kide berriak egiteko prozesuan daude orain. Estatutuen arabera, 55 urtetik gorako igeldotar pentsionista guztiek dute eskubidea elkarteko kide izateko. «Dei egiten diegu Igeldoko jubilatu guztiei elkartearen kide izan daitezen», adierazi dute.

    osorik irakurri / 0 iruzkin

    ‘...eta segi aurrera’ liburua osatu du Iraolak

    Nork argitaratua: Karmele Garmendia Kategoriak: Azaleko Nabarmendua 5 urte, 9 hilabete atzera

    Urte honen maiatzaren 6an, 40 urte bete dira Jarrai ezker aber­tzaleko gazte antolakundea sortu zenetik. Horren harira, Ernai eta Aitzina gazte antolakundeak “Bulkada Berrien Garaia Da” dinamika jarri zuten martxan. Eta dinamika horren bueltan “...eta segi aurrera” liburua ida­tzi dute gazte antolakunde horietan aritutako eta ari diren hainbat kidek. Horien artean, Xabi Iraola igeldotarra aritu da liburuaren osaketan.
    Liburuaren helburu nagusia honakoa izan dela azaldu du Iraolak: «40 urte hauetan Jarrai, Gazteriak, Haika, Segi, Ernai eta Aitzina gazte antolakundeen historia jaso eta gazte belaunaldi berrien eskura jartzea. Izan ere, mugimendu baten egiteko garran­tzitsuenetako bat memoriaren eta transmisioaren lanketa da».
    Maiatzaren 6an aurkeztu zuten liburua Añorgako Zine Zaharrean 150 pertsonaren aurrean. Geroz­tik, Euskal Herriko txoko ezberdinetan liburuaren aurkezpenak egiten ari dira. Liburua eskuragai da liburu dendetan.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom