Blog! | Igeldo Herriko webgunea Skip to content
  • Blog!

    Blog!

    Hurrengo epealdiko postak ikusten: martxoa, 2018

    "Angula ustelak" hitzaldia, bihar

    Nork argitaratua: Karmele Garmendia 7 urte, hilabete 1 atzera

    Erraustegiaren proiektuaren atzean zer dagoen jakiteko aukera izango da bihar Igeldon. "Angula ustelak" elkartasun biraren barruan, hitzaldia emango dute Ainhoa Intxaurrandietak eta Igor Melchorrek eta honako galderen inguruko azalpenak emango dituzte: Nolakoa da Euskal Erregimenaren politika eta zer gertatzen da aurre egiten diozunean? Hain zuzen, antolatzaileek azaldu dutenez, bertan erakutsiko dute erraustegiaren proiektuaren atzean dauden interesak eta diru publikoa betikoen esku pribatuetara pasatzeko egiten dituzten trikimailuak. Hitzaldia arratsaldeko 19:30etan izango da Itsas Aurre kultur etxean.

    osorik irakurri / 0 iruzkin

    Asteburu pasa antolatu dute Asteasura, maiatzean

    Nork argitaratua: Karmele Garmendia 7 urte, hilabete 1 atzera

    Asteasura asteburu pasa antolatu du Guraso Elkarteak. Bi gauko irteera izango da, maiatzaren 18tik 20ra, eta edozein igeldotarrek hartu dezake parte. Ostiralean Igeldotik atera eta Asteasuko Otabardi baserrira joango dira. Larunbatean eta igandean, egun osoko mendi-irteerak egingo dituzte; haurrek egiteko modukoak.

    osorik irakurri / 0 iruzkin

    Olioa eta kontserbak eskatzeko azken eguna, bihar

    Nork argitaratua: Karmele Garmendia 7 urte, hilabete 1 atzera

    Errigorako oliba-olio birjina estra eta kontserba-sortak (piperrak, zainzuriak, orburuak, potxak...) eskatzeko aukera dago Igeldon eta bihar bukatzen da epea (martxoak 20). Interesa izanez gero, ondoko bi herritarrei idatzi: igo.unanue@hotmail.com edo nekaneurruzmendi@gmail.com.

    osorik irakurri / 0 iruzkin

    Untzi Museora joateko, lau sarrera zozketatuko dira

    Nork argitaratua: Karmele Garmendia 7 urte, hilabete 1 atzera

    Untzi Museoan "Zoriontasunaren bilaketa" erakusketa berria inauguratu dute. Azaldu dutenez, erakusketa honen bidez, «gure itsas historiaren atal bat, ia ezagutu ere egiten ez dena, zabaldu nahi dugu: euskal ekarpena Ipar Ameriketako independentziari». Hori horrela, Herri Kontseiluari eta Ieltxori lau doako sarrera oparitu dizkiete eta sarrera horiek herritarren artean zozketatzea erabaki dute Herri Kontseiluak eta Ieltxok. Bi pertsona izango dira sarituak, bakoitzari bina emango zaizkio. Horretarako, albiste honi iruzkin bat egin beharko zaio (beheraxeago dago aukera), astebeteko epean (martxoak 22 azken eguna). 

    osorik irakurri / 6 iruzkin

    200 zuhaitz landatuko dituzte bihar Mendizorrotzen

    Nork argitaratua: Karmele Garmendia 7 urte, hilabete 1 atzera

    Zuhaitz Eguna antolatu du bihar (martxoak 17) Haritzalde elkarteak eta Mendizorrotzen 200 zuhaitz landatuko dituztela jakinarazi dute. Lizarrak, Ametzak, Arteak, Urkiak, Sagarrondoak eta Gorostiak izango dira.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom