Blog! | Igeldo Herriko webgunea Skip to content
  • Blog!

    Blog!

    500 euroko saskia eskuratu nahi al duzu?

    Nork argitaratua: Igeldo Herria 2 urte, 5 hilabete atzera

    Aurten ere, 500 eurotan baloratutako saski eder bat zozketatuko da. Bertako produktuekin osatutako saskia izango da eta zozketa urtarrilaren 20an egingo da, ONCE-CUPONAZOko zozketarekin. Bertatik lortutako dirua herrigintzarako izango da. Iaz Kooperatibako parkina egiteko eta San Pedroetarako erabili zen.
    Herritarren laguntza beharrezkoa izango dela azaldu dute antolatzaileek. Bi modu izango dira laguntzeko:
    - Tako bat hartu. Tako bakoitzean 25 boleto daude (50€). Animatuz gero, jarri harremanetan: 615764389 (Iraitz).
    - Boleto sueltoak erosi. Kultur etxean eta IKOn egongo dira salgai 2 euroan.

    osorik irakurri / 0 iruzkin

    Babes Ofizialeko Etxebizitza bat saltzeko zozketa egingo da

    Nork argitaratua: Igeldo Herria 2 urte, 5 hilabete atzera

    Herri Kontseiluak jakinarazi du Igel­doko Babes Ofizialeko Etxe­bizitza bat salgai jarriko dela eta zozketa bidez erabakiko dela nori saldu. Etxebizitza horiek kooperatiba baten bidez eraiki ziren eta horien banaketa zozketa bidez egin zen bere garaian, igeldotarrek lehentasuna izanik. Orain, etxebizitza horren jabeek hasierako baldintza berdinak errespetatuz egin nahi dute salerosketa. Behin zozketa egindakoan, Do­nos­tiako Udalak eta Etxebidek BOErako ezarritako baldintzak bete beharko ditu erosleak. Alde honen erabakimena ez da IHK-ren ardura izango.
    Bost talde osatuko dira, lehentasunen arabera banatuta, eta talde bakoitzaren barruko lehentasuna zozketa bidez ezarriko da.

    osorik irakurri / 0 iruzkin

    45 bikote lehian, hasi berri den Pala Txapelketan

    Nork argitaratua: Igeldo Herria Kategoriak: Azaleko Nabarmendua 2 urte, 5 hilabete atzera

    Hasi berri da IV. Neguko Pala Txapelketa. Abenduaren 14an jokatu zen lehenengo partidua. Aurten denera, 45 bikote ariko dira lehian: 2. mailan gizonezkoetan 30 bikote, nesketan teniseko pilotarekin 10 bikote eta 1. mailan gizonezkoetan 5 bikote.
    Iaz egin bezala, astean zehar jokatuko dira ligaxkako partiduak: asteazken, ostegun, ostiral eta larunbat goizetan. Ondorengo partiduak ostiral eta larunbatetan izango dira. Final laurdenak eta finalerdiak martxoak 10, martxoak 17 eta martxoak 24 jokatuko dira. Finala, berriz, martxoaren 31n jokatuko da.

    osorik irakurri / 0 iruzkin

    Lokalaren erabileraren inguruan hizketan

    Nork argitaratua: Igeldo Herria Kategoriak: Azaleko Nabarmendua 2 urte, 5 hilabete atzera

    Apaiza eliza atzeko lokala uzteko prest azaldu zenetik, Herri Kontseilua gaia lantzen ari da. Besteak beste, abenduaren 5ean bilera bat egin zuten lokala erabiltzeko interesa duten eragile eta herritar desberdinek (Jubilatuek, gazteek, Ieltxok...). Zer erabilera emango lioketen hizketan aritu ziren. 

    osorik irakurri / 0 iruzkin

    Kantxako belardia berrituta, auzolanean

    Nork argitaratua: Igeldo Herria Kategoriak: Azaleko Nabarmendua 2 urte, 5 hilabete atzera

    Eskolako kantxa ondoan belardi bat dago eta bertako espazioa berritu egin dute elkarlanean eta auzolanean. Egurrezko etxetxo bat, mahai bat aulkiekin eta gurpil eta egurrezko zirkuitu bat jarri dituzte. Proiektua aurreko ikasturtean hasi zuten eta azaroaren 26an eraman zuten aurrera ikasle, guraso eta irakasleek elkarrekin.
    Azaldu dutenez, iaz, ikasleen nahiak entzun eta aukera desberdinak aztertu zituzten BATU bileretan (ikasleen ordezkarien bilerak). Guraso taldetxo bat ere koordinaketa lanetan aritu zen eskolarekin guzti hau aurrera eramateko (materiala, lanak…), baina proiektua oso bideratua izan arren, ez zuten aukerarik izan burutzeko. Aurten, ikasturtea hasi bezain pronto, proiektuari heldu zioten.
    «Goiza primerakoa izan zen!!! Giro apartan aritu ginen lanean, ikasle, guraso eta irakasleak. Mila esker berrantolaketa hau aurrera eramaten lagundu duzuen guztioi!!!» adierazi dute.

    osorik irakurri / 0 iruzkin

    Azken postak

    Artxibategia

    2025
    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom