EHBilduko herriko taldea sortu da

Nork argitaratua: Igeldo Herria 3 urte, 4 hilabete atzera

Duela aste batzuk herriko EHBilduko taldea sortu zen. Baina zertarako eta zein helbururekin? Nortzuk osatzen dute taldea? Ondorengo herrikideek: Nekane Urruzmendi, Eneritz Otamendi, Jabier Iraola, Aratz Urruzmendi, Imanol Gomez eta Joxi Oiarbidek.
Azaldu dutenez, «EHBilduko azken kongresuan EHBildu alderdi politikoa baino gehiago dela erabaki zen. Hau da, instituzioa eta kalea uztartuko dituen alderdi/mugimendua eratzeko bidean urratsak egitea erabaki zen. Horrela, herriz-herri EHBilduko taldeak sortzen ari dira eta Igeldon ere sortu dugu ekipo ederra».
EHBilduk nazio mailan egiten dituen proposamen eta dinamikak lurreratu (herrian landu) eta herrira begirako programa bat lantzea dira taldearen helburuak. Proposamenak lurreratzeari dagokionez, EHBilduk hezkuntza lege berri baterako egin duen proposamena bereziki interesgarria iruditzen zaiela gaineratu dute eta aurrerago herrian lantzeko asmoa dute. Herrira begirako programari dagokionez, arlo ezberdinetan proposamenak egitea dute asmoa: «hala nola, energia, hezkuntza edota bestelako arloetan EHBilduk herriari egiten dion proposamena. Noski, horretarako parte hartzeko espazioak eskainiko dira, EHbildu komunitate zabala baita eta guztion artean eztabaidatu eta aberastuz osatuko baitugu herri honen beharrei erantzungo dien programa».

Bilbora 20 lagun Igeldotik
EHBilduren aldarriak kaleratu eta ezkerreko independentistak aspaldiko partez bildu asmoz, azaroaren 20an «mobilizazio erraldoia» egin zen Bilbon. «45000 pertsonatik gora elkartu ziren eta herritik autobusa eta kotxeetan joandako pertsonak kontuan hartuta, 20 bat lagunek parte hartu zuten mobilizazioan. Esan beharra dago, mobilizazioak EHBildu bera indartzeko balio izan zuela, lehen aldia baitzen alderdi/mugimenduak horrelako mobilizazio bat antolatzen zuela», nabarmendu dute.
«Beraz eta amaitzeko, jakin taldeko ateak zabalik dituzuela. Ezkerreko independentiston etxe sendoa eraiki behar dugu, beraz proposamen edota ideiaren bat baduzue jarri harremanetan taldeko kideekin», luzatu dute gonbita.

Iruzkinak

Oraingoz ez dauka iruzkinik

Iruzkin berria

Azken postak

Artxibategia

Cookie-en erabilera oharra

Igeldoko Herri Kontseiluko webgunea

Webguneko gaiaren kolorea

Igeldo Herria