Aitor Etxeberria Euskadiko txapeldun

Nork argitaratua: Igeldo Herria 3 urte, hilabete 1 atzera

Otsailaren 5 eta 6an Euskadiko pista estaliko txapelketa jokatu zen eta Aitor Etxeberria txapeldun izan zen 1.500m-ko proban eta 3.000m-koan. Ez da lehenengo aldia Etxeberriak titulu horiek lortzen dituela, baina oraingoan sorpresaz hartu dituela azaldu dio Orri Informatiboari eta pozik dago lortutako emaitzekin: «Egia esan, nahiko justu irabazi nituen, baina helburua aurrean ibiltzea zen eta disfrutatzea. Eta emaitzak ikusita oso gustora nago. Ez nuen espero, izan ere, nere helburua Behobia zen eta prestaketa guztiaren ondoren, oso egun kaxkarra izan nuen. Ordutik lasaiago nabil, entrenamenduen erritmoa jaitsita, disfrutatzeko asmoz. Dena ez da korrika eta!».
Bere helburua hurrengo Behobia da. Orain lasai hartu eta udaratik aurrera berriz serioago hasiko da.
Tartean, Igeldoko igoera tokatuko litzateke, eta antolatzen bada, eta ondo baldin badago behintzat, txapela irabazteko lehian izango da Etxeberria. Bere lasterketa faboritoetako bat dela aitortu dio Orri Informatiboari.

Laguntzeko eta aholkuak emateko prest
Noizbait herritarren batek edo bestek entrenamenduak jartzeko eskaera egin izan diote Etxeberriari, baina ez du horretan jartzeko tarterik izan. Orain, zentzu horretan laguntzeko eta aholkuak emateko prest dagoela adierazi du eta nahi duena lasai jartzeko berarekin harremanetan. Orion entrenatzen ditu batzuk.

Iruzkinak

Oraingoz ez dauka iruzkinik

Iruzkin berria

Azken postak

Artxibategia

Cookie-en erabilera oharra

Igeldoko Herri Kontseiluko webgunea

Webguneko gaiaren kolorea

Igeldo Herria