Babes Ofizialeko Etxebizitza bat saltzeko zozketa egingo da

Nork argitaratua: Igeldo Herria urte 1, 3 hilabete atzera

Herri Kontseiluak jakinarazi du Igeldoko Babes Ofizialeko Etxebizitza bat salgai jarriko dela eta zozketa bidez erabakiko dela nori saldu. Etxebizitza horiek kooperatiba baten bidez eraiki ziren eta horien banaketa zozketa bidez egin zen bere garaian, igeldotarrek lehentasuna izanik. Orain, etxebizitza horren jabeek hasierako baldintza berdinak errespetatuz egin nahi dute salerosketa. Behin zozketa egindakoan, Donostiako Udalak eta Etxebidek BOErako ezarritako baldintzak bete beharko ditu erosleak. Alde honen erabakimena ez da IHK-ren ardura izango.
Bost talde osatuko dira, lehentasunen arabera banatuta, eta talde bakoitzaren barruko lehentasuna zozketa bidez ezarriko da.

Izena emateko, abenduaren 26tik aurrera
Zozketan parte hartzeko izen ematea abenduaren 26tik urtarrilaren 13ra izango da. Gainerako faseak honakoak: izen emandakoen arteko behin behineko taldekatzeen publikatzea (urtarrilak 17); erreklamazioak egiteko epea (urtarrilak 18-20); behin betiko taldekatzeen publikatzea (urtarrilak 23); taldekatzeen araberako lehentasun zozketa (urtarrilak 27, ostirala, 19:00).
Zozketan parte hartu nahi dutenek izena eman eta dokumentazioa aurkezteko Itsas Aurre kultur etxera zuzendu beharko dute eta tramitazioa egin, IHK-ko langileak emandako argipenak jarraituta. Tramitazio hau bulegoko ordutegian egingo da. Epez eta ordutegiz kanpo ez da inongo tramitaziorik onartuko. Harremanetarako: 606311734 edo herrikontseilua@igeldo.eus.

1. TALDEA: Igeldon modu jarraituan erroldatua egotea gutxienez azken BOST URTEETAN / Noizbait 15 URTEZ MODU JARRAITUAN erroldatua egon izana.
2. TALDEA: Noizbait Igeldon erroldatua izan dena edo egun dagoena.
3. TALDEA: Igeldon lanean modu jarraituan ari dena gutxienez azken BOST URTEETAN / Beren seme-alaba(k) Igeldoko Herri Eskolan matrikulatuta duten gurasoak.
4. TALDEA: Gutxienez azken BOST URTEETAN Donostian erroldatutakoak.
5. TALDEA: Legeak ezarritako baldintzak betetzen dituen beste edozein pertsona.

Iruzkinak

Oraingoz ez dauka iruzkinik

Iruzkin berria

Azken postak

Artxibategia

Cookie-en erabilera oharra

Igeldoko Herri Kontseiluko webgunea

Webguneko gaiaren kolorea

Igeldo Herria