Blog! | Igeldo Herriko webgunea Skip to content
  • Blog!
    • Egilea: Karmele Garmendia

    Blog!

    Hurrengo egilearen postak ikusten: Karmele Garmendia

    Kontzertu ederra, hamasei urteko ibilbidea bukatzear direla...

    Nork argitaratua: Karmele Garmendia Kategoriak: Azaleko Nabarmendua 4 urte, 3 hilabete atzera

    Joan den azaroaren 16an, Igeldoko Lezkarri Abesbatzak kontzertua eman zuen herriko eskolako aretoan. Oraingoan, Zumaiako “Beheko Plaza” abesbatzakoak izan zituzten lagun. Joan zen urtean, Zumaian egiten duten Olagarru egunean abestu zuten Lezkarriko kideek. Orduko hartan, kalez kale ibili ziren elkarrekin kantatzen giro alaitsuan, eta ondoren, lagunarteko bazkari ederra egin zutela azaldu dute.
    Herriko kontzertuari dagokionean, Lezkarriren emanaldia sei abestiz osatua izan zen, eta zumaiakoek, zortzi eskaini zituzten. Bukatzeko, “Goizian argi hastian” eta “Nerea izango zen”, elkarrekin abestuaz osatu zuten ekitaldia.
    Lezkarrikoek emanaldiaren balorazioa egin dute: «Ikustera gerturatu ziren herritarrak pozik azaldu ziren kontzertua bukatu ondoren, nahiz eta gutxi izan hauek. Publikoaren gehiengoa, kantatzen genuenokin osatua zegoen: Zumaiatik 33 pertsona etorri ziren eta Lezkarrikoak 17 lagun ginen. Gero lagunarteko giroan, Lezkarrikoek Din-dinen antolatutako afari ederrarekin bukatu genuen».

    osorik irakurri / 0 iruzkin

    Umeentzako tailerra, ostiralean

    Nork argitaratua: Karmele Garmendia 4 urte, 4 hilabete atzera
    Ostiralean (abenduak 20), energiari buruzko tailer bat eskainiko da Igeldon umeei zuzenduta. Arratsaldeko 15:00etan izango da kultur etxean. 

    osorik irakurri / 0 iruzkin

    Gabonetako ensaioa eta tailerra, larunbatean

    Nork argitaratua: Karmele Garmendia 4 urte, 4 hilabete atzera
    Dagoeneko ate-joka ditugu Gabonak eta, aurten ere, urtero bezala, zenbait ekintza prestatzen dabiltza Kixmi eta hainbat guraso, elkarlanean. Abenduaren 14ean 16:30etan Gabonetako ensaioa eta ondoren, tailerra izango dira Itsas Aurre kultur etxean. Eskeei dagokienez, hasieratik bi taldetan banatuta egingo dira. Bai abenduaren 24ean, bai abenduaren 31n, 14:30etan abiatuko dira herriko plazatik. Aurten ere iazko ibilbide berbera egingo da. Abenduaren 24ean, eskearen ondoren, 19:30ak aldera Olentzero eta Mari Domingiren etorrera izango da plazan. Antolatzaileek deia luzatzen diete herritar guztiei: «Ez ahaztu eskeetara baserritarrez jantzita etortzeaz. Animatu eta parte hartu!».
    GABONETAKO KANTAK LORTZEKO, SAKATU HEMEN

    ESKEETAKO IBILBIDEA

    ABENDUAK 24

    osorik irakurri / 0 iruzkin

    Euskara bizi-bizi, Igeldon

    Nork argitaratua: Karmele Garmendia Kategoriak: Azaleko Nabarmendua 4 urte, 4 hilabete atzera

    Euskararen Egunaren bueltan, ekintzak antolatu dira Igeldon eta bertan, euskara bizi-bizirik egoteaz gain, hizkuntza bizia dela ere erakutsi dute. Zinea, ipuin kontaketa, Euskaldun Peto lehiaketa, triki-pintxo-poteoa eta zunba egin dira asteburuan zehar. Gerturatutakoek gogotik gozatu dute!

    osorik irakurri / 0 iruzkin

    Egitarau zabala, Euskararen Egunaren bueltan

    Nork argitaratua: Karmele Garmendia 4 urte, 5 hilabete atzera

    Abenduaren 3an Euskararen Eguna izango da eta urtero bezala, ekintzak antolatu dira egunaren bueltan. Herri Kontseiluko Euskara Batzordeak egitarau zabala prestatu du oraingoan ere, adin tarte guztietako herritarrentzat. Azaroaren 29an (ostirala), zinearen txanda izango da. Ume eta gaztetxoentzako Printze txikia izango da ikusgai eta helduentzako Oreina. Azken hau, Koldo Almandozek zuzendutako euskal pelikula da. Gainera, igeldotarrei ezagun egingo zaizkie bertan azaltzen diren paisaiak, Oria ibaiaren padurak baitira oinarri. Aginagan grabatua dago, besteak beste.

    osorik irakurri / 0 iruzkin

    Azken postak

    Artxibategia

    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom