Blog! | Igeldo Herriko webgunea Skip to content
  • Blog!

    Blog!

    Hurrengo epealdiko postak ikusten: martxoa, 2022

    Herritarrok hitz egiteko momentua da

    Nork argitaratua: Igeldo Herria 2 urte, hilabete 1 atzera

    Igeldoko Tokiko Entitate Txikia sor­tzeko bidean, herritarren partaidetza prozesua abiatu da orain. Hau da, herritarrok hitz egiteko momentua orain dela adierazi du Herri Kon­tseiluak: «Igeldon dauzkagun behar eta nahiak adierazi, TET sortzeak era­­giten dizkigun ilusio edo kezkak plazaratu, iritziak eman... Horiek de­nak mahai gainean jartzeko garaia da».
    Partaidetza prozesu hau Donostiako Udalak, Siadecok, Herri Kontseiluak eta hainbat igeldotarrek elkarlanean jarri dute abian eta «helburua da ahalik eta igeldotar gehienen partehartzea bultzatzea eta iritzi desberdinak jasotzea».

    osorik irakurri / 0 iruzkin

    ‘Biba Zuek’ telebista programako artzaina, Ikon

    Nork argitaratua: Igeldo Herria Kategoriak: Azaleko Nabarmendua 2 urte, hilabete 1 atzera

    Aritz Ganboa da Biba Zuek telebista programan azaltzen den artzaina eta otsailaren hasieran Igeldoko Kooperati­ban izan zen grabatzen. Programa honetan artzain munduaren berri emateaz gain, Euskal Herrian zehar martxan dauden eta agroekologiarekin lotura duten proiektuen berri ematen du Ganboak. Igeldoko Kooperati­ba­ren berri jakin zuenean, bere interesa azaldu eta grabatzera etorri zen. Larraitz Dorronsororekin (Kooperatibako bazkidea) aritu zen hizketan. Proiektuaren garapena nolakoa izan den eta herriaren zein nekazaritzaren biziraupenean Kooperatibak duen garrantziaz aritu ziren hizketan. 

    osorik irakurri / 0 iruzkin

    Arrano Etxeak bukatu du bere ibilbidea

    Nork argitaratua: Igeldo Herria Kategoriak: Azaleko Nabarmendua 2 urte, hilabete 1 atzera

    Eguna zehazteko dago, baina beranduenez, martxoa bukaera izango da. Hortik aurrera, Arrano Etxeak ez du animalia berririk jasoko.

    osorik irakurri / 0 iruzkin

    Aitor Etxeberria Euskadiko txapeldun

    Nork argitaratua: Igeldo Herria Kategoriak: Azaleko Nabarmendua 2 urte, hilabete 1 atzera

    Otsailaren 5 eta 6an Euskadiko pista estaliko txapelketa jokatu zen eta Aitor Etxeberria txapeldun izan zen 1.500m-ko proban eta 3.000m-koan. Ez da lehenengo aldia Etxeberriak titulu horiek lortzen dituela, baina oraingoan sorpresaz hartu dituela azaldu dio Orri Informatiboari eta pozik dago lortutako emaitzekin: «Egia esan, nahiko justu irabazi nituen, baina helburua aurrean ibiltzea zen eta disfrutatzea. Eta emaitzak ikusita oso gustora nago. Ez nuen espero, izan ere, nere helburua Behobia zen eta prestaketa guztiaren ondoren, oso egun kaxkarra izan nuen. Ordutik lasaiago nabil, entrenamenduen erritmoa jaitsita, disfruta­tzeko asmoz. Dena ez da korrika eta!».
    Bere helburua hurrengo Behobia da. Orain lasai hartu eta udaratik aurrera berriz serioago hasiko da.
    Tartean, Igeldoko igoera tokatuko litzateke, eta antolatzen bada, eta ondo baldin badago behintzat, txapela irabazteko lehian izango da Etxeberria. Bere lasterketa faboritoetako bat dela aitortu dio Orri Informatiboari.

    Laguntzeko eta aholkuak emateko prest
    Noizbait herritarren batek edo bestek entrenamenduak jartzeko eskaera egin izan diote Etxeberriari, baina ez du horretan jartzeko tarterik izan. Orain, zentzu horretan laguntzeko eta aholkuak emateko prest dagoela adierazi du eta nahi duena lasai jartzeko berarekin harremanetan. Orion entrenatzen ditu batzuk.

    osorik irakurri / 0 iruzkin

    Txapelek badituzte jabeak

    Nork argitaratua: Igeldo Herria Kategoriak: Azaleko Nabarmendua 2 urte, hilabete 1 atzera

    III. Neguko Pala Txapel­ke­ta otsailaren 25ean bu­katu zen. Ondorengo bi­ko­teek jokatu zituzten finalak eta emai­tzak haue­xek izan ziren. Lehe­nengo maila: Elejalde-San Miguel 25/Ansa-Loidi 22. Biga­rren maila: Gu­rru­txaga-Conde 25/Lan­da-Koldo 21. Eta neskak: Iza­gi­rre-Garate 25/Maialen-Iduzki 21.
    Oraingo honetan ere arrakasta izan du txapelketak. Denera, 42 bikotek jokatu dute: gizonezkoen lehenengo mailan 7 bikotek, bigarren mailan 28k eta nesketan 7k.

    osorik irakurri / 0 iruzkin

    Azken postak

    Artxibategia

    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom