Blog! | Igeldo Herriko webgunea Skip to content

Blog!

Hurrengo epealdiko postak ikusten: abendua, 2022

45 bikote lehian, hasi berri den Pala Txapelketan

Hasi berri da IV. Neguko Pala Txapelketa. Abenduaren 14an jokatu zen lehenengo partidua. Aurten denera, 45 bikote ariko dira lehian: 2. mailan gizonezkoetan 30 bikote, nesketan teniseko pilotarekin 10 bikote eta 1. mailan gizonezkoetan 5 bikote.
Iaz egin bezala, astean zehar jokatuko dira ligaxkako partiduak: asteazken, ostegun, ostiral eta larunbat goizetan. Ondorengo partiduak ostiral eta larunbatetan izango dira. Final laurdenak eta finalerdiak martxoak 10, martxoak 17 eta martxoak 24 jokatuko dira. Finala, berriz, martxoaren 31n jokatuko da.

Lokalaren erabileraren inguruan hizketan

Apaiza eliza atzeko lokala uzteko prest azaldu zenetik, Herri Kontseilua gaia lantzen ari da. Besteak beste, abenduaren 5ean bilera bat egin zuten lokala erabiltzeko interesa duten eragile eta herritar desberdinek (Jubilatuek, gazteek, Ieltxok...). Zer erabilera emango lioketen hizketan aritu ziren. 

Kantxako belardia berrituta, auzolanean

Eskolako kantxa ondoan belardi bat dago eta bertako espazioa berritu egin dute elkarlanean eta auzolanean. Egurrezko etxetxo bat, mahai bat aulkiekin eta gurpil eta egurrezko zirkuitu bat jarri dituzte. Proiektua aurreko ikasturtean hasi zuten eta azaroaren 26an eraman zuten aurrera ikasle, guraso eta irakasleek elkarrekin.
Azaldu dutenez, iaz, ikasleen nahiak entzun eta aukera desberdinak aztertu zituzten BATU bileretan (ikasleen ordezkarien bilerak). Guraso taldetxo bat ere koordinaketa lanetan aritu zen eskolarekin guzti hau aurrera eramateko (materiala, lanak…), baina proiektua oso bideratua izan arren, ez zuten aukerarik izan burutzeko. Aurten, ikasturtea hasi bezain pronto, proiektuari heldu zioten.
«Goiza primerakoa izan zen!!! Giro apartan aritu ginen lanean, ikasle, guraso eta irakasleak. Mila esker berrantolaketa hau aurrera eramaten lagundu duzuen guztioi!!!» adierazi dute.

Neguko ordutegia jarri dute IKOn

Abenduan zehar, astero, bono bat zozketatuko dute erosleen artean. 

Sexualitateaz eta elikagai osasungarriez aritu dira Jubilatuak

Jubilatuek hainbat hitzaldi eskaini dituzte udazkenean zehar eta pozik daude izandako erantzunarekin. Alde batetik, sexualitatearen inguruan bi hitzaldi izan dituzte eta horietan 25 pertsonek hartu dute parte. Gai honen inguruan iritzi ezberdinak egon direla, gaiak jakinmina sortu duela eta zentzu horretan onuragarria izan dela azpimarratu dute. Bestetik, abenduaren 14an, Bizitza eta Elikagai osasungarriak izan zituzten hizketagai. Ondoren, sukaldaritzako saio praktikoa izan zuten.

Azken postak

Artxibategia

2024
2023
2022
2021
2020
2019
2018
2017

Kategoriak

Etiketak

Egileak

Web-jarioak

RSS / Atom