Blog! | Igeldo Herriko webgunea Skip to content

Blog!

Hurrengo epealdiko postak ikusten: martxoa, 2021

Dagoeneko bildu dira argazki zahar guztiak

Aurreko Orri Informatiboan azaldu bezala, argazki zaharren bilduma egiteko asmoa dago. Jabier Iraolak abiatutako ekimenak interesa piztu zuen Herri Kontseiluaren eta beste herritar batzuen artean eta burubelarri dabiltza proiektuarekin.
Jakinarazi dutenez, aurreneko fasea bukatzear da, hau da, argazki guztiak edo ia guztiak bildu dituzte dagoeneko. Orain, argazki guztiak txukuntzen ari dira eta argazki horien inguruko informazioa biltzen: azaltzen diren per­tsonak identifikatu, datak zehaz­tu, argazkiaren kontestua... Behin lan hori bukatuta, argazkien aukeraketa egingo dute eta hortik zehaztuko dute liburuaren formatua.
Proiektuko kideak pozik daude izandako harrerarekin: «Jendeak oso ondo hartu gaitu eta argazki pila eman dizkigute». 150 etxe baino gehiagotara joan dira argazkiak jasotzera.

Igeldon ere hasi da EHBilduren kongresu prozesua

Batzar telematikoa egin zen Igeldon prozesua azaltzeko. Aukera gehiago ere izango dira parte hartzeko.

Kultur mahaia sortuko da

Lehenengo bilera martxoaren 18an izango da.

Informazioa eskatu da Txalingo obraren eta adikzioak tratatzeko zentruaren inguruan

Azken aldian herritarren artean kezka sortu dute bi gaik: Txalin mendiaren magalean egiten ari diren obrek eta Gudamendi bidean martxan jartzera doazen adikzioak tratatzeko zentruak. Bi gai horien inguruko informazioa eskatu du Herri Kontseiluak udaletxean eta informazio hori eskuratzeko zain dago.

Etxebizitza beharra duten pertsonen zerrenda egingo da

Herri Kontseilua kontziente da etxebizitzaren inguruan arazo larria dugula. Azken urteetan, herritar asko joan dira Igeldotik kanpo bizi­tzera. Egoeraren larritasuna ikusirik, etxebizitzaren gaia lantzen hasi nahi da. Beti ere kontziente izanik gaia konplexua dela eta ertz asko dituela. Lehen urrats gisa, beharra duten eta Igeldon bizi nahiko luketen pertsonen zerrenda egin nahi da. Une honetan herrian bizi nahi duten edota hemendik urte ba­tzuetara bizitzeko asmoa edukiko luketen pertsonez osatuko da zerrenda. Horrela, hurrengo urteetan egongo den  etxebizitza premia identifikatuko da. Bestetik, gaia modu orokorragoan lan­tzeko asmoa ere badago. Zerrendan sartzeko, jarri harremanetan: herrikontseilua@igeldo.eus edo 606311734.

Azken postak

Artxibategia

2024
2023
2022
2021
2020
2019
2018
2017

Kategoriak

Etiketak

Egileak

Web-jarioak

RSS / Atom