Blog! | Igeldo Herriko webgunea Skip to content
  • Blog!

    Blog!

    Hurrengo epealdiko postak ikusten: maiatza, 2019

    «Disko honetako abestiak jendea gu adina hunkitzeko gai balira, izugarri poztuko ginateke»

    Nork argitaratua: Karmele Garmendia Kategoriak: Azaleko Nabarmendua 4 urte, 11 hilabete atzera

    Urtz taldeak disko berria kaleratu du, “Zabaldu ateak” izenekoa. Martxoan aurkeztu zuten BilboRocken eta ordutik hainbat emanaldi eskaini dituzte. Udan zehar buru belarri ibiliko dira zeregin horretan. Xabier Camarero igeldotarrak (1971, Irun) Urtz taldeko gitarra eta ahotsa denak, tarte bat eskaini dio Orri Informatiboari.

    osorik irakurri / 0 iruzkin

    Irati Arrillaga hockey jokalaria Europako txapeldunorde, Realarekin

    Nork argitaratua: Karmele Garmendia Kategoriak: Azaleko Nabarmendua 4 urte, 11 hilabete atzera

    Europako belar-hockey finala jokatu berria da Amsterdamen eta Realeko emakumezkoen taldea bigarren sailkatu da. Bertan joka­tzen du Irati Arrillaga igeldotarrak. Semifinaletan Alemaniako taldea garaitu ostean (2-1) finalera sailkatu zen Arrillagaren taldea, baina ezinezkoa izan zuten AHBC taldeari irabaztea (7-0 nagusitu zen etxeko taldea) eta txapeldunorde gelditu ziren. Hala ere, emaitzarekin gustura daudela adierazi dio Orri Informatiboari igeldotarrak, Europako txapelketa bat jokatu duen Realeko lehenengo taldea izan baita beraiena.

    osorik irakurri / 0 iruzkin

    "Erraiak" irrintziari buruzko dokumental ikusgarria, Igeldon

    Nork argitaratua: Karmele Garmendia 4 urte, 11 hilabete atzera

    Gezurra badirudi ere, hain egunerokoa zaigun irrintziari buruz ez da inoiz dokumentalik egin. Orain, azkenean, irrintziaren mundu ezezaguna ezagutzeko aukera zabaldu zaigu "Erraiak" dokumentalarekin. Eta Igeldon aukera ederra izango da. Izan ere, Udaberri Festaren barruan, hiru emanaldi izango dira: maiatzaren 11n (larunbata) 19:30etan; eta maiatzaren 12an (igandea) 12:30etan eta 18:30etan. Emanaldi guztiak Sindikatuan izango dira.

    osorik irakurri / 0 iruzkin

    Ttonttorroren argazki lehiaketan parte hartzeko, azken egunak

    Nork argitaratua: Karmele Garmendia 4 urte, 11 hilabete atzera

    Festetako egitarauko portada aukeratzeko, argazki lehiaketa antolatu du aurten ere Ttonttorro Jai Batzordeak. Argazki lehiaketan parte hartzeko azken eguna maia­tzaren 12a da. Saria: programako portada eta 100 euro.
    Aurkeztu beharrekoa, honakoa: Igeldorekin zerikusia duen argazki, marrazki, montaje edo collage bat. Argazkiak 14,85*21zm-koa izan behar du.
    Lanak aurkezteko lau aukera daude: kultur etxeko buzoian sartu (sobre baten barruan eta izen abizenak adieraziz); bulegoan entregatu (sobre baten barruan eta izen abizenak adieraziz); postaz bidali: Itsas Aurre kultur etxea, Igeldoko plaza 4, 20008 Igeldo (sobre baten barruan eta izen abizenak adieraziz); edo emailez bidali: ttonttorro@gmail.com.
    Animatu eta parte hartzeko dei egin du Ttonttorrok.

    osorik irakurri / 0 iruzkin

    Larrialdizko batzarra deitu du Herri Kontseiluak asteazkenerako

    Nork argitaratua: Karmele Garmendia 4 urte, 11 hilabete atzera

    Herri Kontseilua berritzeko hauteskundeei begira, lanean ari da Hauteskunde Batzordea. Egoerarekin kezkatuta daude eta larrialdizko batzarra deitu du Herri Kontseiluak. Bertan, egoera azalduko dute eta guztien artean egoerari konponbide bat ematea lortu nahi da. Batzar irekia izango da eta herritar guztiei dei egiten diete azaltzeko. Asteazkenean izango da (maiatzak 8) arratsaldeko 19:30etan, Itsas Aurre kultur etxean.

    osorik irakurri / 0 iruzkin

    Azken postak

    Artxibategia

    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom