Blog! | Igeldo Herriko webgunea Skip to content

Blog!

Hurrengo epealdiko postak ikusten: martxoa, 2018

Itsas Aurreren boletoak merkeago eskuratzeko aukera

Itsas Aurrek antolatzen duen urte osoko zozketan zenbait boleto saldu gabe geratu direla eta, martxotik aurrera prezio merkeagoan erosteko aukera izango dela azaldu dute. Boleto bakoitza 44 eurotan erosteko aukera izango da. Deialdi berezia egin nahi dute aurtengoan, zozketa mota hau egingo den azken urtea izango baita. Gainera, boleto guztiak salduz gero, datorren urterako geratuko den zorra txikiagoa izango dela
azpimarratu dute.
Beraz, oraindik boletorik erosi ez baduzu edo azken urtea dela eta laguntza handiagoa eman nahi baduzu, Itsas Aurre taldeko kideren batekin harremanetan jarri edo 645 73 57 62 telefonora deitu. Gustora hartuko dute zure aportazioa!!

"Angula ustelak" hitzaldia Igeldon, erraustegiaren atzean zer dagoen jakiteko

Nolakoa da Euskal Erregimenaren politika eta zer gertatzen da aurre egiten diozunean? Honen inguruko azalpenak emango dituzte Ainhoa Intxaurrandietak eta Igor Melchorrek martxoaren 22an (osteguna), Igeldon. "Angula ustelak" elkartasun biraren barruan izango da hitzaldia eta antolatzaileek azaldu dutenez, bertan erakutsiko dute erraustegiaren proiektuaren atzean dauden interesak eta diru publikoa betikoen esku pribatuetara pasatzeko egiten dituzten trikimailuak. Hitzaldia arratsaldeko 19:30etan izango da Itsas Aurre kultur etxean.

Errigorako olioa eta kontserbak eskatzeko epea zabalik dago

Aurten ere, Errigorako oliba-olio birjina estra eta kontserba-sortak (piperrak, zainzuriak, orburuak, potxak...) eskatzeko aukera dago Igeldon. Produktuak, gainera, euskaraz etiketatuta eta ekoizlearen jatorrizko prezioan dira! Orain aukeratu eta jasotzean ordaindu behar da. Eskaera martxoaren 20ra arte egin daiteke. Oliba-olioa apirilean jasoko da eta ordainketa olioa jasotzean egin beharko da; kontserba-sortak, berriz, ekainean jasoko dira eta orduan ordaindu beharko dira.

Zer antolatuko zenuke festetan?

Ttonttorro Jai Batzordeko kideak San Pedro festak prestatzen hasiak dira. Iaz zenbait ekintza berri antolatu ziren eta arrakasta izan zuten. Hori horrela, herritarrei aukera zabaltzea pentsatu dute festei begira ideia eta ekintza berriak proposatzeko eta antolatzeko. Norbaitek ekintzaren bat gustora antolatuko balu, animatu dadila!

Bingo eta guzti aurtengo Emakume Afarian

Emakumeen Egunaren bueltan, Emakume Afaria egin zen larunbatean Igeldon (martxoak 10). Ohi bezala, Igeldoko emakume baserritarrek antolatu zuten afaria. Aurtengoan, herriko 55 emakume elkartu ziren eta betiko moduan, giro ederrean ibili ziren. Igeldoko Iturrieta Berri jatetxean (kanpinean) izan zen afaria eta tripa ederki bete ostean, oparien banaketari ekin zioten. Eta oraingoan, ohiko zozketa bidez izan beharrean, bingoan jokatuz aukeratu zituzten saridunak. Alde batetik, linea aurrena kantatu zuenak urdaiazpikoa eta sorpresa txiki bat eraman zituen; Amaia Errazkinek, hain zuzen. Eta bestetik, bingoa kantatu zuenak saski mundiala eta sorpresa txiki bat irabazi zituen. Kasu honetan, Larraitz Zubeldia izan zen sariduna. Beretzat izan ziren Igeldoko baserrietako barazkiak, arrautzak, behi esnea eta ardi esnea, gazta, txerrikia, masaje saioa, lore bat… Gustora hartu zen bingoarena eta saltsa polita sortu zuen!

Azken postak

Artxibategia

2024
2023
2022
2021
2020
2019
2018
2017

Kategoriak

Etiketak

Egileak

Web-jarioak

RSS / Atom